ក្នុងរយៈពេលប៉ុន្មានឆ្នាំកន្លងមកនេះ កិច្ចការជនជាតិ ជំនឿ និងសាសនានៅលើភូមិសាស្ត្រឃុំ Tân Điền តែងតែទទួលបានការយកចិត្តទុកដាក់ និងណែនាំពីគណៈកម្មាធិការបក្ស និងរដ្ឋអំណាចភូមិភាគ។ គ្រប់បណ្តាគណៈផ្នែង ស្ថាប័ន និងអង្គការមហាជន បានសម្របសម្រួលអនុវត្តការផ្សព្វផ្សាយគោលការណ៍ណែនាំរបស់បក្ស និងគោលនយោបាយរបស់ច្បាប់ និងរដ្ឋប្រកបដោយប្រសិទ្ធភាព រួមចំណែកដល់ការថែទាំជីវភាពជូនបងប្អូនជនរួមជាតិភាគតិច និងពង្រឹងផែនមហាសាមគ្គីទូទាំងជនជាតិ។
អ្នកមីង Hồng Thị Thu Hoa (ទី ៣ គិតពីស្តាំ) ដែលទើបទទួលបានការជំនួយឧបត្ថម្ភសង់ផ្ទះថ្មីកាលពីដើមឆ្នាំ ២០២៦។
ឃុំ Tân Điền បច្ចុប្បន្នរួមមានទាំងអស់ ៤ ជនជាតិដែលរស់នៅលាយឡំុជាមួយគ្នា ក្នុងនោះមាន ២១០ គ្រួសារជាជនរួមជាតិ Khmer ផងដែរ។ បញ្ជាក់ពីការយកចិត្តទុកដាក់ថែទាំជីវភាពសម្ភារៈ និងស្មារតីរបស់ជនជាតិភាគតិចគឺជាកិច្ចការដ៏សំខាន់មួយ ភូមិភាគបានអនុវត្តគោលនយោបាយយ៉ាងសកម្មដើម្បីឧបត្ថម្ភលំនៅដ្ឋាន ជីវភាពរស់នៅ និងសន្តិសុខសង្គម បានជួយធ្វើឱ្យបងប្អូនប្រជាជនមានស្ថិរភាព និងមានលក្ខណៈដើម្បីអភិវឌ្ឍសេដ្ឋកិច្ចគ្រួសាររបស់ខ្លួនផងដែរ។
លោក Đoàn Chí Linh អនុប្រធានគណៈកម្មាធិការប្រជាជនឃុំ Tân Tiến បានឱ្យដឹង៖ “រយៈពេលកន្លងមក ឃុំបានផ្តោតលើការអនុវត្តគោលនយោបាយឧបត្ថម្ភយ៉ាងពេញលេញ និងទាន់ពេលវេលាសម្រាប់អ្នកទទួលផល ក្នុងនោះដោយផ្តោតលើឧបត្ថម្ភលំនៅដ្ឋាន ជីវភាពរស់នៅ និងការថែទាំជីវភាពជូនបងប្អូនជនរួមជាតិភាគតិច។ ក្រៅពីការឧបត្ថម្ភរបស់រដ្ឋ ឃុំក៏បានពង្រឹងការឃោសនាផ្សព្វផ្សាយ ដើម្បីចលនាទឹកចិត្តប្រជាជនឱ្យលើកកម្ពស់ការពឹងផ្អែកលើខ្លួនឯង និងការកែលម្អខ្លួនឯង ចូលរួមយ៉ាងសកម្មក្នុងការផលិត និងលើកម្ពស់ជីវភាពរស់នៅរបស់រៀងខ្លួនជាសន្សឹមៗផងដែរ”។
នៅភូមិ Mai Hoa ជាភូមិមួយដែលមានជនរួមជាតិភាគតិចរស់នៅច្រើន គោលនយោបាយឧបត្ថម្ភត្រូវបានផ្សព្វផ្សាយ ពិនិត្យ និងអនុវត្តភ្លាមៗជូនប្រជាជន រួមចំណែកជួយគ្រួសារដែលមានជីវភាពខ្វះខាតឱ្យមានស្ថិរភាពក្នុងការរស់នៅ។
លោក Nguyễn Gal Sel ប្រធានភូមិ Mai Hoa បានចែករំលែកថា៖ “ភូមិនេះមានគ្រួសារជនជាតិភាគតិចចំនួន ១៧ គ្រួសារ។ នៅពេលដែលមានគោលនយោបាយឧបត្ថម្ភ គណៈកម្មាធិការប្រជាជនភូមិតែងសម្របសម្រួលការផ្សព្វផ្សាយព័ត៌មាន ដើម្បីឱ្យប្រជាជនយល់ និងអនុវត្តត្រឹមត្រូវតាមបទប្បញ្ញត្តិ។ យើងខ្ញុំក៏បានលើកទឹកចិត្តគ្រួសារទាំងឡាយឱ្យខិតខំប្រឹងប្រែង និងប្រើប្រាស់ការជំនួយឧបត្ថម្ភប្រកបដោយប្រសិទ្ធភាព ដើម្បីកែលម្អជីវភាពរបស់ពួកគេផងដែរ”។
បងប្អូននារីនៅភូមិ Vàm Đầm តែងត្រូវបានរាល់បណ្តាអង្គការមហាជនយកចិត្តទុកដាក់ បង្កលក្ខណៈឱ្យបុលទុន ព្រមទាំងណែនាំអំពីរបៀបធ្វើអាជីវកម្មដើម្បីបង្កើនប្រភពប្រាក់ចំណូល។
ក្នុងចំណោមគោលនយោបាយជាក់ស្តែងមួយដែលប្រជាជនមានការរំភើបរីករាយជាងគេ គឺកាឧបត្ថម្ភលំនៅដ្ឋានសម្រាប់គ្រួសារដែលមានជីវភាពខ្វះខាត។ ផ្ទះថ្មីទាំងនេះមិនត្រឹមតែផ្តល់ឱ្យប្រជាជននូវលំនៅដ្ឋានមានស្ថេរភាពប៉ុណ្ណោះទេ ថែមទាំងបង្កើតការលើកទឹកចិត្តសម្រាប់គ្រួសារទាំងឡាយសុខសាន្តចិត្តក្នុងការពលកម្មផលិត និងអភិវឌ្ឍសេដ្ឋកិច្ចទៀតផង។
ទាក់ទងនឹងការឧបត្ថម្ភលំនៅដ្ឋាន អ្នកមីង Hồng Thị Thu Hoa មកពីភូមិ Mai Hoa បាននិយាយថា “គ្រួសារខ្ញុំមានការសប្បាយចិត្តយ៉ាងខ្លាំង ខណៈពេលដែលទទួលបានការឧបត្ថម្ភសាងសង់ផ្ទះថ្មីពីរដ្ឋ និងរដ្ឋះអំណាចភូមិភាគ។ គ្រួសារខ្ញុំនឹងខិតខំព្យាយាមធ្វើការ ដើម្បីអភិវឌ្ឍសេដ្ឋកិច្ចគ្រួសារ និងឈានឡើងលំនឹងជីវភាពរស់នៅ ព្រមទាំងអនុវត្តល្អតាមគោលនយោបាយ និងគោលការណ៍ណែនាំរបស់ភូមិភាគ”។
បច្ចុប្បន្ន ឃុំ Tân Tiến នៅមានគ្រួសាជនជាតិភាគតិចក្រីក្រត្រឹមតែ ៦ គ្រួសារប៉ុណ្ណោះ។ នេះគឺជាលទ្ធផលនៃការយកចិត្តទុកដាក់ និងការអនុវត្តគោលនយោបាយឧបត្ថម្ភយ៉ាងព្រមៗគ្នារបស់រដ្ឋ រួមជាមួយនឹងការខិតខំប្រឹងប្រែងឈានឡើងរបស់បងប្អូនប្រជាជនផងដែរ៕
Loan Phương
