ប៉ុន្មានឆ្នាំកន្លង ការអនុវត្តគម្រោងទី៨ “អនុវត្តសមភាពយេនឌ័រ និងការដោះស្រាយបញ្ហាជាបន្ទាន់សម្រាប់ស្ត្រី និងកុមារ” បាននាំមកយ៉ាងច្រើនការផ្លាស់ប្តូរជាវិជ្ជមានក្នុងតំបន់ដែលមានបងប្អូនជនជាតិភាគតិចរស់នៅច្រើនកុះកររបស់ខេត្ត Cà Mau។ តាមរយៈទម្រង់នៃការឃោសនាចម្រុះ និងបង្កភាពជិតស្និទ្ធ បានរួមចំណែកដល់ការលើកកម្ពស់ចំណេះដឹង និងផ្លាស់ប្តូរអាកប្បកិរិយា លុបបំបាត់ការប្រកាន់ភេទជាបណ្តើរៗ បង្កលក្ខណៈដើម្បីបងប្អូនស្ត្រី និងកុមារពង្រីកតួនាទី និងមុខតំណែងរបស់ពួខ្លួនក្នុងគ្រួសារ និងសង្គម។
វគ្គបណ្តុះបណ្តាលដែលស្ថិតក្នុងគម្រោងការទី៨ ដោយសមាគមសហព័ន្ធនារីខេត្តបានចាត់តាំង។
តាមរយៈនៃវគ្គបណ្តុះបណ្តាល កិច្ចប្រជុំសាខា សមាគម ការប្រកួតប្រជែង និងព្រឹត្តិការណ៍ខាងសារគមនាគមន៍ និងប្រជាជនដើម្បីទទួលបានព័ត៌មានជាក់ស្តែងស្តីពីសិទ្ធិ និងការទទួលខុសត្រូវស្មើភេទរវាងបុរស និងស្ត្រីក្នុងគ្រួសារ ការពលកម្ម និងសង្គម។ ខ្លឹមសារឃោសនាផ្សព្វផ្សាយត្រូវបានផ្សារភ្ជាប់ទៅនឹងការពិត ដែលជួយមាមីងបងប្អូនងាយស្រូបយក និងអនុវត្តចូលក្នុងការរស់នៅ។
ផ្តើមពីប្រសិទ្ធភាពនៃការងារទំនាក់ទំនង បងប្អូនស្ត្រីជនជាតិភាគតិចជាច្រើនបានផ្លាស់ប្តូរគំនិត និងវិធីសាស្រ្តធ្វើការយ៉ាងក្លាហាន ចូលរួមយ៉ាងសកម្ម និងអនុវត្តគំរូសេដ្ឋកិច្ចដើម្បីបង្កើនប្រាក់ចំណូលគ្រួសាររបស់ទៀតផង។ លោកស្រី Quách Thị Kim Luông ប្រធានសមាគមនារីភូមិ Kinh Đứng B ឃុំ Khánh Hưng បានចែករំលែកថា៖ “ពីមុនខ្ញុំរវល់តែការងារផ្ទះ ឥឡូវខ្ញុំយល់ថា ស្ត្រីក៏មានសិទ្ធិចូលរួមក្នុងការអភិវឌ្ឍសេដ្ឋកិច្ច និងពិភាក្សាពីបញ្ហាសំខាន់ៗក្នុងគ្រួសារផងដែរ។ អរគុណខ្លាំងណាស់ដែលបានចូលរួមជាមួយសមាគមនារី និងចូលរួមវគ្គបណ្តុះបណ្តាល ខ្ញុំទទួលបានចំណេះដឹងបន្ថែម លើការដាំបន្លែ និងជាគំរូសេដ្ឋកិច្ច។ ធ្វើឱ្យជីវភាពគ្រួសារខ្ញុំមានស្ថេរភាព ខ្ញុំតែងសកម្មចូលរួមក្នុងការផ្សព្វផ្សាយ និងជំនួយឧបត្ថម្ភបងប្អូននារីទាំងឡាយក្នុងការអនុវត្តរាល់បណ្តាទម្រង់សេដ្ឋកិច្ច ដើម្បីលើកកម្ពស់ប្រភពប្រាក់ចំណូល”។
លោក Lý Hoàng Tân (ទី៥គិតពីស្តាំ) ពិគ្រោះជាក្រុមស្តីពីខ្លឹមសារនៃសមភាពយេនឌ័រនៅថ្នាក់បណ្តុះបណ្តាលរបស់គម្រោងទី៨។
មិនត្រឹមតែមានមនុស្សស្រីផ្លាស់ប្តូរប៉ុណ្ណោះទេ ប៉ុន្តែតាមរយៈការងារទំនាក់ទំនង បុរសជាច្រើនក៏មានទស្សនៈវិជ្ជមានជាងមុន ហើយសុខចិត្តចែករំលែកការងារផ្ទះ និងមើលថែកូន។ លោក Lý Hoàng Tân សមាជិកក្រុមទំនាក់ទំនងសហគមន៍នៅភូមិ Nhà Máy C ឃុំ Khánh Hưng បានឱ្យដឹង៖ “កាលពីមុន ខ្ញុំគិតថាការងារផ្ទះ និងការងារចិញ្ចឹមថែទាំកូនគឺជាការងាររបស់ស្ត្រី។ ឥឡូវនេះទើបខ្ញុំយល់បានថា លុះត្រាតែប្តីប្រពន្ធមានការសាមគ្គី ទើបសេដ្ឋកិច្ចគ្រួសារមានភាពប្រសើរឡើង។ ខ្ញុំបានចូលរួមក្នុងក្រុមទំនាក់ទំនងដើម្បីផ្សព្វផ្សាយ និងលើកកម្ពស់ការយល់ដឹងដល់ប្រជាជនអំពីដំណើររឿងទាំងនេះ”។
ទោះយ៉ាងណាក៏ដោយ នៅកន្លែងខ្លះ មនោគមវិជ្ជានៃការប្រកាន់និងបែងចែកទៅលើភេទរវាងបុរសនិងស្ត្រី និងអបិយជំនឿផ្សេងៗនៅតែកើតមានជារឿយៗ បណ្តោយឱ្យប៉ះពាល់ដល់ការសិក្សា ការងារធ្វើ និងកេរឈ្មោះរបស់ស្ត្រី និងកុមារីទៀតផង។ ប្រឈមមុខជាមួយបញ្ហានេះដែរ លោកស្រី តូធីមី អនុប្រធានអចិន្ត្រៃយ៍នៃសមាគមសព័ន្ធនារីខេត្ត បានឱ្យដឹង៖ “សមានគមនារីនឹងបន្តលើកកម្ពស់ការងារឃោសនាផ្សព្វផ្សាយ និងពង្រីកទូលាយរាល់បណ្តាទម្រង់មានប្រសិទ្ធភាព ពង្រីកតួនាទីរបស់បុរសក្នុងការលើកកម្ពស់សមភាពយេនឌ័រ។ គោលដៅគឺដើម្បីស្ត្រី និងកុមារីជនជាតិភាគតិចទទួលបានសមភាព សុវត្ថិភាព និងឱកាសអភិវឌ្ឍន៍ប្រកបដោយចីរភាព”។
សមាជិកនារីតំបន់ជនជាតិភាគតិចមួយថ្ងៃកាន់តែមានការលើកកម្ពស់ចំណេះដឹង សមត្ថភាពអភិវឌ្ឍន៍សេដ្ឋកិច្ច និងបង្កើនប្រភពប្រាក់ចំណូល។
ខណៈពេលដែលសមភាពយេនឌ័រក្លាយជាចំណេះដឹង និងដំណើរការតាមធម្មតាក្នុងជីវភាពរស់នៅប្រចាំថ្ងៃ តាំងនោះគឺជាមូលដ្ឋានគ្រឹះសម្រាប់ការអភិវឌ្ឍប្រកបដោយចីរភាព និងសុភមង្គលនៅក្នុងតំបន់ជនជាតិភាគតិចផងដែរ៕
Cẩm Nhi
