កាលពីព្រឹកថ្ងៃទី ៦ តុលា នៅរដ្ឋធានី Hà Nội មហាសន្និបាតតំណាងទូទាំងប្រទេសនៃសមាគមអក្សរសិល្ប៍ និងសិល្បៈបណ្តាជនជាតិភាគតិច Việt Nam លើកទី VII អាណត្តិកាល ២០២៦ - ២០៣១ បានប្រព្រឹត្តទៅជាផ្លូវការ ដោយមានការចូលរួមរបស់ប្រតិភូចំនួន ៤៧៥ រូប។
គណៈប្រតិបត្តិការសមាគមអក្សរសិល្ប៍ និងសិល្បៈបណ្តាជនជាតិភាគតិច Việt Nam អាណត្តិកាល ២០២៦ - ២០៣១ បង្ហាញមុខចំពោះមហាសន្និបាត។
ជាមួយស្មារតី «សាមគ្គី - អត្តសញ្ញាណ - ផ្លាស់ថ្មី - អភិវឌ្ឍន៍» មហាសន្និបាតបានវាយតម្លៃ បូកសរុបអាណត្តិកាលកន្លងហើយ ព្រមទាំងកំណត់ទិសដៅ ភារកិច្ចក្នុងដំណាក់កាលថ្មី សំដៅបំផុសយ៉ាងខ្លាំងក្លានូវក្តីបំណងប្រាថ្នាច្នៃប្រតិដ្ឋ និងការថែរក្សាអត្តសញ្ញាណវប្បធម៌បណ្តាជនជាតិភាគតិច។
អាណត្តិកាល ២០២៦ - ២០៣១ បានដាក់ចេញនូវតម្រូវការបន្តពង្រីកកម្លាំងផ្ទៃក្នុងនៃវប្បធម៌ នាំយកអក្សរសិល្ប៍ និងសិល្បៈបណ្តាជនជាតិភាគតិចធ្វើសមាហរណកម្មយ៉ាងស៊ីជម្រៅទៅក្នុងចរន្តរួមនៃអក្សរសិល្ប៍ និងសិល្បៈរបស់ប្រទេសជាតិ។
មហាសន្និបាតបានបោះឆ្នោតជ្រើសតាំងគណៈប្រតិបត្តិការអាណត្តិទី VII រួមមានសមាជិកចំនួន ១៨ រូប និងគណៈអចិន្ត្រៃយ៍ ៧ រូប។ សិល្បករថតរូប Mã Thế Anh ប្រធាននាយកដ្ឋានខាងវិចិត្រសិល្បៈ ថតរូប និងតាំងពិព័រណ៍ (ក្រសួងវប្បធម៌ កីឡា និងទេសចរណ៍) ទទួលបានការជឿទុកចិត្តបោះឆ្នោតជ្រើសតាំងធ្វើជាប្រធានសមាគម។ បណ្តាអនុប្រធានសមាគមរួមមាន៖ វិចិត្រករ Trần Thái (អនុប្រធានប្រចាំការ) អ្នកនិពន្ធ Niê Thanh Mai អ្នកស្រាវជ្រាវខាងវប្បធម៌ប្រជាប្រិយ Phú Văn Hẳn និងអ្នកស្រាវជ្រាវវប្បធម៌ប្រជាប្រិយ Thạch Đờ Ni។
អ្នកស្រាវជ្រាវវប្បធម៌ប្រជាប្រិយ ថាច់ឌ់នី ថ្លែងបទអន្តរាគមន៍ក្នុងមហាសន្និបាត។
ពិសេស ការដែលអ្នកស្រាវជ្រាវវប្បធម៌ប្រជាប្រិយ - កវី Thạch Đờ Ni ជាប់ឆ្នោតកាន់តំណែងជាអនុប្រធានសមាគមអក្សរសិល្ប៍ និងសិល្បៈបណ្តាជនជាតិភាគតិច Việt Nam បាននាំមកនូវកិត្តិយស និងមោទនភាពយ៉ាងធំធេងចំពោះមជ្ឈដ្ឋានសិល្បករ សិល្បការិនីនៃតំបន់ណាមបូទាំងមូល ជាពិសេសគឺខេត្ត Cà Mau ដែលជាតំបន់ចុងបំផុតរបស់ប្រទេស។ ការជឿទុកចិត្តរបស់ប្រតិភូតមណាងមហាសន្និបាត មិនត្រឹមតែបានបញ្ជាក់ពីសមត្ថភាព កិត្យានុភាពរបស់បុគ្គលអ្នកស្រាវជ្រាវខាងវប្បធម៌ប្រជាប្រិយ Thạch Đờ Ni ដែលជាអ្នកតែងតែលះបង់អស់ពីចិត្តចំពោះវប្បធម៌របស់ជនរួមជាតិ Khmer និងទូទាំងតំបន់ Nam Bộ ប៉ុណ្ណោះទេ ថែមទាំងជាសក្ខីភាពបញ្ជាក់ពីការយកចិត្តទុកដាក់យ៉ាងជ្រាលជ្រៅរបស់មជ្ឈិមចំពោះជួរកងអ្នកសិល្បៈតំបន់ជនបទទៀតផង។
មហាសន្និបាតសង្ឃឹមជឿជាក់ថា ក្រោមការដឹកនាំរបស់គណៈប្រតិបត្តិការអាណត្តិទី VII ចលនាអក្សរសិល្ប៍ និងសិល្បៈបណ្តាជនជាតិភាគតិច នឹងបន្តទទួលបានសមិទ្ធផលត្រចះត្រចង់ជាច្រើន រួមចំណែកកសាងខឿនវប្បធម៌វៀតណាមជឿនលឿន ដិតដាមដោយអត្តសញ្ញាណជាតិសម្រាប់ក្នុងយុគសម័យថ្មី៕
Chim Đôn Ta
