ប៉ុន្មានឆ្នាំកន្លងមកនេះ គណៈកម្មាធិការប្រជាជនសង្កាត់ Hiệp Thành តែងសកម្មចលនា និងជូនអំណោយជាច្រើនចំណែក ព្រមទាំងអាហារូបករណ៍សម្រាប់សិស្សក្រីក្រសង្វាតសិក្សារៀនសូត្រលើភូមិសាស្ត្រ ក្នុងនោះមានសិស្ស Khmer ផងដែរ បានរួមចំណែកក្នុងការជំនួយកម្លាំងសម្រាប់ប្អូនៗមានលក្ខណៈបានទៅសាលាគ្រប់ៗគ្នា ដើម្បីសម្រេចនូវក្តីស្រមៃរបស់ខ្លួននាពេលអនាគត។
ចលនាអំណោយសម្រាប់ជូនសិស្ស Khmer ក្រីក្រ និងសិស្សជួបលំបាកលើភូមិសាស្រ្តសង្កាត់។
ដោយមានប្រជាជនជាងប្រមាណជាង ៣៨.០០០ នាក់ សង្កាត់ Hiệp Thành ជាសង្កាត់មួយដែលមានជនរួមជាតិ Khmer រស់នៅច្រើន ហើយជីវភាពជួបលំបាកខ្លាំង ដូច្នេះហើយការសិក្សារបស់កូនក្មួយក៏ប្រឈមមុខជាមួយឧបសគ្គ និងកង្វះខាតជាច្រើនណាស់ដែរ។
លោក Lâm Danh Nhẫn ប្រធានគណៈកម្មាធិការប្រជាជនសង្កាត់ បានឱ្យដឹង៖ “បច្ចុប្បន្នសង្កាត់មានសាលារៀនរៀនចំនួន ៨ រួមមានអនុវិទ្យាល័យ១ សាលាបឋមសិក្សាចំនួន ៤ និងសាលាមត្តេយ្យចំនួន ៣ សាលផងដែរ ដោយមានសិស្សសរុបចំនួន ៤.៣៦០ នាក់ ក្នុងនោះសិស្សជនជាតិភាគតិចមានចំនួនជាង ៧៥% សិស្ស។ មានករណីជាច្រើនដោយគ្រួសារជួបលំបាក ស្ថិតក្នុងលក្ខណៈជាគ្រួសារក្រ ប្រភពចំណូលតិចតួច ដូច្នេះហើយទើបត្រូវបោះបង់ចោលការសិក្សាទាំងពាក់កណ្តាផ្លូវ។ អាស្រ័យហេតុនេះហើយ ទើបជារៀងរាល់ឆ្នាំ សាលាបានសម្របសម្រួលជាមួយអង្គការមហាជន រួមទាំងអនុសង្កាត់ទាំងឡាយដើម្បីទៅដល់គ្រួសារនីមួយៗដែលមានស្ថានភាពជួបលំបាក ដើម្បីជំរុញទឹកចិត្ត ឱ្យកូនក្មួយបានទៅសាលា។ ដើមឆ្នាំសិក្សា ២០២៥-២០២៦ គណៈកម្មាធិការប្រជាជនសង្កាត់ផ្តើមចលនាទឹកប្រាក់បានប្រមាណជាង ១០០លានដុង រួមមានទាំងអាហារូបករណ៍ សៀវភៅសរសេរ និងសៀវភៅសិក្សា ព្រមទាំងខោអាវ និងកង់ជាដើមសម្រាប់ប្អូនៗសិស្សានុសិស្សទូទាំងសង្កាត់។ សកម្មភាពនេះត្រូវបានរក្សាអស់រយៈពេលជាច្រើនឆ្នាំ ហើយនឹងបន្តអនុវត្តយ៉ាងសកម្មក្នុងរយៈពេលខាង ដើម្បីរួមចំណែកជួយចែក រំលែកភាពលំបាក ជំនួយប្អូនៗទៅសាលា” លោក Lâm Danh Nhẫn បានចែករំលែកបែបនេះ។
យោងតាមការចលនា សមមិត្ត Lê Thị Nhung អនុប្រធានប្រចាំការអចិន្ត្រៃយ៍នៃក្រុមប្រឹក្សាប្រជាជនខេត្ត ជូនកង់ ១២ គ្រឿងដល់សិស្សក្រីក្រ និងសិស្សដែលជួបលំបាកនៅសាលា Hiệp Thành។
ដោយមានចំនួនសិស្ស Khmer ច្រើនកំពុងសិក្សា ក្នុងនោះភាគច្រើនជាសិស្សកូនមអ្នកក្រ ជួបការលំបាក ក្នុងរយៈពេលប៉ុន្មានឆ្នាំមកនេះ អនុវិទ្យាល័យ Nguyễn Huệ ទទួលបានការចាប់អារម្មណ៍យ៉ាងខ្លាំងពីគ្រប់លំដាប់ថ្នាក់ គ្រប់វិស័យ មូលដ្ឋាន អង្គការ និងឯកជនទាំងក្នុង និងក្រៅខេត្ត ជួយសិស្សានុសិស្សជាច្រើននៅទីនេះមានលក្ខណៈបានទៅសាលាកាន់តែច្រើនឡើង។ លោកស្រី Phạm Thị Thu នាយកសាលាបានមានប្រសាសន៍ថា៖ “គ្រប់គណៈផ្នែក និងស្ថាប័នពាក់ព័ន្ធ រួមទាំងរដ្ឋអំណាចភូមិភាគមិនត្រឹមតែយកចិត្តទុកដាក់លើការជួយឧបត្ថម្ភសាង សង់មូលដ្ឋានសម្ភារៈ និងឧបករសិក្សាសម្រាប់បង្កើនការបង្រៀនលើកមក្ពស់គុណភាពខាងវិស័យអប់រំប៉ុណ្ណោះទេ ថែមទាំងចលនាអង្គការចាត់តាំងសង្គម និងឯកជនដើម្បីជួយឧបត្ថម្ភសិស្សក្រីក្ររបស់សាលាទៀតផង។ ដោយឡែកក្នុងឆ្នាំសិក្សា ២០២៥-២០២៦ សិស្សរបស់សាលាក៏ទទួលបានអំណោយចំនួន ២៦ ចំណែក កង់ ២២ គ្រឿង និងកង់អាគិ្គសនី ៤ គ្រឿង រួមទាំងសៀវភៅសិក្សាជាច្រើនក្បាលទៀត”។
បណ្តាអង្គភាពទូទាំងខេត្ត ជូនអាហារូបករណ៍ដល់សិស្សក្រីក្រ និងសិស្សជួបលំបាករបស់សាលា។
ទន្ទឹមនិងជាមួយការជំនួយឧបត្ថម្ភនេះ គណៈនាយកសាលា ព្រមទាំងគ្រូបង្រៀនទាំងឡាយតែងសកម្មចលនា និងរួមចំណែកដើមកបីជំនួយឧបត្ថម្ភសិស្សក្រីក្រទិញសម្ភារៈ ប័ណ្ណធានារ៉ាប់រងសុខភាពជាដើម។ តួយ៉ាងដូចជាលោកគ្រូ Danh Hồng Tâm ជាគ្រូបង្រៀនទទួលបន្ទុកវិញ្ញាសាបច្ចេកវិទ្យាធម្មជាតិ ដើមឆ្នាំសិក្សា ២០២៥-២០២៦ លោកគ្រូបានចំណាយប្រាក់ខែរបស់ខ្លួនផ្ទាល់ដើម្បីជំនួយឧបត្ថម្ភជាអំណោយជាប័ណ្ណធានារ៉ាប់រងសុខភាពចំនួន ៥០ ចំណែក (ស្មើនឹង ៣១ លានដុង) សម្រាប់ប្អូនៗសិស្សសាលាជួបលំបាក។
លោក Danh Hồng Tâm បានចែករំលែកថា៖ “ជាមួយនឹងអំណោយនេះ ខ្ញុំសង្ឃឹមថានឹងចែករំលែកក្តីលំបាកដល់គ្រួសារសិស្ស ហើយទន្ទឹមនឹងនោះក៏សង្ឃឹមដែរថា ប្អូនៗសិស្សានុសិស្សនឹងខិតខំពុះពារជំនះការលំបាក ខិតខំសិក្សារៀនសូត្រ និងសម្រេចបានលទ្ធផលខ្ពស់បំផុត ដើម្បីឆ្ពោះទៅអនាគតល្អប្រសើរថែមទៀតដែលផ្តោតលើរយៈការអប់រំ”។
លោកគ្រូ Danh Hồng Tâm ជូនអំណោយជាប័ណ្ណថានារ៉ាប់រងសុខភាពចំនួន ៥០ ចំណែកដល់សិស្សក្រីក្រ។
អាចនិយាយបានថា ការយកចិត្តទុកដាក់របស់គ្រប់បណ្តាគណៈផ្នែក និងរដ្ឋអំណាចភូមិភាគ ព្រមទាំងអាណាព្យាបលាសាលាចំពោះសិស្សក្រីក្រ ជាពិសេសសិស្សសាលាជាកូន Khmer មិនត្រឹមតែបង្ហាញពីការទទួលខុសត្រូវក្នុងបុព្វហេតុនៃការអប់រំប៉ុណ្ណោះទេ ថែមទាំងបង្កប់ដោយទឹកចិត្តនៃការចែករំលែក ដោយសង្ឃឹមថានឹងបន្តដំណើរការសម្រេចនូវក្តីសង្ឃឹមដែលពឹងលើអក្សរសាស្ត្ររបស់ប្អូនៗគ្រប់រូប៕
Chúc Chi
