ក្នុងការផ្សព្វផ្សាយគម្រោងទី ៨ "អនុវត្តសមភាពយេនឌ័រ និងដោះស្រាយបញ្ហាបន្ទាន់សម្រាប់ស្ត្រី និងកុមារ" ការទំនាក់ទំនងគឺជាដំណោះស្រាយដ៏សំខាន់មួយដើម្បីបង្កើនការយល់ដឹងអំពីសមភាពយេនឌ័រក្នុងសហគមន៍។ នៅ Cà Mau សមាគមសហព័ន្ធនារីខេត្តបានផ្តោតលើការបង្កើនសមត្ថភាពកម្លាំងនៃការទំនាក់ទំនងនៅកម្រិតមូលដ្ឋាន - អ្នកដែលនៅជិតប្រជាជន យល់ដឹងពីតំបន់មូលដ្ឋាន និងផ្តល់ព័ត៌មានដោយផ្ទាល់ដល់គ្រួសារ និងតំបន់លំនៅដ្ឋាននីមួយៗផងដែរ។
សិក្ខាកាមថ្នាក់ហ្វឹកហ្វឹននៅឃុំ Quách Phẩm សកម្មក្នុងការដោះដូរ រៀនបទពិសោធ និងបំណិនក្នុងការទំនាក់ទំនងនៅមូលដ្ឋាន។
ថ្មីៗនេះ សមាគមសហព័ន្ធនារីខេត្តបានរៀបចំវគ្គបណ្តុះបណ្តាលចំនួន ១០ ថ្នាក់សម្រាប់ក្លឹបទំនាក់ទំនងសហគមន៍ សហការី អ្នកផ្សព្វផ្សាយ និងអ្នកមានកិត្យានុភាពក្នុងជនរួមជាតិភាគនៅតាមបណ្តាឃុំ និងសង្កាត់ដែលបានអនុវត្តគម្រោងទី ៨ ដោយមានអ្នកចូលរួមចំនួន ៤០០ នាក់។ ខ្លឹមសារនៃការបណ្តុះបណ្តាលបានផ្តោតលើចំណេះដឹងអំពីយេនឌ័រ និងសមភាពយេនឌ័រ; ការកំណត់អត្តសញ្ញាណ ទប់ស្កាត់ និងការឆ្លើយតបទៅនឹងអំពើហិង្សាផ្អែកលើយេនឌ័រ; ក្នុងពេលជាមួយគ្នានេះ ពួកគេត្រូវបានណែនាំអំពីរបៀបរក្សាប្រតិបត្តិការរបស់ក្លឹបទំនាក់ទំនងសហគមន៍ ជម្រើសខ្លឹមសារ និងទម្រង់ទំនាក់ទំនងសមស្របសម្រាប់តំបន់នីមួយៗផងដែរ។
លោក Lâm Thu អ្នកមានកិត្យានុភាពក្នុងជនរួមជាតិភាគតិចនៅភូមិលេខ ៧ ឃុំ Tân Lộc បានចែករំលែកថា៖ «ចំណេះដឹងដែលទទួលបាន បានជួយខ្ញុំឱ្យយល់កាន់តែច្បាស់អំពីសមភាពយេនឌ័រ ការប្រើអំពើហិង្សាផ្អែកលើយេនឌ័រ ព្រមទាំងរាល់បញ្ហាទាក់ទងដល់ស្ត្រី និងកុមារ។ ទទួលបានការណែនាំអំពីរបៀបទំនាក់ទំនង ជម្រើសខ្លឹមសារ និងចូលរួមជាមួយសហគមន៍ក៏បានជំរុញទំនុកចិត្តរបស់ខ្ញុំផងដែរ។ ខ្ញុំនឹងបន្តចែករំលែកអ្វីដែលខ្ញុំបានសិក្សារៀនសូត្រ ដើម្បីលើកទឹកចិត្តមនុស្សឱ្យផ្លាស់ប្តូររាល់ជំនឿមិនសមហេតុសមផល និងធ្វើការរួមគ្នាដើម្បីកសាងគ្រួសារស្មើភាពគ្នា និងគ្មានអំពើហិង្សា»។
ទន្ទឹមជាមួយបំណិនក្នុងការទំនាក់ទំនងដោយផ្ទាល់ កងកម្លាំងមូលដ្ឋានក៏ត្រូវបានផ្តល់សម្ភារៈ និងការណែនាំអំពីរបៀបស្វែងរក ជ្រើសរើស និងចែករំលែកព័ត៌មាននៅលើប្រព័ន្ធផ្សព្វផ្សាយសង្គមផងដែរ។ យោងតាមនោះ សម្រាប់ខ្លឹមសារទំនាក់ទំនងក៏ត្រូវបានបង្ហាញយ៉ាងឆាប់រហ័ស ងាយយល់ និងជិតស្និទ្ធថែមទៀតជាមួយបងប្អូនប្រជាជន។
សមាគមសហព័ន្ធនារីខេត្ត ផ្តល់ឯកសារផ្សព្វផ្សាយ ជួយបណ្តាក្លឹបនៃការទំនាក់ទំនងសហគមន៍កាន់តែមានព័ត៌មានជាក់ស្តែងថែមទៀតដើម្បីផ្សព្វផ្សាយឃោសនាដល់បងប្អូនប្រជាជន។
លោកស្រី Lý Mỹ Tiến សមាជិកនៃក្លឹបទំនាក់ទំនងសហគមន៍នៅភូមិ Nhà Cũ ឃុំ Quách Phẩm បានឱ្យដឹង៖ ជំនាញទាំងនេះជួយសមាជិកឱ្យមានអារម្មណ៍ជឿជាក់ជាងមុននៅពេលផ្សព្វផ្សាយព័ត៌មាន។ លោកស្រី Tiến ក៏បានចែករំលែកដែរថា៖ «នាពេលខាងមុខ ក្រៅពីការផ្សព្វផ្សាយដោយផ្ទាល់ យើងខ្ញុំនឹងចែករំលែកព័ត៌មានជាក់ស្តែងបន្ថែមទៀតតាមរយៈក្រុម Zalo និងទំព័រ Facebook ដើម្បីឱ្យមនុស្សអាចចូលមើល និងយល់វាបានយ៉ាងឆាប់រហ័សជាងមុន»។
យោងតាមលោកស្រី Tô Thị Mỹ Thuận អនុប្រធានអចិន្ត្រៃយ៍នៃសមាគមសហប័ន្ធនារីខេត្ត Cà Mau កម្លាំងទំនាក់ទំនងថ្នាក់មូលដ្ឋានមានអត្ថប្រយោជន៍ខ្លាំងណាស់សម្រាប់ការចូលជិតបងប្អូនប្រជាជន យល់ដឹងពីតំបន់មូលដ្ឋាន និងយល់អំពីបញ្ហាដែលសហគមន៍កំពុងប្រឈមមុខ។ ដូច្នេះ នៅពេលដែលមានចំណេះដឹង និងបំណិន ពួកគេនឹងបង្ហាញព័ត៌មានជាផ្លូវការបានយ៉ាងល្អត្រឹមត្រូវ ជួយប្រជាជនកំណត់អត្តសញ្ញាណអាកប្បកិរិយាមិនសមរម្យ ទប់ស្កាត់អំពើហិង្សាយ៉ាងសកម្ម ការពារស្ត្រី និងកុមារ ព្រមទាំងផ្លាស់ប្តូរទម្រង់យេនឌ័រជាសន្សឹមៗទៀតផង។
ផ្តើមពីអ្នកដែលផ្សព្វផ្សាយព័ត៌មានដោយផ្ទាល់នៅកម្រិតមូលដ្ឋាន សារស្តីអំពីសមភាពយេនឌ័រ ការបង្ការអំពើហិង្សា ការការពារស្ត្រី និងកុមារកំពុងចូលមកក្នុងជីវិតប្រចាំថ្ងៃបន្តិចម្តងៗផងដែរ។ នៅពេលដែលព័ត៌មានត្រូវបានបញ្ជូនយ៉ាងល្អត្រឹមត្រូវ តាមរបៀបដែលពាក់ព័ន្ធ និងសមស្របទៅនឹងតំបន់នីមួយៗ ព្រមទាំងការបង្កើនចំណេះដឹង និងការផ្លាស់ប្តូរអាកប្បកិរិយានៅក្នុងសហគមន៍កាន់តែជាក់ស្តែង និងមាននិរន្តរភាព៕
Thiên Diệp
