ប៉ុន្មានឆ្នាំកន្លង កិច្ចការជនជាតិ និងការអនុវត្តគោលនយោបាយសុខុមាលភាពសង្គមសម្រាប់ជនជាតិភាគតិច ជាពិសេសប្រជាជន Khmer តែងត្រូវបានកំណត់ថាជាភារកិច្ចដ៏សំខាន់ៗដោយគណៈកម្មាធិការបក្សខេត្ត Cà Mau ក្រុមប្រឹក្សាប្រជាជន និងគណៈកម្មាធិការប្រជាជន។ ថ្មីៗនេះ ការចេញសេចក្តីសម្រេចលេខ ៣០១១/QĐ-UBND ដោយគណៈកម្មាធិការប្រជាជនខេត្ត គឺជាចំណុចរបត់ដ៏សំខាន់មួយ បង្កើតក្របខ័ណ្ឌច្បាប់យ៉ាងរឹងមាំសម្រាប់ការអនុវត្តកម្មវិធីឧបត្ថម្ភជីវភាពរស់នៅយ៉ាងទូលំទូលាយ ដោយជួយប្រជាជនដើម្បីជួយប្រជាជនមានលក្ខណៈឈានឡើងរួចចាកភាពក្រីក្រប្រកបដោយចីរភាព។
ជីវភាពសេដ្ឋកិច្ចរបស់បងប្អូនជនរួមជាតិភាគតិចភាគច្រើនពឹងលើការផលិត ធ្វើអាជីវកម្ម ដាំដុះ និងចិញ្ចឹមសត្វ។ (រូបថតនៅចម្ការដំណាំរបស់លោក Trịnh Quang (ស្តាំ) នៅអនុសង្កាត់ Biển Đông A សង្កាត់ Hiệp Thành)។
សេចក្តីសម្រេចលេខ ៣០១១ ត្រូវបានអនុម័តបន្ទាប់ពីការពិនិត្យឡើងវិញ និងការរៀបចំឡើងវិញនូវអង្គភាពរដ្ឋបាលលើភូមិសាស្ត្រខេត្ត។ ដូច្នេះ ខេត្តកាម៉ាវបានអនុម័តបញ្ជីរួមមាន ចំនួន ១០៥ ភូមិនៅតាមតំបន់ជនជាតិភាគតិច (ក្នុងនោះមាន ៦១ ភូមិដែលជួបលំបាកពិសេស) នៅលើភូមិសាស្ត្រទាំង ៣៥ ឃុំ សង្កាត់សម្រាប់ដំណាក់កាល ២០២៦-២០៣០។ ក្នុងពេលជាមួយគ្នានេះ ក៏បានទទួលស្គាល់ ១២ ឃុំដែលជាឃុំស្ថិតក្នុងតំបន់ជនជាតិភាគតិច (រួមមាន ២ ឃុំដែលស្ថិតក្នុងតំបន់ I និង ៣ ឃុំស្ថិតក្នុងតំបន់ II ព្រមទាំង ៧ ឃុំស្ថិតក្នុងតំបន់ III)។
ការសម្រេចចិត្តនេះបានផ្តល់នូវមូលដ្ឋានច្បាប់សម្រាប់ខេត្តក្នុងការបែងចែកធនធានពីកម្មវិធីគោលដៅជាតិ ដោយផ្តល់អាទិភាពដល់ឃុំ និងសង្កាត់ចំនួន ៥ ដែលពិបាកជាពិសេស និងមានប្រជាជន Khmer រស់នៅច្រើន ដូចជា៖ Vĩnh Hậu, Hoà Bình, Vĩnh Trạch, Hiệp Thành និង Hồng Dân។ ដោយសារការកំណត់អត្តសញ្ញាណជនជាតិ និងតំបន់បានត្រឹមត្រូវ មូលនិធិវិនិយោគរបស់រដ្ឋនឹងទៅដល់ភូមិនីមួយៗដោយផ្ទាល់ ដោយធានាថាគ្មាននរណាម្នាក់ត្រូវបានទុកចោលឡើយ។
មន្ទីរជនជាតិ និងសាសនាកំពុងធ្វើសេនាធិការលើការកសាងគម្រោងការនៃសេចក្តីសម្រេចចិត្តរបស់ក្រុមប្រឹក្សាប្រជាជនខេត្តស្តីពីការកំណត់នៃគោលនយោបាយពិសេសដោយឡែកក្នុងការឧបត្ថម្ភការបង្រៀន និងរៀនអក្សរ Khmer និង Hoa លើភូមិសាស្ត្រខេត្ត Cà Mau។ (រូបថតនៅវត្តគម្ពីរសាគរ ព្រែកជ្រៅ (Xiêm Cán) សង្កាត់ Hiệp Thành)។
លោក Ngô Vũ Thăng អនុប្រធានគណៈកម្មាធិការប្រជាជនខេត្តបានអះអាងថា៖ “សេចក្តីសម្រេចចិត្តលេខ ៣០១១ មិនត្រឹមជាមូលដ្ឋានសម្រាប់កំណត់តំបន់ជនជាតិភាគតិចនោះទេ ថែមទាំងចំណុចដ៏សំខាន់សម្រាប់ពិនិត្យ និងរួមបញ្ចូលរាល់បណ្តាគោលនយោបាយស្តីពីធានារ៉ាប់រងសុខាភិបាល អប់រំ និងឧបត្ថម្ភលំនៅឋាន ជាពិសេសសុខុមាលភាពសង្គមសម្រាប់មាមីងបងប្អូនជាទូទៅ”។
សម្រាប់ដំណាក់កាល ២០២៦-២០៣០ ខេត្ត Cà Mau មានគោលបំណងកាត់បន្ថយអត្រាភាពក្រីក្រក្នុងចំណោមសហគមន៍ជនជាតិភាគតិចជារៀងរាល់ឆ្នាំចាប់ពី ២,៥% ឡើងទៅនៅតាមតំបន់ដែលជួបលំបាកពិសេស។ វិធីសាស្រ្តសកម្ម និងការយកចិត្តទុកដាក់យ៉ាងជិតស្និទ្ធពីគ្រប់កស្ថាប័ន គណៈផ្នែក និងគ្រប់វិស័យ រួមជាមួយនឹងការខិតខំប្រឹងប្រែងដោយខ្លួនឯងរបស់ជនរួមជាតិ Khmer កំពុងធ្វើឱ្យផ្លាស់ប្តូរមុខមាត់តំបន់ភូមិស្រុកនៅខេត្ត Cà Mau បន្តិចម្តងៗផងដែរ៕
Nguyễn Quốc
