នាយករដ្ឋមន្ត្រីនៃរដ្ឋាភិបាលបានចេញសេចក្តីណែនាំលេខ ៣០/CT-TTg ចុះថ្ងៃទី ៣០ ខែកក្កដា ឆ្នាំ ២០២៦ ស្តីពីការបន្តកែលម្អប្រសិទ្ធភាពនៃការបង្ការ ប្រយុទ្ធប្រឆាំង និងដោះស្រាយរាល់ករណីឆបោក និងការឆក់យកទ្រព្យសម្បត្តិក្នុងស្ថានភាពថ្មី។ សេចក្តីណែនាំនេះបានសង្កត់ធ្ងន់លើតម្រូវការសម្រាប់ការបង្ការជាមុនប្រឆាំងនឹងវិធីសាស្រ្ត និងយុទ្ធសាស្ត្រក្លែងបន្លំដែលកាន់តែស្មុគស្មាញនាពេលសព្វថ្ងៃ ជាពិសេសនៅលើលំហប្រព័ន្ធអ៊ីនធឺណិត។ នៅខេត្ត Cà Mau ជនរួមជាតិ Khmer មានជិត ៦.៥% នៃចំនួនប្រជាជន និងរស់នៅប្រសព្វគ្នានៅក្នុងតំបន់ជាច្រើន។ ការនាំយកការព្រមានឱ្យកាន់តែខិតជិតប្រជាជន អាចជួយពួកគេកំណត់អត្តសញ្ញាណយុទ្ធសាស្ត្រក្លែងបន្លំ និងទប់ស្កាត់ពួកគេជាមុន គឺជាដំណោះស្រាយជាក់ស្តែងមួយដើម្បីការពារករណីឆបោកនៅកម្រិតមូលដ្ឋាន។
ឃុំ Vĩnh Phước ឧបត្ថម្ភបងប្អូនប្រជាជនភូមិ Huế ១ លើកកម្ពស់បំណិនឌីជីថល និងចូលជិតព័ត៌មានជាផ្លូវការ ព្រមទាំងម្ចាស់ការក្នុងការបង្ការ ប្រឆាំងករណីឆបោកនៅលើប្រព័ន្ធអ៊ីនធឺណិត។
ក្នុងការអនុវត្តសេចក្តីណែនាំលេខ ៣០ មន្ទីរជនជាតិ និងសាសនាខេត្ត Cà Mau មានភារកិច្ចផ្តល់សម្ភារៈឃោសនាជាភាសាជនជាតិភាគតិច ដោយផ្តោតលើយុទ្ធសាស្ត្រដូចជាការក្លែងបន្លំជាមន្ត្រីរដ្ឋការ កេងប្រវ័ញ្ចលើគោលនយោបាយឧបត្ថម្ភ ការជ្រើសរើស "ការងារងាយស្រួលជាមួយនឹងប្រាក់ខែខ្ពស់" និងការល្បួងមនុស្សឱ្យដំឡើងកម្មវិធីក្លែងក្លាយដើម្បីលួចគណនី និងទ្រព្យសម្បត្តិ។ ក្នុងពេលជាមួយគ្នានេះ តួនាទីរបស់មេភូមិ និងអ្នកដែលមានកិត្យានុភាពនឹងត្រូវបានលើកកម្ពស់ក្នុងការជំរុញប្រជាជនឱ្យចៀសវាងការផ្តល់ព័ត៌មាន ព័ត៌មានលម្អិតអំពីគណនី ឬការផ្ទេរប្រាក់ទៅឱ្យមនុស្សចម្លែក។ ជាពិសេស ភ្នាក់ងារមុខងារនឹងពង្រឹងការពិនិត្យ និងដោះស្រាយទង្វើដែលកេងប្រវ័ញ្ចលើជំនឿ សាសនា ស្មារតី ការវិនិយោគ និងសប្បុរសធម៌ ដើម្បីប្រព្រឹត្តការក្លែងបន្លំ និងកេងប្រវ័ញ្ចយកទ្រព្យសម្បត្តិ។
ក្រៅពីការឃោសនា ខេត្តក៏កំពុងយកចិត្តទុកដាក់ចំពោះការឧបត្ថម្ភដល់ការទទួលបានបច្ចេកវិទ្យាសុវត្ថិភាពរបស់ប្រជាជនផងដែរ។ អង្គភាពទូរគមនាគមន៍កំពុងសម្របសម្រួលជាមួយមូលដ្ឋាន ដើម្បីជំនួយឧបត្ថម្ភដល់ការតភ្ជាប់ និងការដំឡើង wiFi ដោយឥតគិតថ្លៃសម្រាប់គ្រួសារជនជាតិភាគតិចក្រីក្រ ដើម្បីជួយប្រជាជនឱ្យទទួលបានសេវាកម្មឌីជីថល និងប្រភពព័ត៌មានជាផ្លូវការ។
កងកម្លាំងនគរបាល និងសម្ព័ន្ធយុវជន ព្រមទាំងអង្គភាពទូរគមនាគមន៍កំពុងសម្របសម្រួលដើម្បីជំនួយឧបត្ថម្ភដល់ប្រជាពលរដ្ឋនៅភូមិ Huế ១ ជាពិសេសគ្រួសារជនរួមជាតិ Khmer ក្នុងការកែលម្អបំណិនខាងឌីជីថលរបស់ខ្លួន និងបង្ការការករណីឆបោកតាមប្រព័ន្ធអ៊ីនធឺណិត។
សមមិត្ត Sơn Sà Lang លេខាសាខាបក្ស និងជាប្រធានភូមិ Huế ១ ឃុំ Vĩnh Phước បាននិយាយថា៖ ភូមិនេះមានគ្រួសារចំនួន ៦២០ ដែលក្នុងនោះមានគ្រួសារ Khmer ប្រហែល ៧០ គ្រួសារ។ កន្លងហើយ ព័ត៌មានផ្លូវការត្រូវបានផ្សព្វផ្សាយជាប្រចាំដោយគណៈកម្មាធិការប្រជាជនភូមិតាមរយៈក្រុម Zalo និងក្លឹបឃោសនាច្បាប់របស់ភូមិ។ ប្រជាពលរដ្ឋទទួលបានការណែនាំឱ្យប្រើប្រាស់សេវាកម្មរដ្ឋាភិបាលឌីជីថល ដើម្បីធ្វើការទូទាត់ប្រាក់ដោយមិនប្រើសាច់ប្រាក់ ត្រងព័ត៌មាននៅលើប្រព័ន្ធផ្សព្វផ្សាយសង្គម និងទាក់ទងក្រុមសន្តិសុខ និងការពារសណ្តាប់ធ្នាប់នៅពេលដែលពួកគេរកឃើញមុខសញ្ញាមិនប្រក្រតី ដោយហេតុនេះបង្កើតទម្លាប់នៃការត្រួតពិនិត្យ និងផ្ទៀងផ្ទាត់មុនពេលផ្តល់ព័ត៌មាន ឬធ្វើប្រតិបត្តិការតាមអ៊ីនធឺណិតទៀតផង។
ការបង្ការ និងប្រយុទ្ធប្រឆាំងជាមួយនឹងការឆបោកតាមអ៊ីនធឺណិតមិនត្រឹមតែជាការទទួលខុសត្រូវរបស់ភ្នាក់ងារអនុវត្តច្បាប់ប៉ុណ្ណោះទេ ប៉ុន្តែវាក៏តម្រូវឱ្យមានការខិតខំប្រឹងប្រែងរួមគ្នារបស់សហគមន៍ទាំងមូលផងដែរ។ រដ្ឋអំណាចនៅជិតប្រជាជន បុគ្គលដែលមានឥទ្ធិពលធ្វើយុទ្ធនាការយ៉ាងសកម្ម និងប្រជាពលរដ្ឋដែលមានការប្រុងប្រយ័ត្នជាមុន នឹងបង្កើតជា "ខែល" ដ៏រឹងមាំមួយសម្រាប់ភូមិ និងសង្កាត់នានផងដែរ ដោយការពារទ្រព្យសម្បត្តិ និងជីវិតរស់នៅដ៏សុខសាន្តជូនគ្រប់គ្រួសារទាំងឡាយទៀតផង៕
Kiều Nương
