ព្រះតេជគុណ Dương Lượng ចៅអធិការវត្តសិរីវង្ស ចេកមាស ហៅអណ្តូងចេក (Đìa Chuối) ស្ថិតនៅឃុំ Vĩnh Mỹ ត្រូវបានគេស្គាល់ថាជា “ស្ពានតភ្ជាប់” រវាងរដ្ឋអំណាច និងប្រជាជន ព្រមទទាំងគោលនយោបាយរបស់បក្ស និងក្រឹត្យច្បាប់រដ្ឋចំពោះបងប្អូនជនរួមជាតិ Khmer ផងដែរ។ នោះគឺជាតួនាទីសដ៏សំខាន់ខណៈពេលដែលព្រះសង្ឃមិនត្រឹមអនុវត្តល្អភារកិច្ចសាសនាប៉ុណ្ណោះទេ ថែមទាំងមានតួនាទីជាអ្នកតំណាងរាស្ត្រ រួមចំណែកពង្រឹងផែនមហាសាមគ្គីទូទាំងជនជាតិនៅមូលដ្ឋានទៀតផង។
ព្រះតេជគុណ Dương Lượng សំណេះសំណាលជាមួយអ្នកមានកិត្យានុភាពក្នុងជនរួមជាតិ Khmer នៅភូមិភាគ ដើម្បីផ្សព្វផ្សាយគោលការណែនាំ គោលនយោបាយនិងក្រឹត្យច្បាប់របស់រដ្ឋជូនដល់ប្រជាជន។
ដោយបានភ្ជាប់ទំនាក់ទំនងយ៉ាងជិតស្និទ្ធជាមួយប្រជាពុទ្ធបរិស័ទ Khmer អស់រយៈពេលជាច្រើនឆ្នាំកន្លងមក ព្រះអង្គយល់ច្បាស់ថា ដើម្បីអនុវត្តគោលនយោបាយប្រកបដោយប្រសិទ្ធភាព ប្រជាជនត្រូវតែយល់ឱ្យបានត្រឹមត្រូវជាមុនសិន។ ដូច្នេះ បន្ថែមពីលើសកម្មភាពព្រះពុទ្ធសាសនា ព្រះតេជគុណតែងតែលះបង់ពេលវេលាដើម្បីផ្សព្វផ្សាយគោលការណ៍ណែនាំរបស់បក្ស គោលនយោបាយ និងក្រឹត្យច្បាប់របស់រដ្ឋដល់ប្រជាជនតាមរបៀបដែលងាយជិតស្និទ្ធ និងងាយយល់ទៀតផង។
"អាត្មាតែងពន្យល់ជាភាសា Khmer ដើម្បីឱ្យប្រជាជនយល់ ជឿទុកចិត្ត និងអនុវត្តតាម។ នៅពេលដែលប្រជាពុទ្ធបរិស័ទយល់បានច្បាស់ ទើបការអនុវត្តគោលនយោបាយនឹងកាន់តែឆាប់ និងមានប្រសិទ្ធភាព" ព្រះតេជគុណ Dương Lượng បានចែករំលែកដូច្នេះ។
ខណៈពេលដែលជួបជាមួយអ្នកបោះឆ្នោត ព្រះតេជគុណ Dương Lượng តែងតែជំរុញទឹកចិត្តប្រជាជនឱ្យបញ្ចេញមតិរបស់ខ្លួនដោយក្លាហាន។ យោងតាមព្រះអង្គ អ្នកបោះឆ្នោត Khmer ទាំងឡាយនៅតែមានអារម្មណ៍ស្ទាក់ស្ទើរ ឬខ្វះទំនុកចិត្តក្នុងការប្រើប្រាស់ភាសា Việt Nam នៅពេលនិយាយស្តីចំពោះមុខក្រុមធំ។ ដូច្នេះតួនាទីរបស់អ្នកតំណាងមិនត្រឹមតែស្តាប់ប៉ុណ្ណោះទេ ថែមទាំងបង្កលក្ខណៈសម្រាប់ប្រជាជនដើម្បីបង្ហាញពីបំណងប្រាថ្នារបស់រៀងខ្លួនទៀតផង។
ព្រះតេជគុណ Dương Lượng មានថេរដីការ៖ "ប្រសិនបើប្រជាពុទ្ធបរិស័ទមិនអាចនិយាយភាសា Việt Nam បានទេ អាត្មានឹងបកប្រែជាភាសា្ម Khmer ដើម្បីឱ្យអ្នកតំណាងនៅក្នុងក្រុមយល់ពីមតិរបស់អ្នកបោះឆ្នោតបានយ៉ាងងាយស្រួល។ រឿងសំខាន់គឺថាសម្លេងរបស់ប្រជាជនត្រូវតែឆ្លុះបញ្ចាំងបានយ៉ាងពេញលេញ"។
ភាពជិតស្និទ្ធនេះបានជួយអ្នកបោះឆ្នោតជាច្រើនមានទំនុកចិត្តកាន់តែខ្លាំងក្នុងការរួមចំណែកផ្នាត់គំនិតដល់ការអភិវឌ្ឍភូមិភាគ។ បញ្ហាទាក់ទងនឹងហេដ្ឋារចនាសម្ព័ន្ធ ផលិតកម្ម សុខុមាលភាពសង្គម និងជីវិតរបស់ប្រជាជនត្រូវបានឆ្លុះបញ្ចាំងយ៉ាងពេញលេញដល់រដ្ឋអំណាចគ្រប់លំដាប់ថ្នាក់។ យោងតាមព្រះអង្គ អ្នកតំណាងមិនមានសិទ្ធិសម្រេចចិត្តក្នុងនាមជាប្រជាពលរដ្ឋនោះទេ ប៉ុន្តែគ្រាន់តែតំណាងឱ្យសម្លេងរបស់អ្នកបោះឆ្នោតដោយស្មោះត្រង់ទៀតផង។
ព្រះអង្គមិនត្រឹមតែសកម្មក្នុងការផ្សព្វផ្សាយព័ត៌មានដល់អ្នកបោះឆ្នោតប៉ុណ្ណោះទេ ព្រះតេជគុណ Dương Lượng ថែមទាំងបង្ហាញពីការទទួលខុសត្រូវជាប់លាប់នៅក្នុងកិច្ចប្រជុំក្រុមប្រឹក្សាប្រជាជនទៀតផង។ ក្នុងអំឡុងពេលពិភាក្សា និងវគ្គសួរសំណួរ ព្រះតេជគុណតែងតាមដានវឌ្ឍនភាពនៃការដោះស្រាយបញ្ហាដែលជាកង្វល់ដល់អ្នកបោះឆ្នោត និងផ្តល់មតិកែលម្អដោយស្មោះត្រង់ និងស្ថាបនា។ យោងតាមព្រះតេជគុណ គោលនយោបាយថ្មីនីមួយៗត្រូវការការសិក្សាស្រាវជ្រាវយ៉ាងហ្មត់ចត់មុនពេលផ្សព្វផ្សាយដល់ប្រជាជន។ មានតែពេលដែលតំណាងរាស្ត្រយល់បានត្រឹមត្រូវទេ ទើបពួកគេអាចបង្ហាញព័ត៌មានប្រកបដោយប្រសិទ្ធភាព។
ព្រះតេជគុណ Dương Lượng តែងអស់ពីព្រះទ័យក្នុងការបង្រៀនអក្សរសាស្ត្រជាតិនិងអភិរក្សតម្លៃវប្បធម៌ Khmer។
ព្រះតេជគុណបានបន្ថែមទៀតថា៖ "នៅពេលដែលប្រជាជនឃើញថាយើងនិយាយការពិត ហើយកំពុងធ្វើសកម្មភាពដោយស្មោះត្រង់ ពួកគេនឹងជឿទុកចិត្តយើង។ ដោយមានទំនុកចិត្ត អ្វីៗគ្រប់យ៉ាងនៅក្នុងតំបន់នឹងដំណើរការទៅដោយរលូនជាងមុន"។
ឃុំ Hoà Bình គឺជាតំបន់ដែលសហគមន៍ទាំង ៣ ជនជាតិ រួមមាន៖ Kinh - Khmer - Hoa ដែលបានរស់នៅជាមួយគ្នាអស់ជាច្រើនជំនាន់។ ភាពចម្រុះខាងវប្បធម៌នេះបង្កើតជាមូលដ្ឋានគ្រឹះសម្រាប់ការកសាងឯកភាពដ៏រឹងមាំ។ យោងតាមព្រះតេជគុណ Dương Lượng រឿងសំខាន់បំផុតដើម្បីរក្សាឯកភាពនេះគឺការបង្កើតទំនុកចិត្តរវាងគណៈកម្មាធិការបក្ស រដ្ឋអំណាច និងប្រជាជន។ នោះហើយជាមូលហេតុដែលព្រះតេជគុណតែងតែជំរុញទឹកចិត្តប្រជាពុទ្ធបរិស័ទ ឱ្យលើកកម្ពស់ស្មារតីសាមគ្គីភាពក្នុងជនរួមជាតិ ចូលរួមយ៉ាងសកម្មក្នុងចលនារបស់ភូមិភាគ អភិវឌ្ឍសេដ្ឋកិច្ចយ៉ាងក្លាហាន កសាងជីវិតវប្បធម៌ និងថែរក្សាអត្តសញ្ញាណជនជាតិ Khmer។
ផ្តើមពីវត្តសិរីវង្សាចេកមាស អណ្តូងចេក (Đìa Chuối) រហូតដល់ក្រុមប្រឹក្សាប្រជាជនឃុំ Hoà Bình ព្រះតេជគុណ Dương Lượng តែងរក្សាជំនឿយ៉ាងខ្ជាប់ខ្ជួនថា អ្នកតំណាងត្រូវតែជាស្ពានតភ្ជាប់ដ៏ស្មោះត្រង់រវាងប្រជាជន និងរដ្ឋអំណាច ហើយអ្នកប្រតិបត្តិសាសនាក៏ត្រូវពង្រីកស្មារតីដ៏ល្អផូរផង់ក្នុងសហគមន៍ផងដែរ៕
Lam Khánh - Tiến Luận
