ធ្លាប់ជាប្រភេទរុក្ខជាតិព្រៃដែលបង្ករាំងស្ទះលំហូរទឹក ឥឡូវនេះត្រកៀតប៉ោងកំពុងនាំមកនូវមុខមាត់ថ្មីសម្រាប់សេដ្ឋកិច្ចជនបទឃុំ Phước Long។ ទម្រង់ក្លិបត្បាញត្រកៀតប៉ោងមិនត្រឹមតែជួយដោះស្រាយការងារធ្វើក្នុងពេលទំនេរពីការងារស្រែចំការប៉ុណ្ណោះទេ ថែមទាំងជួយនារីជាច្រើន “បង្វែបន្លែព្រៃឱ្យក្លាយជាប្រាក់” តាមរយៈនោះលើកកម្ពស់តួនាទីនិងឋានៈរបស់បងប្អូននារីក្នុងគ្រួសារទៀតផង។
ក្រុមត្បាញត្រកៀតប៉ោងភូមិ Phước ៣ A ធ្វើផលិតផលតាមការកាម៉ង់ទិញ។
មកកាន់ភូមិ Phước ៣ A ឃុំ Phước Long ក្នុងប៉ុន្មានថ្ងៃនេះ បរិយាកាសពលកម្មនៅផ្ទះបងស្រី Lê Thị Em ប្រធានក្រុមត្បាញត្រកៀតប៉ោង តែងអ៊ូអរដោយសូរសម្លេងសើចចជែក គ្នា។ នេះជាទីកន្លែងណាត់ជួបដ៏ស្និទស្នាលរបស់សមាជិកាសមាគមនារី ១៦ នាក់ ដែលសុទ្ធសឹងជាបងប្អូននារីតែងធ្លាប់តែធ្វើការងារស្រែចំការ បានក្លាយទៅជាភាពប៉ិនប្រសព្វ ទន់ភ្លន់លើសរសៃត្រកៀតប៉ោងស្ងួតមួយទងៗ។
ចំណុចលេចធ្លោនៃរបរត្បាញ គឺភាពបត់បែន មិនកំណត់ពេលវេលាឬទីកន្លែងនោះទេ។ បងប្អូននារីអាចទទួលវត្ថុធាតុដើមយកទៅផ្ទះ ឆ្លៀតពេលត្បាញនៅពេលទំនេរ ក្រោយពេលរៀបចំបាយទឹក ឬជូនកូនទៅរៀន។ល។
ដំណើរការពលកម្មជួយសមាជិកាក្នុងក្រុមផ្សារភ្ជាប់មនោសញ្ចេតនាភូមិផងរបងជាមួយ។
លោកស្រី Đặng Thị Kim Khoa អនុប្រធានសមាគមនារីឃុំ Phước Long ឱ្យដឹងថា៖ “អាស្រ័យដោយការឧស្សាហ៍ព្យាយាមនិងប៉ិនប្រសព្វ ជាមធ្យមសមាជិកម្នាក់ៗរកបានប្រាក់ចំណូលពី ៣ ដល់ជាង ៥ លានដុងក្នុងមួយខែ។ ចំនួនប្រាក់នេះទោះបីមិនច្រើនក្តី ប៉ុន្តែបានជួយបងប្អូននារីទូទាត់ចំណាយក្នុងជីវភាព និងប្រាក់រៀនសូត្ររបស់កូន។ ប្រសិទ្ធភាពនៃទម្រង់នេះបាននិងកំពុងបង្កើតកម្លាំងចលករ ដើម្បីនារីចូលរួមយ៉ាងសកម្មក្នុងសកម្មភាពសមាគម”។
តាមលោកស្រី Khoa ដោយឡែកនៅភូមិ Phước ៣ A ជាតំបន់ទឹកសាបមានត្រកៀតប៉ោងធម្មជាតិច្រើន បងប្អូននារីបានឆ្លៀតយកត្រកៀតប៉ោងស្រស់ក្រោមទន្លេយកមកកាត់ ហាលស្ងួតធ្វើជាវត្ថុធាតុដើម ជួយកាត់បន្ថយចំណាយដើមទុន។ អាស្រ័យហេតុនោះ ផលិតផលត្បាញរបស់ក្រុមទទួលបានប្រាក់ចំណេញខ្ពស់ជាងបើធៀបនឹងកន្លែងដែលត្រូវទិញវត្ថុធាតុដើម បង្កើតក្តីរំភើបជូនសមាជិកាដែលចូលរួមទម្រង់។
ផលិតផលពីត្រកៀតប៉ោងបានសម្រេចរួចរាល់តាមការកាម៉ង់ទិញ។
បច្ចុប្បន្ន ឃុំ Phước Long រក្សាសកម្មភាពមានប្រសិទ្ធភាពនៃក្រុមត្បាញត្រកៀតប៉ោងចំនួន ៥។ ក្នុងតួនាទីជា “បង្អែក” សមាគមនារីឃុំបានសកម្មជួយទុនបុកជាបុព្វសិទ្ធិ ព្រមទាំងតភ្ជាប់សហគ្រាសធានាទទួលទិញយកផលិតផល ជួយបងប្អូននារី ស្ងប់ចិត្ត ផលិត។ ផលិតផលសិប្បកម្មដ៏ប្រណិតពីត្រកៀតប៉ោងមិនត្រឹមតែនាំមកនូវតម្លៃសេដ្ឋកិច្ចប៉ុណ្ណោះទេ ថែមទាំងជាភស្តុតាងរស់រវើកបង្ហាញពីស្មារតីច្នៃប្រតិដ្ឋ ឆន្ទៈឈានឡើងចាកផុតពីភាពក្រីក្រដោយចីរភាពរបស់នារីតំបន់ទន្លេទឹក៕
Đờ Ni - Ngọc Quyên
