គណៈកម្មាធិការប្រជាជនខេត្ត Cà Mau ទើបបានចេញសេចក្តីសម្រេចអនុម័តបញ្ជីភូមិនៃតំបន់ជនជាតិភាគតិច និងភូមិលំបាកពិសេស ឃុំតំបន់ជនជាតិភាគតិច និងឃុំតំបន់ I, II និង III លើភូមិសាស្ត្រខេត្ត សម្រាប់រយៈពេល ២០២៦-២០៣០ (បន្ទាប់ពីការរៀបចំឡើងវិញ)។ នេះគឺជាមូលដ្ឋានសំខាន់មួយសម្រាប់ខេត្តដើម្បីកំណត់តំបន់ ផ្តោតលើប្រភពធនធានវិនិយោគ និងអនុវត្តគោលនយោបាយជនជាតិភាគតិច សន្តិសុខសង្គម កាត់បន្ថយភាពក្រីក្រ និងអភិវឌ្ឍសេដ្ឋកិច្ច-សង្គមក្នុងតំណាក់កាលថ្មី។
ការកំណត់ ១០៥ ភូមិ សង្កាត់នៃតំបន់ជនជាតិភាគតិច គឺជាមូលដ្ឋានគ្រឹះសម្រាប់ខេត្ត Cà Mau ប្រមូលផ្តុំប្រភពវិនិយោគ និងអនុវត្តមានប្រសិទ្ធភាពបណ្តាគោលនយោបាយជនជាតិសម្រាប់ដំណាក់កាល ២០២៦-២០៣០។ (រូបថតនៅវត្តឃោសិតារាម ភូមិ Cù Lao ឃុំ Hưng Hội)។
Cà Mau មានក្រុមជនជាតិភាគតិចចំនួន ២៨ ដែលមានប្រជាជនជាង ១៤២ ពាន់នាក់ ស្មើនឹងប្រហែល ៦.៥៦% នៃចំនួនប្រជាជនសរុបរបស់ខេត្ត។ បច្ចុប្បន្ន អត្រាគ្រួសារក្រីក្រក្នុងជនជាតិភាគតិចគឺប្រហែល ២.០៥%។ ជាង ៩០% គ្រួសារមានលទ្ធភាពទទួលបានទឹកស្អាតប្រើប្រាស់ និង ៩៩% ប្រើប្រាស់បណ្តាញអគ្គិសនីជាតិ។ រហូតមកដល់បច្ចុប្បន្ន ហេដ្ឋារចនាសម្ព័ន្ធតំបន់ជនជាតិភាគតិចត្រូវបានវិនិយោគយ៉ាងទូលំទូលាយ និងអភិវឌ្ឍយ៉ាងសកម្មផងដែរ។ ជាពិសេស តាមរយៈកម្មវិធីគោលដៅជាតិ គ្រួសារជនជាតិភាគតិចជាច្រើនទទួលបានការឧបត្ថម្ភខាងលំនៅដ្ឋាន ជីវភាពរស់នៅ ការអភិវឌ្ឍផលិតកម្ម និងទទួលបានសេវាសង្គមជាមូលដ្ឋាន។ លទ្ធផលទាំងនេះបានបង្កើតជាមូលដ្ឋានគ្រឹះសម្រាប់ការអភិវឌ្ឍប្រកបដោយស្ថិរភាព និងចីរភាពជាបន្តបន្ទាប់សម្រាប់តំបន់ជនជាតិភាគតិច។
យោងតាមលោក Lương Văn Pho អនុប្រធានមន្ទីរជនជាតិ និងសាសនា នាពេលខាងមុខ ដើម្បីបង្កលក្ខណៈអំណោយផលសម្រាប់ការអភិវឌ្ឍតំបន់ជនជាតិភាគតិច អង្គភាពនឹងធ្វើសេនាធិការអំពីការផ្សព្វផ្សាយមានប្រសិទ្ធភាពរាល់បណ្តាគោលនយោបាយជាតិ។ ក្នុងនោះ យកចិត្តទុកដាក់វិនិយោគហេដ្ឋារចនាសម្ព័ន្ធសំ ព្រមទាំងជំនួយឧបត្ថម្ភអភិវឌ្ឍផលិត ធ្វើពិពិធកម្មជីវភាពរស់នៅ និងបង្កើតការងារធ្វើ បង្កើនប្រាក់ចំណូល និងសម្រេចបាននូវការកាត់បន្ថយភាពក្រីក្រប្រកបដោយចីរភាពសម្រាប់បងប្អូនជនរួមជាតិភាគតិច។
រួមជាមួយនឹងប្រភពធនធាននៃការវិនិយោគ ការអភិវឌ្ឍធនធានមនុស្សត្រូវបានចាត់ទុកថាជាកិច្ចការដ៏សំខាន់មួយ។ អាស្រ័យដូច្នេះហើយ ខេត្តនឹងបន្តកែលម្អគុណភាពអប់រំ និងបណ្តុះបណ្តាលវិជ្ជាជីវៈដែលភ្ជាប់ទៅនឹងតម្រូវការនៃទីផ្សារការងារ។ ផ្តល់ការប្រឹក្សាអាជីព និងសេវាកម្មស្វែងរកការងារធ្វើ ដើម្បីឱ្យកម្មករជាជនជាតិភាគតិចទាំងឡាយអាចចូលរួមក្នុងទីផ្សារការងារកាន់តែទូលំទូលាយ។ ផ្តើមពីនោះក៏យកចិត្តទុកដាក់ដលើការបណ្តុះបណ្តាល បំប៉នវិជ្ជាជីវៈ និងបង្កើតប្រភពធនធានកម្មាភិបាលជាជនជាតិភាគតិច ដើម្បីឆ្លើយតបតម្រូវការអភិវឌ្ឍនៃដំណាក់កាលថ្មី។
ភូមិ Kinh Đứng ឃុំ Khánh Hưng ជាភូមិមួយក្នុងចំណោម ៦១ ភូមិដែលជួបលំបាកពិសេសនៃដំណាក់កាល ២០២៦-២០៣០។ បងប្អូនជនជាតិភាគតិចនៅទីនេះ តែងខិតខំព្យាយាមពលកម្មផលិត និងអភិវឌ្ឍទម្រង់ដាំដំណាំដើម្បីបង្កើនប្រភពប្រាក់ចំណូល និងស្តារជីវភាពគ្រួសារ។
លើសពីនេះ គោលនយោបាយសន្តិសុខសង្គម និងថែទាំសុខភាពសម្រាប់ជនជាតិភាគតិចនៅតែបន្តទទួលបានការយកចិត្តទុកដាក់យ៉ាងពិសេស។ នេះគឺជាមូលដ្ឋានគ្រឹះសម្រាប់ការលើកកម្ពស់គុណភាពរស់នៅ និងបង្កលក្ខណៈសម្រាប់ជនជាតិភាគតិចឱ្យកាន់តែមានភាពរីកចម្រើន។ ជាពិសេស ខេត្តបានផ្តោតលើការអភិរក្ស និងលើកកម្ពស់អត្តសញ្ញាណវប្បធម៌ប្រពៃណីរបស់ជនជាតិភាគតិច ដោយភ្ជាប់វប្បធម៌ជាមួយនឹងការអភិវឌ្ឍទេសចរណ៍ ដើម្បីបើកផ្លូវអភិវឌ្ឍន៍សេដ្ឋកិច្ចថ្មីសម្រាប់តំបន់ជនជាតិភាគតិច។
សេចក្តីសម្រេចលេខ ៣០១១ មិនត្រឹមតែកំណត់បញ្ជីភូមិ និងឃុំនៅតាមតំបន់ជនជាតិភាគតិចបន្ទាប់ពីការរៀបចំឡើងវិញប៉ុណ្ណោះទេ ថែមទាំងបង្កើតក្របខ័ណ្ឌគោលនយោបាយសម្រាប់ការអភិវឌ្ឍតំបន់ជនជាតិភាគតិចក្នុងរយៈពេល ២០២៦-២០៣០ ផងដែរ។ ដោយផ្អែកលើសមិទ្ធផលដែលសម្រេចបាន ខេត្តកាម៉ាវកំពុងអនុវត្តដំណោះស្រាយជាក់ស្តែងជាច្រើនដែលមានគោលបំណងបង្កើនប្រាក់ចំណូល លើកកម្ពស់គុណភាពរស់នៅសម្រាប់បងប្អូនប្រជាជន អភិរក្សអត្តសញ្ញាណវប្បធម៌ និងធានាការអភិវឌ្ឍគ្រប់ជ្រុងជ្រោយ និងប្រកបដោយចីរភាពសម្រាប់តំបន់ជនជាតិភាគតិច៕
Kiều Nương
