ទន្ទឹមជាមួយការផ្តោតលើការវិនិយោគហេដ្ឋារចនាសម្ព័ន្ធ ខេត្ត Cà Mau តែងកចិត្តទុកដាក់លើការបណ្តុះបណ្តាល លើកកម្ពស់គុណភាពកងជួរកម្មាភិបាលជនជាតិភាគតិច ដោយចាត់ទុកនេះជាកត្តាសំខាន់ដើម្បីបង្កើតជំហានផ្លាស់ប្តូរថ្មីសម្រាប់តំបន់ជនជាតិភាគតិចក្នុងខេត្ត។
សង្កាត់ Vĩnh Trạch តែងយកចិត្តទុកដាក់ ជំនួយឧបត្ថម្ភទាន់ពេលសម្រាប់ជនរួមជាតិលើភូមិសាស្ត្រ ជួយមាមីងបងប្អូនលំនឹងជីវភាពរស់នៅ។
ទូទាំងខេត្តបច្ចុប្បន្នមានកម្មាភិបាល និយោជិត អ្នករដ្ឋការជាជនជាតិភាគតិចចំនួន ១.២៣៨ រូប ក្នុងចំណោមមនុស្សសរុប ៣២.៩៥៩ រូប ស្ថិតក្នុងប្លុករដ្ឋអំណាច ស្រូបអត្រា ៣,៧៦%។ បណ្តាឆ្នាំកន្លង កងជួរកម្មាភិបាលនេះត្រូវបានយកចិត្តទុកដាក់បណ្តុះបណ្តាល រៀបចំ និងប្រើប្រាស់យ៉ាងសមស្រប រួមចំណែកអនុវត្តភារកិច្ចគ្រប់គ្រងរដ្ឋ អភិវឌ្ឍន៍សេដ្ឋកិច្ច-សង្គម និងរក្សារឹងមាំសន្តិសុខ និងសណ្តាប់ធ្នាប់នៅមូលដ្ឋាន។
ទោះបីជាយ៉ាងណាក៏ដោយ បញ្ហាខាងប្រភពកម្មាភិបាលជនជាតិភាគតិចនៅតែមានចំណុចជាច្រើនដែលត្រូវដោះស្រាយ។ ជាក់ស្តែង នៅតាមភូមិភាគមួយចំនួន អត្រាកម្មាភិបាលជនជាតិភាគតិចមិនទាន់សមាមាត្រនឹងរចនាសម្ព័ន្ធប្រជាជន; ចំនួនមនុស្សកាន់តំណែងដឹកនាំ គ្រប់គ្រងនៅមានកម្រិតទាប (ទូទាំងខេត្តបច្ចុប្បន្នមានកម្មាភិបាលជនជាតិភាគតិចចំនួន ៨៥ រូប កាន់តំណែងដឹកនាំ គ្រប់គ្រង ស្រូបអត្រា ៦,៨៧% ក្នុងចំណោមកម្មាភិបាលជនជាតិភាគតិចសរុប)។
ភាពជាក់ស្តែងនេះបានដាក់ចេញតម្រូវការត្រូវម្ចាស់ការបង្កើតប្រភពតាំងពីដំបូង ជំនួសឱ្យការគ្រាន់តែបន្ថែមបុគ្គលិកពេលមានតម្រូវការ។ តាមនោះ ខេត្តកាម៉ាវនឹងផ្លាស់ប្តូរថ្មីការងាររៀបចំផែនការ យកចិត្តទុកដាក់លើកម្មាភិបាលវ័យក្មេង កម្មាភិបាលស្ត្រី មនុស្សដែលយល់ដឹងច្បាស់អំពីវប្បធម៌ ទំនៀមទម្លាប់ និងមានសមត្ថភាពប្រើប្រាស់ភាសាជនជាតិ។ ក្រៅពីនោះ កម្មាភិបាលក្នុងផ្ទៃមុខសញ្ញារៀបចំផែនការ នឹងត្រូវបានពង្រឹងការផ្លាស់ប្តូរទីកន្លែងធ្វើការ ចាត់តាំងបង្វែរ ផ្ទេរភារកិច្ចបណ្តោះអាសន្នទៅមូលដ្ឋាន ដើម្បីសន្សំប្រមូលបទពិសោធន៍ជាក់ស្តែង សំដៅឆ្លើយតបតម្រូវការភារកិច្ចក្នុងដំណាក់កាលខាងមុខ។
ឃុំ Khánh Bình មានវត្ត Rạch Cui ដែលជាទីតាំងសម្រាប់សកម្មភាពវប្បធម៌សហគមន៍ផ្សារភ្ជាប់ជាមួយការអភិរក្ស និងពង្រីកតម្លៃវប្បធម៌ប្រពៃណីដ៏ល្អផូរផង់របស់ជនជាតិភាគតិច។
លោកស្រី Nguyễn Thu Tư នាយិកាមន្ទីរជនជាតិ និងសាសនា ឱ្យដឹង៖ នាពេលខាងមុខ ខេត្តនឹងបន្តផ្តោតលើការបណ្តុះបណ្តាល បំប៉ន លើកកម្ពស់សមត្ថភាពកម្មាភិបាលជនជាតិភាគតិច។ គោលដៅដល់ឆ្នាំ ២០៣០ របស់ខេត្ត Cà Mau គឺ ១០០% កម្មាភិបាល និយោជិតជាជនជាតិភាគតិចមានកម្រិតបរិញ្ញាបត្រឡើងទៅ ក្នុងនោះយ៉ាងហោចណាស់ ១០% មានកម្រិតអនុបណ្ឌិត។ រួមជាមួយការលើកកម្ពស់កម្រិតស្តង់ដារជំនាញ ខេត្តតម្រូវឱ្យ ១០០% កម្មាភិបាលដឹកនាំ គ្រប់គ្រងជាជនជាតិភាគតិច បានទទួលការបំប៉នចំណេះដឹងអំពីការផ្លាស់ប្តូរឌីជីថល កែទម្រង់រដ្ឋបាល និងជំនាញគ្រប់គ្រងទំនើប។ រៀងរាល់ឆ្នាំ យ៉ាងហោចណាស់ ១៥% កម្មាភិបាល និយោជិតជាជនជាតិភាគតិច ទទួលបានការបណ្តុះបណ្តាល បំប៉នលើកកម្ពស់កម្រិតវិជ្ជា។
យោងតាមគម្រោង តម្រូវការដើមទុនសរុបសម្រាប់បណ្តាភារកិច្ចអភិវឌ្ឍន៍ប្រភពធនធានមនុស្សតំបន់ជនជាតិភាគតិចរបស់ខេត្ត Cà Mau ដំណាក់កាល ២០២៦-២០៣០ គឺមានជាង ៥០,៤ ពាន់លានដុង។ ការយកមនុស្សធ្វើជាមជ្ឈមណ្ឌល គឺជា "កូនសោ" ជួយឱ្យខេត្ត Cà Mau អភិវឌ្ឍន៍ស្ថេរភាព ចីរភាពតំបន់ជនរួមជាតិភាគតិចក្នុងដំណាក់កាលថ្មីផងដែរ៕
Loan Phương
