នៅពេលព្រឹកព្រលឹមនៃភូមិ Cái Đôi ឃុំ Phú Tân បណ្តារថយន្តម៉ូតូឥឡូវនេះអាចបើកបរទៅដល់ផ្ទះបានយ៉ាងងាយស្រួល។ ទំនិញត្រូវបានដឹកជញ្ជូន ហើយអ្នកទិញ និងអ្នកលក់ធ្វើដំណើរបានកាន់តែងាយស្រួលទៀតផង។ ការអភិវឌ្ឍដែលហាក់ដូចជាធម្មតានេះ កាលពីជាង ១ ឆ្នាំមុន គឺជាក្តីស្រមៃសម្រាប់គ្រួសារជាច្រើននៅទីនេះផងដែរ។
អ្នកមីង Lý Thị Ưng ប៉ាក់ត្រណប់សម្រាប់លក់ឱ្យភ្ញៀវដែលមានតម្រូវការ។ អាស្រ័យមានផ្លូវងាយស្រួលក៏បានជួយឱ្យការដឹកជញ្ជូនមុខទំនិញកាន់តែមានភាពងាយស្រួលផងដែរ។
ពីមុន ផ្លូវចូលទៅកាន់ភូមិតូចចង្អៀត និងជារឿយៗមានទឹកលិចលង់។ បងប្អូនប្រជាជនក៏មានការប្រឈមមុខនឹងឧបសគ្គជាច្រើនក្នុងការទៅធ្វើការ និងជួញដូរ។ អ្នកខ្លះត្រូវទុកយានយន្តរបស់ខ្លួនឱ្យឆ្ងាយ ហើយដើរកាត់ទឹកដើម្បីត្រឡប់ទៅផ្ទះវិញ។ ដូច្នេះការដឹកជញ្ជូនទំនិញត្រូវការពេលវេលា និងការខិតខំប្រឹងប្រែងបន្ថែម ដែលធ្វើឱ្យជីវភាពរស់នៅដ៏លំបាករួចទៅហើយកាន់តែពិបាក។
អ្នកមីង Lý Thị Ưng បានរំលឹកថា៖ «ចាប់តាំងពីរដ្ឋបានវិនិយោគ និងឃុំបានចលនាប្រជាជនឱ្យបរិច្ចាគដីសម្រាប់សាងសង់ផ្លូវថ្នាល់ ឥឡូវនេះប្រជាជនគ្រប់គ្នាកំពុងទាញយកផលប្រយោជន៍ពីឱកាសដើម្បីធ្វើអាជីវកម្ម។ ខ្ញុំក៏បានឆ្លៀតឱកាសនេះដើម្បីប្រកបរបរកាត់ដេរ និងលក់ទំនិញទៅកាន់តូបជាច្រើនដើម្បីរកប្រាក់បានបន្តិចបន្តួចជារៀងរាល់ថ្ងៃ ហើយជីវភាពគ្រួសារក៏មានស្ថេរភាពជាងមុនផងដែរ»។
ឆ្នាំ ២០២៥ ផ្លូវមួយខ្សែដែលមានប្រវែងប្រហែល ៣០០ ម៉ែត្រត្រូវបានវិនិយោគដោយចំណាយទកឹប្រាក់ជិត ៥០០ លានដុង តភ្ជាប់តំបន់លំនៅដ្ឋានដោយផ្ទាល់ទៅនឹងផ្លូវធំផ្សេងៗ។ ដើម្បីសាងសង់ផ្លូវនេះ បន្ថែមពីលើការវិនិយោគរបស់រដ្ឋ អាជ្ញាធរមូលដ្ឋានក៏បានជំរុញប្រជាពលរដ្ឋឱ្យយល់ព្រមស្ម័គ្រចិតបរិច្ចាគដី និងសហការក្នុងការសាងផ្លូវថ្នល់ផងដែរ។ ផ្តើមពីផ្លូវដែលពីមុនត្រូវបានកាត់ផ្តាច់ដោយទឹកជំនន់ ការដឹកជញ្ជូន និងជួញដូរទំនិញផ្សេងៗ ឥឡូវនេះកាន់តែមានភាពងាយស្រួលជាងមុនច្រើន។
សម្រាប់អ្នកមីង Lý Thị Hà ការផ្លាស់ប្តូរនេះត្រូវបានទទួលអារម្មណ៍នៅក្នុងការងារប្រចាំថ្ងៃរបស់ខ្លួនជាស្រេចមកហើយ។ ពីមុនអ្នកមីងធ្លាប់ធ្វើការជាអ្នកប្រមូលទិញដែកអេតចាយ ផ្លូវដ៏លំបាកនេះមានន័យថា រាល់ពេលដែលអ្នកមីងទៅទិញ ឬលក់ទំនិញ គាត់ត្រូវទុកយានយន្តរបស់ខ្លួនឱ្យនៅឆ្ងាយ ហើយដើរទៅផ្ទះវិញ។ ការដឹកជញ្ជូនទំនិញមានការលំបាកខ្លាំង ហើយអាជីវកម្មរបស់គាត់ក៏មានកម្រិតផងដែរ។ ជាមួយនឹងផ្លូវថ្មី អ្នកមីង Hà មិនត្រឹមតែបន្តប្រមូលដែកអេតចាយប៉ុណ្ណោះទេ ថែមទាំងបានបើកហាងតូចមួយនៅមុខផ្ទះរបស់ខ្លួន ផ្តល់ឱ្យគ្រួសារនូវប្រាក់ចំណូលបន្ថែម និងម្ចាស់ការក្នុងការរស់នៅកាន់តែល្អប្រសើរជាមុនថែមទៀតផង។
សម្រាប់ប្រជាជនដែលរស់នៅទីនេះ អត្ថប្រយោជន៍របស់ផ្លូវនេះលើសពីការដឹកជញ្ជូនកាន់តែងាយស្រួល។ ខណៈពេលដែលការដឹកជញ្ជូនមានភាពល្អប្រសើរឡើង ប្រជាជនមានកាន់តែមានលក្ខណៈល្អប្រសើរជាងមុនក្នុងការដឹកជញ្ជូនទំនិញ ការធ្វើពាណិជ្ជកម្មកាន់តែងាយស្រួល ប្អូនៗទៅសាលាកាន់តែងាយស្រួល ហើយជីវភាពរស់នៅរបស់បងប្អូនប្រជាជនក៏កាន់តែមានឱកាសអភិវឌ្ឍផងដែរ។
សម្រស់តំបន់ជនជាតិភាគតិចនៅភូមិ Cái Đôi មួយថ្ងៃកាន់តែមានភាពស្រស់ស្អាតខណៈពេលដែលផ្លូវផ្នល់បានសាងល្អត្រឹមត្រូវ ជីវភភាពបងប្អូនប្រជាជនក៏កាន់តែបានលំនឹងជាងមុនផងដែរ។
លោកស្រី Lê Thị Diễm Kiều ប្រធានភូមិ Cái Đôi បានឱ្យដឹង៖ មុខមាត់ជនបទមានភាពផ្លាស់ប្តូរគួរឱ្យកត់សម្គាល់។ ខណៈពេលដែលប្រហែលពីរឆ្នាំមុន គ្រួសារភាគច្រើននៅក្នុងតំបន់នេះនៅតែត្រូវបានចាត់ទុកជាគ្រួសារក្រីក្រ ឥឡូវនេះមានតែ ២ គ្រួសារប៉ុណ្ណោះដែលជាគ្រួសារប្រកៀកបន្ទាត់ក្រ។ រួមជាមួយនឹងការដឹកជញ្ជូន រដ្ឋអំណាចភូមិភាគក៏បានផ្តោតលើការឧបត្ថម្ភលំនៅដ្ឋាន អនាម័យ និងការអនុវត្តគោលនយោបាយសុខុមាលភាពសង្គម ដើម្បីជួយប្រជាជនលំនឹងជីវភាពរស់នៅ។
លោក Nguyễn Quốc Liêm អនុប្រធានគណៈកម្មាធិការប្រជាជនឃុំ Phú Tân បានមានប្រសាសន៍ថា៖ បន្ទាប់ពីរយៈពេលជាង ១ ឆ្នាំចាប់តាំងពីការរួមបញ្ចូលគ្នា រដ្ឋអមណាចភូមិភាគនៅតែបន្តផ្តោតលើការនៅជិតមូលដ្ឋាន ស្តាប់យោបល់ពីការលំបាក និងសេចក្តីបំណងប្រាថ្នារបស់ប្រជាជន ជាពិសេសជនជាតិភាគតិច។ គម្រោងជាក់ស្តែងដូចជាផ្លូវថ្នល់ត្រូវបានផ្តល់អាទិភាពដើម្បីបង្កលក្ខណៈងាយស្រួលសម្រាប់ប្រជាជនក្នុងការអភិវឌ្ឍផលិតកម្ម អាជីវកម្ម និងកែលម្អជីវភាពរស់នៅរបស់រៀងខ្លួន។
សម្លឹងមកវិញនូវដំណើការកន្លង ប្រការដែលគួរឱ្យកត់សម្គាល់នៅភូមិ Cái Đôi មិនមែនគ្រាន់តែជាផ្លូវក្រាលកៅស៊ូថ្មី ឬការចូលប្រើប្រាស់យានយន្តបានយ៉ាងងាយស្រួលនោះទេ។ វាក៏ជាការផ្លាស់ប្តូរពីរបៀបដែលប្រជាជនធ្វើអាជីវកម្មរបស់ខ្លួន និងក្នុងជីវិតគ្រួសារនីមួយៗផងដែរ។
ចាប់ពីដងផ្លូដែលមានប្រវែង ៣០០ ម៉ែត្រ ចម្ងាយរវាងភូមិតូចៗ និងផ្លូវធំត្រូវបានកាត់បន្ថយ។ ជាមួយគ្នានេះ គម្លាតដែលទៅកាន់ជីវិតមានស្ថិរភាព និងវិបុលភាពក៏កំពុងបំព្រួញឱ្យតូចបន្តិចម្តងៗផងដែរ។ នៅ Cái Đôi ផ្លូវថ្មីនេះមិនមែនគ្រាន់តែសម្រាប់ការដឹកជញ្ជូននោះទេ។ ផ្លូវថ្មីនេះកំពុងបើកទូលាយឱ្យជីវភាពរស់នៅ និងការផ្លាស់ប្តូរសម្រាប់ទំនុកចិត្តរបស់បងប្អូនប្រជាជនក្នុងការស់នៅឱ្យកាន់តែប្រសើរថែមទៀត៕
Nguyễn Đào – Chí Thức
