ក្នុងបរិយាកាសទូទាំងបក្ខភាគ និងប្រជាជនក្នុងខេត្ត កំពុងប្រឡងប្រណាំងយ៉ាងសកម្មដើម្បីបង្កើតស្នាដៃអំណរមហាសន្និបាតតំណាងបក្ខភាគខេត្តលើកទី ១ អាណត្តិ ២០២៥-២០៣០។ ជាព្រឹត្តិការណ៍វប្បធម៌ - សាសនាដែលមានអត្ថន័យដ៏ពិសេសមួយបានប្រារព្ធនៅវត្តជ្រុខ្មែរ (Rạch Giồng) ឃុំ Hồ Thị Kỷ បានសម្តែងយ៉ាងច្បាស់នូវស្មារតីសាមគ្គី ស្រុះស្រួល និងទឹកចិត្តរបស់ជនរួមជាតិខ្មែរឆ្ពោះទៅកាន់ព្រឹត្តិការណ៍នយោបាយដ៏សំខាន់របស់ខេត្ត។
ដើម្បីបង្កើតបរិយាកាសសប្បាយរីករាយមុនពេលមហាសន្និបាត វត្តជ្រុងខ្មែរ (Rạch Giồng) រៀបចំដោយជោគជ័យនូវការប្រណាំងទូក.ងខ្នាតតូចចំនួន ២ លើក រួមចំណែករឹតបន្តឹងចំណងសាមគ្គីរវាងបណ្តាជនជាតិជាបងប្អូន។
ជារៀងរាល់ឆ្នាំ បុណ្យកឋិនទានគឺជាបុណ្យដ៏ធំ និងសំខាន់មួយក្នុងចំណោមពិធីបុណ្យសំខាន់ៗបំផុតរបស់ជនរួមជាតិ Khmer។ មានអត្ថន័យសម្រាប់បួងសួងសូមឱ្យប្រទេសជាតិបានសុខសន្តិភាព ភូមិស្រុកសុខសាន្ត គ្រួសារសម្បូណ៌សប្បយាសុភមង្គល។ ជាពិសេស កឋិនកាលឆ្នាំ ២០២៥ នេះ ប្រព្រឹត្តទៅចំពេលដែលខេត្តកាម៉ាវកំពុងឆ្ពោះទៅកាន់មហាសន្និបាតតំណាងបក្ខភាគខេត្ត ដែលជាព្រឹត្តិការណ៍មួយមានអត្ថន័យសម្រេចចំពោះការអភិវឌ្ឍរបស់ភូមិភាគក្នុងរយៈពេល ៥ ឆ្នាំខាងមុខ។
ចូលរួមអំណរបរិយាកាសប្រឡងប្រណាំងដ៏ពុះពោរ ដោយស្មារតី "ជីវិតថ្លៃថ្លាសាសនាផូរផង់" ព្រះចៅអធិការ និងគណៈកម្មការវត្តជ្រុងខ្មែរ (Rạch Giồng) បានសម្រេចចិត្តប្រារព្ធបុណ្យកឋិនទាន និងផ្កាប្រាក់ ឆ្នាំម្សាញ់ ២០២៥ ក្នុងទ្រង់ទ្រាយធំ ព្រមទាំងមានសកម្មភាពសង្គមជាច្រើនដែលមិនធ្លាប់មានពីមុនមករបស់វត្ត។
ជាក់ស្តែង នាព្រឹកថ្ងៃទី ១១ ខែតុលា វត្តបានរៀបចំជូនអំណោយសប្បុរសធម៌ចំនួន ១៥០ ចំណែកជូនដល់គ្រួសារជនរួមជាតិ Khmer ដែលមានជីវភាពខ្វះខាតក្នុងភូមិភាគ។ នេះគឺជាសកម្មភាពដ៏មានអត្ថន័យ បង្ហាញពីការយកចិត្តទុកដាក់ ចែករំលែករបស់វត្តចំពោះសហគមន៍ រួមចំណែកជាមួយរដ្ឋអំណាចភូមិភាគក្នុងការថែទាំជីវភាពសម្ភារៈនិងស្មារតីរបស់ប្រជាជន មិនទុកឱ្យនរណាម្នាក់ចោលនៅខាងក្រោយឡើយ។
ជនរួមជាតិគ្រប់ជនជាតិ សាសនាក្នុងខេត្តមានជំនឿយ៉ាងមុតមាំចំពោះការដឹកនាំរបស់បក្ស និងអនាគតអភិវឌ្ឍន៍របស់មាតុភូមិ Cà Mau ។
ចំណុចលេចធ្លោពិសេស និងបង្កើតបរិយាកាសសប្បាយរីករាយ និងរំភើបមុនពេលមហាសន្និបាតប្រព្រឹត្តឡើង គឺវត្តជ្រុងខ្មែរ (Rạch Giồng) បានរៀបចំពិធីប្រណាំងទូក.ងខ្នាតតូចសម្រាប់បបងប្អូនប្រជាជនចូលរួមសប្បាយ។ ការប្រកួតនេះមិនត្រឹមជាសកម្មភាពកីឡាបែបប្រពៃណី អភិរក្ស និងពង្រីកអត្តសញ្ញាណវប្បធម៌របស់ជនជាតិ Khmerប៉ុណ្ណោះទេ ថែមទាំងជាវេទិកាសម្រាប់ភ្ជាប់ការទំនាក់ទំនងរវាងសហគមន៍ បង្កើតស្មារតីសាមគ្គី និងក្តីរំភើបរីករាយដែលរីកសាយភាយគ្រប់ភូមិស្រុក។ សម្លេងស្គរជ័យ និងសម្លេងស្រែកហោកញ្រ្ជៀវពិតជាបាននាំមកនូវថ្ងៃសមោសរដ៏ធំមួយ រឹតចំណងមិត្តភាពអ្នកជិតខាង ហើយអ្វីដែលសំខាន់ជាងនេះទៅទៀត គឺបង្ហាញពីជំនឿ និងក្តីសង្ឃឹមរបស់ប្រជាជនចំពោះភាពជោគជ័យនៃមហាសន្និបាតបក្ខភាគខេត្តផងដែរ។
លោក Hữu Thành Dự អ្នកមានកិត្យានុភាពក្នុងជនរួមជាតិ Khmer ភូមិ Đường Đào ឃុំ Hồ Thị Kỷ បានឱ្យដឹង៖ “ប៉ុន្មានឆ្នាំកន្លងមកនេះ ជាមួយការយកចិត្តទុកដាក់របស់បក្សនិងរដ្ឋ រួមជាមួយការខិតខំប្រឹងប្រែងឥតឈប់ឈររបស់មាមីងបងប្អូន វិស័យសេដ្ឋកិច្ច-សង្គមតំបន់ជនរួមជាតិក៏មានការផ្លាស់ប្តូរយ៉ាងសកម្មផងដែរ។ វិស័យហេដ្ឋារចនាសម្ព័ន្ធមួយថ្ងៃកាន់តែទទួលបានការវិនិយោគព្រមគ្នា ជីវភាពស្មារតីនិងសម្ភារៈរបស់បងប្អូនជនរួមជាតិក៏មានការរីកចម្រើន។ យើងខ្ញុំសង្ឃឹមថា ជាមួយការរួបរួមសាមគ្គី ពង្រីកកម្លាំងផ្ទៃក្នុង និងការយកចិត្តទុកដាក់ ជំនួយឧបត្ថម្ភរបស់បក្សនិងរដ្ឋ ជីវភាពបងប្អូនជនរួមជាតិនឹងបន្តពង្រីកចីរភាព បណ្តាតមម្លៃវប្បធម៌ប្រពៃណីដ៏ល្អផូរផង់ក៏ត្រូវបានអភិរក្ស រួមចំណែកធ្វើឱ្យសម្បូរបែបថែមទៀតខាងលក្ខណៈវប្បធម៌ Việt Nam ”។
ពេលកន្លងមក ដោយសារការយកចិត្តទុកដាក់របស់បក្ស និងរដ្ឋ មុខមាត់ជនបទតំបន់ជនរួមជាតិភាគតិចកាន់តែមានសម្រស់ ជីវភាពមួយថ្ងៃកាន់ប្រសើរឡើង។
ព្រឹត្តិការណ៍នៅវត្តជ្រុងខ្មែរ (Rạch Giồng) គឺជាភស្តុតាងដ៏រស់រវើកមួយដែលបង្ហាញពីគោលនយោបាយមហាសាមគ្គីជនជាតិរបស់បក្ស និងរដ្ឋ ពិតជាបានស៊ីជម្រៅក្នុងជីវភាពជាក់ស្តែង។ ការដែលវត្តមានគំនិតផ្តួចផ្តើមរៀបចំសកម្មភាពវប្បធម៌ សប្បុរសធម៌ ឆ្ពោះទៅកាន់ព្រឹត្តិការណ៍នយោបាយដ៏ធំមួយរបស់ខេត្តនេះ មិនត្រឹមតែបង្ហាញពីភារកិច្ចជាពលរដ្ឋប៉ុណ្ណោះទេ ថែមទាំងបង្ហាញពីការឯកភាព ស្រុះស្រួលនិងជំនឿយ៉ាងមុតមាំរបស់ជនរួមជាតិគ្រប់ជនជាតិ គ្រប់សាសនា ចំពោះការដឹកនាំរបស់បក្ស និងអនាគតអភិវឌ្ឍន៍មាតុភូមិកាម៉ាវ។ ទាំងនេះពិតជាបាច់ផ្កាដ៏ស្រស់ស្អាត ជាសកម្មភាពជាក់ស្តែងដើម្បីអំណរមហាសន្និបាតតំណាងបក្ខភាគខេត្ត Cà Mau អាណត្តិ ២០២៥-២០៣០៕
Thia Ni - Chanh Đa
