ប៉ុន្មានឆ្នាំកន្លង គណៈកម្មាធិការអចិន្ត្រៃយ៍នៃសមាគមសហព័ន្ធនារីឃុំ Sông Đốc តែងយកចិត្តទុកដាក់ និងផ្សព្វផ្សាយយ៉ាងមានប្រសិទ្ធភាពនៃការឧបត្ថម្ភ ជំនួយសមាជិក និងស្ត្រីដែលជាគ្រួសារក្រីក្រ និងមានជីវភាពជួបលំបាក រួមចំណែកជាមួយគណៈកម្មាធិការបក្សសម្រេចជោគជ័យនូវគោលដៅនៃការកាត់បន្ថយភាពក្រីក្រប្រកបដោយចីរភាព។
សមាជិកនារីចូលរួមបង្កើតដើមទុនប្រឹតសំចៃក្នុងកិច្ចប្រជុំសាខា និងក្លឹប។
ចាប់តាំងពីដើមឆ្នាំមក សមាគមបានចង្អុលការណែនាំដល់គ្រប់សាខាទាំងឡាយឱ្យទទួលឧបត្ថម្ភតិចបំផុត ១ គ្រួសារ និង ១ គ្រួសារប្រកៀកបន្ទាត់ក្រ ព្រមទាំងគ្រួសារដែលទើបរួចផុតពីភាពក្រីក្រ។ លទ្ធផល មាន ២២ សាខាបានចុះឈ្មោះចូលរួមជាមួយទម្រង់ផ្សេងៗ ដូចជា៖ "១០ ក្នុងចំណោម ១" ១១ ក្លឹបរួមដើមទុនសម្រាប់ទិញប័ណ្ណធានារ៉ាប់រងសុខភាពជូនបងប្អូននារី ៧២ នាក់រូប និងពាងអង្ករពេញដោយក្តីស្រឡាញ់រួមមាន ២៧ ក្លឹប ដោយមានសមាជិក ៥២០ នាក់ ចូលរួមវិភាគទានបានអង្ករចំនួន ៣.៣៤០ គីឡូក្រាម ជួយបងប្អូននារី ២១០ នាក់ដែលមានជីវភាពជួបលំបាក។ ទម្រង់ចិញ្ចឹមជ្រូកដីមានទាំងអស់ ៤០ ក្លឹប ដោយមានសរុបទឹកប្រាក់ ១៩,៥ លានដុង ដើម្បីជួយបងប្អូននារី ចំនួន ១២ នាក់ដែលមានជីវភាពជួបលំបាក និងមនុស្សចាស់ឯកោ។
ផ្តើមពីទឹកប្រាក់ដើមទុននៃការខិតខំប្រឹតសំចៃ ក៏បានជួយបងប្អូននារីជាច្រើននៅភូមិ Thị Kẹo អភិវឌ្ឍន៍ទម្រង់ចិញ្ចឹមសត្វ ផ្តល់មកនូវប្រភពចំណូលនឹងនរល្អ។
ជាមួយនោះដែរ បណ្តាទម្រង់នៃការកែច្នៃកាកសំណល់ប្លាស្ទិកទៅជារបស់របរប្រើប្រាស់បាន និងការរៃអង្គាសថវិកាដើម្បីឧបត្ថម្ភបងប្អូននារីផ្តើមអាជីពបានទាក់ទាញសមាជិកជាង ៣.០០០ នាក់ចូលរួម អាស្រ័ហេតុនេះហើយ ក៏ប្រឹតសំចៃទឹកប្រាក់បាន ៦០ លានដុង សម្រាប់ជំនួយឧបត្ថម្ភបងប្អូននារីចំនួន ៦ នាក់បង្តើតអាជីព។
ជាពិសេស សមាគមសហព័ន្ធនារីឃុំ Sông Đốc ថែមទាំងបានកៀរគរសមាជិកឱ្យចូលរួមសាងសង់ និងបន្តអនុវត្ត ៣៤ ទម្រង់នៃក្លឹបនារីរួមដើមទុន ដោយប្រឹតសំចៃទឹកប្រាក់បានជាង ២,៩ ពាន់លានដុង បង្កលក្ខណៈសម្រាប់សមាជិកចំនួន ២៥៦ នាក់ខ្ចីប្រាក់ដើម្បីអភិវឌ្ឍសេដ្ឋកិច្ចតាមរយៈសកម្មភាព ដូចជា៖ ចិញ្ចឹមសត្វ ដាំដំណាំ លក់ដូរកំប៊ិចកំប៉ុក។ល។ លើសពីនោះ ផ្តើមពីដើមទុនដែលប្រគល់ឱ្យដោយធនាគារគោលនយោបាយសង្គម សមាគមកំពុងគ្រប់គ្រងចំនួន ១៤ ក្លឹប ដោយសរុបប្រាក់បំណុលជាង ២០ ពាន់លានដុង។ ជំនួយឧបត្ថម្ភ ៧១២ គ្រួសារដើម្បីអភិវឌ្ឍសេដ្ឋកិច្ច។
បងប្អូននារីបុលប្រាក់សម្រាប់បង្កើតមុខរបរលក់ដូរកំប៊ិចកំប៉ុកនៅតាមគ្រួសារ។
អ្នកស្រី Nguyễn Kim Lên ប្រធានសមាគមសហព័ន្ធនារីឃុំ Sông Đốc បានមានប្រសាសន៍ថា៖ “តាមរយៈសកម្មភាពនៃការឧបត្ថម្ភ ក៏បានបង្កលក្ខណៈសម្រាប់សមាជិក និងបងប្អូននារីក្នុងការទទួលបាននូវប្រភពទុន ដើម្បីបង្កើនការផលិត និងប្រាក់ចំណូលនឹងនរ ព្រមទាំងបង្កើតឱកាស និងការងារធ្វើកាន់តែច្រើនសម្រាប់កម្មករជាស្ត្រីភេទ។ ជាពិសេសនៅតាមតំបន់ជនបទ រួមចំណែកជាវិជ្ជមានដល់ការអភិវឌ្ឍសេដ្ឋកិច្ច-សង្គមរបស់ភូមិភាគ។ សមាជិក និងស្ត្រីជាច្រើនបានផ្លាស់ប្តូរគំនិតរបស់ខ្លួន និងមានឆន្ទៈក្នុងការកែលម្អជីវភាពរស់នៅរបស់ពួកគេ។ ផ្តើមពីនោះ បានជួយបងប្អូនស្ត្រីមានទំនុកចិត្ត ហ៊ានគិត ហ៊ានធ្វើ មានភាពច្នៃប្រឌិតក្នុងការបង្កើតអាជីព និងចូលរួមក្នុងការអភិវឌ្ឍសេដ្ឋកិច្ច”។
បងប្អូននារីឃុំ Sông Đốc បង្កើតបរិស្ថានបៃតង ស្អាត ស្រស់ល្អ រួមចំណែកកសាងជនបទថ្មីផងដែរ។
តាំងពីដើមឆ្នាំរហូតមក សមាគមសហព័ន្ធនារីឃុំ Sông Đốc បានជំនួយឧបត្ថម្ភ ១៥៤ គ្រួសាររួចចាកក្រ ក្នុងនោះមាន ៤៥ គ្រួសារក្រ ៣៤ គ្រួសារប្រកៀកបន្ទាត់ និង ៧៩ គ្រួសារដែលទើបបានរួចចាកក្រ។ សម្រេចបានជាង ១០០% គោលដៅនៃសេចក្តីសម្រេចចិត្ត។ សកម្មភាពនៃការឧបត្ថម្ភ ជួយបងប្អូនសមាជិកនារីក្រីក្រ និងនារីជួបការលំបាក បានបង្កើតលក្ខណៈសម្រាប់បងប្អូននារីចេះឆក់ឱកាសដើម្បីឆ្លងកាត់គ្រប់ឧបសគ្គទាំងឡាយ ឈានឡើងរួចចាកក្រចីរភាព និងអភិវឌ្ឍន៍សេដ្ឋកិច្ច-សង្គមនៅភូមិភាគផងដែរ៕
Quỳnh Anh - Hoàng Vũ
