ការផ្សព្វផ្សាយច្បាប់ដើម្បីផ្លាស់ប្តូរចំណេះដឹងរបស់ជនរួមជាតិភាគតិច គឺជាភារកិច្ចដ៏សំខាន់មួយដែលខេត្តបាននិងកំពុងអនុវត្ត។ ជាពិសេស នៅតាមបណ្តាឃុំ សង្កាត់ដែលមានជនរួមជាតិខ្មែររស់នៅច្រើនកុះករ។ ការពង្រឹងដំណោះស្រាយនានាដើម្បីជំនួយឧបត្ថម្ភប្រជាជនក្នុងការលើកកំពស់ចំណេះដឹងអំពីច្បាប់តែងបានយកចិត្តទុកដាក់ ដូចជា៖ ការស្ទង់មតិ វាយតម្លៃអំពីតម្រូវការ និងស្ថានភាពជាក់ស្តែងនៃការអនុវត្ត និងការប្រើប្រាស់ច្បាប់របស់បងប្អូនប្រជាជន ការសិក្សាស្រាវជ្រាវ កសាង និងអនុវត្តគំរូ និងទម្រង់ផ្សេងៗនៃការទទួលបានព័ត៌មានផ្នែកច្បាប់ឱ្យសមស្របទៅតាមក្រុមគោលដៅ និងតំបន់នីមួយៗដែលស្ថិតក្រោមការគ្រប់គ្រង។
លោក Châu Phát អ្នកមានកិត្យានុភាពក្នុងសហគមន៍ Khmer នៅភូមិ Cái Giá A ឃុំ Long Điền បានឱ្យដឹង៖ តាំងពីចូលនិវត្តន៍មក គាត់បានចូលរួមយ៉ាងសកម្មក្នុងការផ្សព្វផ្សាយអំពីគោលការណ៍ណែនាំ និងគោលនយោបាយច្បាប់របស់បក្ស និងរដ្ឋដល់បងប្អូននៅក្នុងតំបន់ជនជាតិភាគតិច ព្រមទាំងចូលរួមក្នុងការផ្សះផ្សាទំនាស់នៅមូលដ្ឋាន ដែលបងប្អូនតែងឯកភាព និងព្រមព្រៀងគ្នាដោយរីករាយ ជួយពង្រឹងចំណងសាមគ្គីភាពក្នុងសហគមន៍។
លោក Châu Phát អ្នកមានកិត្យានុភាពក្នុងសហគមន៍ Khmer កំពុងថ្លែងមតិក្នុងកិច្ចប្រជុំនៅភូមិ Cái Giá A ឃុំ Long Điền។
ដើម្បីបង្កើនសមត្ថភាពប្រជាជនក្នុងការទទួលបានព័ត៌មានផ្នែកច្បាប់ ជាពិសេសនៅតំបន់ជនរួមជាតិភាគតិច ឃុំ Hưng Hội បានពង្រឹងក្រុមការងារ (ជាទូទៅរួមមាន៖ អ្នកផ្សះផ្សានៅមូលដ្ឋាន អ្នកមានកិត្យានុភាពក្នុងសហគមន៍ជនជាតិភាគតិច លេខាសាខាបក្ខភាគ ប្រធានភូមិ។ល។) ដែលមានចំណេះដឹងផ្នែកច្បាប់ ហ្វឹកហាត់លើកកំពស់វិជ្ជាជំនាញក្នុងការឧបត្ថម្ភព័ត៌មានផ្នែកច្បាប់ការផ្សព្វផ្សាយ អប់រំច្បាប់ ការប្រឹក្សាច្បាប់ជូនប្រជាជន និងការចូលរួមផ្សះផ្សានៅមូលដ្ឋាន ព្រមទាំងកសាង និងពង្រីកទម្រង់ការផ្សះផ្សាដ៏ល្អនៅមូលដ្ឋាន។ ជាពិសេស ជំរុញការឧបត្ថម្ភព័ត៌មានផ្នែកច្បាប់ និងការប្រឹក្សាច្បាប់ជូនប្រជាជនតាមរយៈអង្គការសង្គម បណ្តាញព័ត៌មាន និងសារគមនាគមន៍របស់អង្គការសង្គមដោយមានកិច្ចសហការជាមួយមន្ទីរយុត្តិធម៌ និងស្ថាប័នសារព័ត៌មាននានា។ ក្រៅពីនេះ ខេត្តក៏បានយកចិត្តទុកដាក់ក្នុងការពង្រីកតួនាទីរបស់អង្គការនយោបាយ-សង្គម-វិជ្ជាជីវៈ និងអង្គការប្រកបអាជីពក្នុងវិស័យយុត្តិធម៌ (សមាគមអ្នកច្បាប់ គណៈមេធាវី។ល។) ដើម្បីឆ្លើយតបការប្រឹក្សា និងឧបត្ថម្ភបញ្ហាពាក់ព័ន្ធនឹងការការពារសិទ្ធិ និងផលប្រយោជន៍ស្របច្បាប់របស់ប្រជាជន។
ដើម្បីធានា និងឧបត្ថម្ភប្រជាជនក្នុងការទទួលបានព័ត៌មានផ្នែកច្បាប់ រួមចំណែក លើកកំពស់ ការយល់ដឹង មនសិការក្នុងការគោរព និងប្រើប្រាស់ច្បាប់របស់ប្រជាជន ជាពិសេសក្រុមមុខសញ្ញាជាក់ស្តែងដូចជា កុមារ គ្រួសារក្រ គ្រួសារហៀបក្រ និងជនរួមជាតិភាគតិច ថ្មីៗនេះ ប្រធានគណៈកម្មាធិការប្រជាជនខេត្តបានចេញផ្សាយគម្រោង “បង្កើនសមត្ថភាពទទួលបានព័ត៌មានផ្នែកច្បាប់របស់ប្រជាជន”។ តាមរយៈគម្រោងនេះ គណៈកម្មាធិការប្រជាជនខេត្តបានស្នើឱ្យគ្រប់មន្ទីរ គណៈកម្មការ ស្ថាប័ន និងគណៈកម្មាធិការប្រជាជនឃុំ សង្កាត់អនុវត្តឱ្យមានប្រសិទ្ធភាពនូវមុខងារ និងភារកិច្ចដែលបានប្រគល់ជូន ដើម្បីឆ្លើយតបតម្រូវការជាក់ស្តែង និងបង្កលក្ខណៈងាយស្រួលសម្រាប់ប្រជាជនក្នុងការទទួលបានព័ត៌មានផ្នែកច្បាប់។ គម្រោងនេះក៏មានគោលបំណងលើកកំបស់ការយល់ដឹង ភារកិច្ចនិងទម្លាប់ក្នុងការស្វែងយល់ ប្រើប្រាស់ និងគោរពច្បាប់របស់ប្រជាជន ព្រមទាំង លើកំបស់ សមត្ថភាពឃ្លាំមើល រិះគន់សង្គមរបស់រណសិរ្សមាតុភូមិវៀតណាមក្នុងការឧបត្ថម្ភប្រជាជនពង្រឹងលទ្ធភាពទទួលបានព័ត៌មានផ្នែកច្បាប់។
Kim Phượng
