រាល់លំនៅឋាននីមួយដែលបានបង្ហើយ គឺសម្រាប់គ្រួសារដែលជួបលំបាកមានកន្លែងសម្រាប់ស្នាកើនៅរឹងមាំ បន្ថែមជំនឿទុកចិត្តដើម្បីតាំងទីលំនៅថ្មី ស្ថេរភាពជីវភាព និងឆ្ពោះទៅកាន់អនាគតល្អប្រសើរជាង។
សមាគមសហព័ន្ធនារីឃុំ Cái Đôi Vàm រួមជាមួយសប្បុរសជនជូនផ្ទះមេត្តធម៌ដល់គ្រួសារអ្នកមីង Trần Thị Út ដែលមានជីវភាពជួបលំបាក។
ចាប់ពីដើមឆ្នាំមកទល់ពេលនេះ សមាគមសហព័ន្ធនារី សមាគមកាកបាទក្រហមឃុំ Cái Đôi Vàm បានសកម្មតភ្ជាប់បណ្តាអង្គការ សប្បុរសជន និងបណ្តាអ្នកមានទឹកចិត្តសប្បុរស ដើម្បីថែទាំលំនៅឋានជូនគ្រួសារក្រីក្រ គ្រួសារមានកាលៈទេសៈលំបាកពិសេស។ ពីប្រភពថវិកាចលនាបានជាង ១ ពាន់លានដុង សមាគមបានកសាង និងប្រគល់ផ្ទះ ១០ ខ្នង ដោយមួយខ្នងៗមានតម្លៃចាប់ពី ៨៥ ដល់ ១៣០ លានដុង។ ក្រៅពីប្រភពឧបត្ថម្ភ ញាតិសន្តានរបស់បណ្តាគ្រួសារក៏បានរួមបញ្ចូលបន្ថែមទាំងកម្លាំងកាយកម្លាំងចិត្តដើម្បីឱ្យបណ្តាដំបូលផ្ទះបានបង្ហើយក្នុងរយៈពេលឆាប់ៗ។
លោកស្រី Đào Thị Thanh An ប្រធានសមាគមកាកបាទក្រហមឃុំ Cái Đôi Vàm ឱ្យដឹងថា៖ «ចាប់ពីដើមឆ្នាំមកទល់ពេលនេះ សមាគមខិតខំឃោសនា ចលនាប្រជាជន បណ្តាសប្បុរសជន រួមដៃជួយឧបត្ថម្ភបណ្តាគ្រួសារជួបលំបាកពិសេសអំពីលំនៅឋាន។ ប្រការគួរឱ្យកោតសរសើរ គឺអ្នករាល់គ្នាសុទ្ធតែយល់ច្បាស់ ចែករំលែក រួមកម្លាំងជួយឱ្យពួកគាត់មានទីលំនៅសមរម្យ ដើម្បីឈានឡើងក្នុងជីវភាព»។
ស្ថានភាពរបស់អ្នកមីង Trần Thị Út នៅភូមិសាវលឺយ ធ្វើឱ្យមនុស្សជាច្រើនរំជួលចិត្ត។ អ្នកមីង Út មានជំងឺបេះដូង រស់នៅជាមួយចៅតូចៗ ២ នាក់កំព្រាឪពុកម្តាយក្នុងផ្ទះស្លឹកបណ្តោះអាសន្ន។ រាល់ពេលរដូវភ្លៀងធ្លាក់ម្តងៗ ផ្ទះក៏ត្រូវលិចលង់ ជីវភាពរបស់ ៣ នាក់ជីដូននិងចៅកាន់តែលំបាកថែមទៀត។
យល់ច្បាស់ពិស្ថានភាពនេះ សមាគមសហព័ន្ធនារីឃុំ Cái Đôi Vàm បានតភ្ជាប់ជាមួយមហា វិទ្យាល័យគរុកោសល្យទីក្រុង Hồ Chí Minh ព្រមទាំងបណ្តាសប្បុរសជន ចលនាថវិកាកសាងសង់ជូន ៣ នាក់ជីដូននិងចៅនូវខ្នងផ្ទះដ៏រឹងមាំ។ ឥឡូវនេះ មានកន្លែងនៅរឹងមាំជាង ២ នាក់ចៅមានលំហសិក្សា រស់នៅស្ថេរភាព លោកស្រីក៏បន្ធូរបន្ថយការព្រួយបារម្ភពេលវ័យចាស់ កម្លាំងខ្សោយ។
ទ្រនំសុខថ្មីបានជួយអ្នកមីង Trần Thị Út និងចៅទាំង ២ នាក់មានលំនៅឋានសមរម្យ ព្រមទាំងសុខសាន្តចិត្តក្នុងការរស់នៅ និងសិក្សារៀនសូត្រផងដែរ។
អ្នកមីង Trần Thị Út រំជួលចិត្តនិយាយថា៖ «ខ្ញុំអរណាស់។ ស្ថានភាពខ្ញុំក្រលំបាក ប៉ុន្តែបានសប្បុរសជនអាណិត មាមីងបងប្អូនសប្បុរសជនជួយឧបត្ថម្ភ គ្រួសារខ្ញុំពិតជាដឹងគុណណាស់»។
លោក Lê Văn Út សាស្ត្រាចារ្យមហាវិទ្យាល័យគរុកោសល្យទីក្រុង Hồ Chí Minh ចែករំលែកថា៖ «យើងខ្ញុំខិតខំចលនា បានប៉ុន្មានគឺរួមបដិភាគប៉ុណ្ណោះ។ ខ្ញុំសប្បាយចិត្តណាស់ពេលបានរួមកម្លាំងជួដល់អ្នករាល់គ្នា ដើម្បីផ្តើមពីការចំណែកតូចតាច បង្កើតបានជាខ្នងផ្ទះដ៏រឹងមាំជូនប្អូនៗ»។
ផ្តើមពីបណ្តាដុំឥដ្ឋ ផ្ទាំងស័ង្កសី និងការរួមកម្លាំងរបស់សប្បុរសជនទាំងឡាយ ដំបូលផ្ទះមនោសញ្ចេតនាជាបន្តបន្ទាប់បានសង់ឡើង។ បណ្តាដំបូលផ្ទះទាំងនោះកំពុងផ្តល់ជូនប្រជាជនក្រីក្រនូវទីពឹងអាស្រ័យដើម្បីតាំងទីលំនៅ; ផ្តល់ជូនកុមារនូវលំហសិក្សា; មនុស្សចាស់បន្ថែមភាពកក់ក្តៅ ស្ងប់ចិត្តក្នុងបណ្តាឆ្នាំខែវ័យចាស់របស់ខ្លួន។ ពីនោះ ជំនឿទុកចិត្តបន្តបានអុជបំភ្លឺឡើង ដើម្បីឱ្យបណ្តាគ្រួសារនៅជួបការលំបាកមានបន្ថែមជម្រុញកម្លាំងចិត្តឈានឡើង ឆ្ពោះទៅកសាងជីវភាពស្ថេរភាព និងល្អប្រសើរជាង៕
Hoàng Vũ - Lê Thái
