មិនត្រឹមបានរួមចំណែកកសាងកម្មវិធីអភិវឌ្ឍន៍ជនបទថ្មីតាមរយៈកិច្ចការងារសហគមន៍ប៉ុណ្ណោះទេ ប្រជាជនជាច្រើននៅឃុំ Tân Lộc បានបង្ហាញពីស្មារតីហានគិត ហានធ្វើរបស់ខ្លួន តាមរយៈទម្រង់ផលិតកម្មប្រកបដោយប្រសិទ្ធភាព។ ផ្តើមពីការខិតខំប្រឹងប្រែង និងការស្រេកឃ្លានចង់សិក្សារៀនសូត្រ លោក Nguyễn Văn Luân នៅភូមិ Kinh Ngan បានបង្កើតទម្រង់ចិញ្ចឹមមាន់ពាណិជ្ជកម្មទទួលជោគជ័យ នាំមកនូវប្រាក់ចំណូលស្ថិរភាពនៅក្នុងស្រុកកំណើតរបស់ខ្លួន។
បង Nguyên Văn Luân (កណ្តាល) ចែករំលែកបទពិសោធន៍ចិញ្ចឹមមាន់ជាមួយមាមីងនៅភូមិភាគ។
ទម្រង់ផលិតរបស់បង Luân បានចាប់ផ្តើមជាមួយនឹងមាន់ប្រហែល ៥០ ក្បាលប៉ុណ្ណោះដែលចិញ្ចឹមនៅជុំវិញផ្ទះរបស់ខ្លួន។ បន្ទាប់ពីមាន់មួយសំបុកៗ ដោយឃើញថាភាពសមស្របរបស់វាទៅនឹងលក្ខណៈរបស់ភូមិភាគ និងតម្រូវការទីផ្សារមានស្ថេរភាព បង Luân បានសម្រេចចិត្តវិនិយោគជាមូលដ្ឋានគ្រឹងជាងមុន។ បងបានសិក្សាស្រាវជ្រាវបច្ចេកទេសយ៉ាងសកម្មតាមរយៈសៀវភៅ កាសែត និងអ៊ីនធឺណិត ព្រមទាំងបានទៅទស្សនាតាមតំបន់ភូមិភាគជាច្រើនទាំងក្នុង និងក្រៅខេត្ត ដើម្បីស្វែងយល់អំពីទម្រង់ផលិតកម្មប្រកបដោយប្រសិទ្ធភាព និងបានចូលរួមវគ្គបណ្តុះបណ្តាលដែលរៀបចំដោយរដ្ឋអំណាចភូមិភាគ ដើម្បីបំពេញបន្ថែមចំណេះដឹងរបស់ខ្លួន។
បង Nguyễn Văn Luân បានចែករំលែកថា៖ “បន្ទាប់ពីរដូវចិញ្ចឹមបង្គានីមួយៗ ខ្ញុំមានពេលទំនេរច្រើន ដូច្នេះខ្ញុំបានព្យាយាមចិញ្ចឹមមាន់ប្រហែល ៥០ ក្បាល។ ខ្ញុំមានសាច់មាន់សម្រាប់បរិភោគផង និងអាចលក់វាម្តងម្កាលដើម្បីរកប្រាក់ចំណូលបន្ថែមផងដែរ។ ដោយឃើញថាការចិញ្ចឹមមាន់មានប្រសិទ្ធភាព និងចំណេញច្រើនជាងទម្រង់ចិញ្ចឹមសត្វដទៃទៀត ខ្ញុំក៏បានពង្រីកហ្វូងមាន់យ៉ាងក្លាហាន និងពង្រីកឱ្យកាន់តែច្រើន ខ្ញុំក៏ទទួលបានបទពិសោធន៍ច្រើន អាស្រ័យហេតុនេះហើយ ទើបហ្វូងមាន់មានការអភិវឌ្ឍជាលំដាប់ដូចសព្វថ្ងៃនេះ”។
ផ្តើមពីដំបូងមានមាន់រាប់សិបក្បាល ឥឡូវនេះគាត់មានមាន់ពាណិជ្ជកម្មជាង ៣.០០០ ក្បាល។ ទ្រុងមាន់មានខ្យល់ចេញចូលល្អ និងមានអនាម័យត្រឹមត្រូវ។ ដំណើរការថែទាំ និងបង្ការជំងឺត្រូវបានអនុវត្តយ៉ាងមឹងម៉ាត់ ដូច្នេះមាន់ក៏លូតលាស់បានល្អ និងអត្រាមាន់ងាប់ក៏មានកម្រិតទាបដែរ។ ដោយសារតែធានាគុណភាពល្អ ក៏មានពាណិជ្ជករមកទិញជាប្រចាំ ធានាបាននូវទីផ្សារយ៉ាងរលូនទៀតផង។ ជារៀងរាល់ឆ្នាំ បន្ទាប់ពីការចំណាយរួចរាល់ ទម្រង់នេះបាននាំមកនូវប្រាក់ចំណេញដល់គ្រួសារបងចាប់ពី ៣០០-៤០០ លានដុង បានក្លាយជាទម្រង់សេដ្ឋកិច្ចគំរូមួយសម្រាប់តំបន់ភូមិភាគទៀតផង។
យោងតាមលោក Nguyễn Hồng Quân ប្រធានសាខាសមាគមអតីតយុទ្ធជនភូមិ Kinh Ngan បន្ទាប់ពីបញ្ចប់ការបម្រើយោធា និងត្រឡប់មកស្រុកកំណើតវិញ លោក Luân បានសាកល្បងជាមួយទម្រង់ជាច្រើន ដូចជា៖ ចិញ្ចឹមបង្គា ត្រីខ្សាច់ដំរី មុនពេលចាប់ផ្តើមចិញ្ចឹមមាន់បែបពាណិជ្ជកម្ម។ ការតស៊ូ ឆន្ទៈក្នុងការរៀនសូត្រ និងត្រៀមខ្លួនសម្រាប់ការផ្លាស់ប្តូររបស់ខ្លួន បានជួឱ្យបងស្វែងរកផ្លូវដ៏សមស្របមួយ បានក្លាយជាការបំផុសគំនិតសម្រាប់សមាជិក និងយុវជនជាច្រើនឱ្យក្លាហានធ្វើតាមផងដែរ។
មិនត្រឹមផ្តល់ប្រសិទ្ធផាពខាងវិស័យសេដ្ឋកិច្ចសម្រាប់គ្រួសារប៉ុណ្ណោះទេ ទម្រង់ផលិតរបស់បង Luân ថែមទាំងត្រូវបានភូមិចាត់ទុកថាមានសក្តានុពលខ្លាំងសម្រាប់ពង្រីកទូលាយផងដែរ ពីព្រោះវាសមស្របសម្រាប់លក្ខណៈផលិតនៅតាមតំបន់ជនបទ តម្រូវឱ្យមានការវិនិយោគកម្រិតមធ្យម និងមានទីផ្សារស្ថិរភាព។
ហ្វូងមាន់ទំនិញត្រូវបានចិញ្ចឹមក្នុងទ្រុងដ៏ជ្រះស្អាត និងមានខ្សល់ជំនោរគ្រប់គ្រាន់។
លោក Trần Chí Cường ប្រធានសមាគមកសិករឃុំ Tân Lộc បានឱ្យដឹង៖ “បន្ទាប់ពីបានទៅទស្សនាទម្រង់របស់បង Luân យើងឃើញថា នេះគឺជាទិសដៅចិញ្ចឹមសត្វដែលនាំមកនូវប្រសិទ្ធភាពសេដ្ឋកិច្ចខ្ពស់ សមស្របសម្រាប់លក្ខណៈគ្រួសារជាច្រើន ជាពិសេសយុវជន និងអតីតយុទ្ធជន។ ក្រៅពីការចិញ្ចឹមមាន់ លោក Luân ក៏បានបង្កើតទម្រង់ចិញ្ចឹមបង្គាដោយជោគជ័យផងដែរ។ ភូមិភាគនឹងបន្តជំរុញទឹកចិត្ត ព្រមទាំងបង្កលក្ខណៈងាយស្រួលសម្រាប់ប្រជាជនឱ្យរៀនសូត្រ និងពង្រីកសាយភាយទម្រង់ផលិតដែលប្រកបដោយប្រសិទ្ធភាព ដើម្បីបង្កើនប្រាក់ចំណូល”។
ផ្តើមពីមាន់រាប់សិបក្បាលដែលចិញ្ចឹមដោយពិសោធន៍នៅជុំវិញផ្ទះរបស់ខ្លួន លោក Nguyễn Văn Luân បានបង្កើតទម្រង់ចិញ្ចឹមសត្វដោយទ្រង់ទ្រាយធំ ដើម្បីបង្កើតប្រភពចំណូលមានស្ថេរភាពតាមរយៈការឧស្សាហ៍ព្យាយាម និងការតាំងចិត្តដើម្បីជម្នះលើការលំបាក រួមទាំងស្មារតីនៃការរៀនសូត្រមិនឈប់ឈរ៕
Trịnh Hồng Nhi - Hà Phong Nguyễn
