អនុវត្តគម្រោងរងទី ៤ នៃគម្រោងទី ៥ “អភិវឌ្ឍវិស័យអប់រំ - បណ្តុះបណ្តាល លើកកម្ពស់គុណភាពធនធានមនុស្ស” ស្ថិតក្នុងកម្មវិធីគោលដៅជាតិអភិវឌ្ឍន៍សេដ្ឋកិច្ច-សង្គមតំបន់ជនរួមជាតិភាគតិច និងតំបន់ភ្នំ (ហៅកាត់ថាកម្មវិធី) ក្នុងភូមិសាស្ត្រខេត្តឆ្នាំ ២០២៥ មន្ទីរជនជាតិ និងសាសនា បានរៀបចំសកម្មភាពបណ្តុះបណ្តាល លើកកម្ពស់សមត្ថភាពសម្រាប់សហគមន៍ និងកម្មាភិបាលមូលដ្ឋាន ស្តីពីនីតិវិធីអនុវត្តគម្រោង ការគ្រប់គ្រងការវិនិយោគ ដេញថ្លៃ ហិរញ្ញវត្ថុ និងលទ្ធកម្មអភិវឌ្ឍន៍សហគមន៍នានា។
មុខសញ្ញាចូលរួមសិក្សាវគ្គហ្វឹកហ្វឺន បំប៉ន គឺជាកម្មាភិបាលដែលចូលរួមគ្រប់គ្រង រៀបចំអនុវត្តកម្មវិធីនៅតាមឃុំតំបន់ទី ៣ និងឃុំមានភូមិ ស្រុកតូចដែលមានការលំបាកពិសេសតំបន់ជនរួមជាតិភាគតិចក្នុងភូមិសាស្ត្រខេត្ត Cà Mau (ចាស់)។
មុខសញ្ញាចូលរួមសិក្សា គឺជាកម្មាភិបាលចូលរួមគ្រប់គ្រង រៀបចំអនុវត្តកម្មវិធីនៅតាមឃុំតំបន់ទី ៣ និងឃុំមានភូមិ ស្រុកតូចលំបាកខ្លាំងតំបន់ជនរួមជាតិភាគតិចក្នុងភូមិសាស្ត្រខេត្ត Cà Mau (ចាស់)។ ខ្លឹមសារហ្វឹកហ្វឺន បំប៉នផ្តោតសំខាន់លើបញ្ហាកម្មាភិបាលមូលដ្ឋានជួបលំបាកក្នុងការអនុវត្តកម្មវិធី ដូចជា៖ ណែនាំការអនុវត្តឯកសារបន្ថែម ធ្វើវិសោធនកម្មចំពោះគម្រោង គម្រោងរងជាសមាសភាគនៃកម្មវិធី ជំនាញការងារដេញថ្លៃជាមូលដ្ឋាន ការដេញថ្លៃក្នុងសហគមន៍ ការដេញថ្លៃតាមប្រព័ន្ធអ៊ីនធឺណិត ជំនាញការងារត្រួតពិនិត្យ តាមដាន វាយតម្លៃ និងរាយការណ៍ពីការរៀបចំអនុវត្តគម្រោងនានានៃកម្មវិធី។ល។
លោកស្រី Nguyễn Thu Tư ប្រធានមន្ទីរជនជាតិ និងសាសនា បានឱ្យដឹងថា៖ “វគ្គហ្វឹកហ្វឺន បំប៉នទាំងនេះគឺដើម្បីលើកកម្ពស់សមត្ថភាពជួរកម្មាភិបាលមូលដ្ឋាន ឆ្លើយតបនឹងតម្រូវការជំនាញវិជ្ជាជីវៈអនុវត្តកម្មវិធីក្នុងភូមិសាស្ត្រខេត្ត។ ទន្ទឹមនឹងនោះ លើកកម្ពស់សមត្ថភាពគ្រប់គ្រងសហគមន៍ ផ្សព្វផ្សាយ ចលនាបងប្អូនជនរួមជាតិភាគតិច អនុវត្តឱ្យបានល្អនូវការងារជនជាតិ គោលនយោបាយជនជាតិ គោលការណ៍របស់បក្ស និងគោលនយោបាយ ច្បាប់របស់រដ្ឋ ដើម្បីចូលរួមអនុវត្តយ៉ាងសកម្ម ក៏ដូចជាតាមដាន ត្រួតពិនិត្យ ឃ្លាំមើលការអនុវត្តគោលនយោបាយឱ្យមានប្រសិទ្ធភាព”។
តាមរយៈវគ្គហ្វឹកហ្វឺន បំប៉ន កម្មាភិបាលមូលដ្ឋានបានធ្វើបច្ចុប្បន្នភាព បំពេញបន្ថែមចំណេះដឹង លើកកម្ពស់សមត្ថភាពអនុវត្តកម្មវិធីក្នុងភូមិសាស្ត្រ។
ស្ថិតក្នុងខ្លឹមសារអនុវត្តអនុគម្រោងទី ៤ នៃគម្រោងទី ៥ ដើម្បីបំពាក់ចំណេះដឹង ជំនាញជូនប្រជាជន បង្កលក្ខណៈឱ្យសហគមន៍ចូលរួមយ៉ាងមានប្រសិទ្ធភាពក្នុងសកម្មភាពនានារបស់កម្មវិធី មន្ទីរជនជាតិ និងសាសនា បានរៀបចំហ្វឹកហ្វឺន បំប៉នចំណេះដឹងជូនគណៈឃ្លាំមើលសហគមន៍ឃុំ តំណាងសហគមន៍ ប្រជាជន សហការីកាត់បន្ថយភាពក្រីក្រ ក្រុមថែទាំ ជួសជុលសំណង់ហេដ្ឋារចនាសម្ព័ន្ធនៅភូមិ ស្រុកតូចអ្នកមានកិត្យានុភាពក្នុងសហគមន៍ ផ្តល់អាទិភាពដល់ជនរួមជាតិភាគតិច និងនារី។
“ខ្លឹមសារនានាអនុវត្តអនុគម្រោងទី ៤ នៃគម្រោងទី ៥ ធានាត្រឹមត្រូវតាមមុខសញ្ញា គោលដៅ ប្រសិទ្ធភាព ជាក់ស្តែង ផ្សព្វផ្សាយចំណេះដឹងថ្មីៗ ខ្លឹមសារគោលនយោបាយ វិធីសាស្ត្ររៀបចំអនុវត្តឱ្យមានប្រសិទ្ធភាព សក្តិសមនឹងស្ថានភាពជាក់ស្តែងរបស់ភូមិភាគ ធានាខ្លឹមសារនានាតាមក្របខ័ណ្ឌកម្មវិធីបណ្តុះបណ្តាល ហ្វឹកហ្វឺន បំប៉នសម្រាប់សហគមន៍ និងកម្មាភិបាលគ្រប់លំដាប់ថ្នាក់អនុវត្តកម្មវិធី ត្រឹមត្រូវតាមបទប្បញ្ញត្តិនៃក្រសួងជនជាតិ និងសាសនា” លោកស្រី Nguyễn Thu Tư បានឱ្យដឹងបន្ថែមដូច្នេះ។
ក្រៅពីនេះ តាមវិសាលភាពអនុវត្ត មន្ទីរជនជាតិ និងសាសនា នៅបានរៀបចំគណៈប្រតិភូទៅសិក្សា ផ្លាស់ប្តូរបទពិសោធន៍អនុវត្តកម្មវិធីនៅតាមបណ្តាខេត្តនៃតំបន់វាលរាប៕
Quỳnh Anh
