ការផ្តល់រទេះរុញដល់ជនពិការគឺជាសកម្មភាពមនុស្សធម៌ជាក់ស្តែងមួយ មិនត្រឹមតែជួយពួកគេឱ្យធ្វើចលនា និងរស់នៅបានកាន់តែងាយស្រួលប៉ុណ្ណោះទេ ថែមទាំងលើកទឹកចិត្តពួកគេឱ្យធ្វើសមាហរណកម្មទៅក្នុងសហគមន៍ទៀតផង។
លោក Lê Quốc Văn ប្រធានសមាគមកាកបាទក្រហមខេត្ត (ទីប្រាំមួយរាប់ពីស្តាំ) រួមជាមួយអ្នកឧបត្ថម្ភ តំណាងគណៈកម្មាធិការរណសិរ្សមាតុភូមិ Việt Nam សង្កាត់ Hoà Thành បានប្រគល់រទេះរុញមួយគ្រឿងដល់ជនពិការ។
ដើម្បីចលនា និងជំរុញទឹកចិត្ត ព្រមទាំងឧបត្ថម្ភជនពិការ ជារៀងរាល់ឆ្នាំ សមាគមកាកបាទក្រហមខេត្តបានផ្តល់រទេះរុញរាប់រយគ្រឿង។ នេះគឺជាអំណោយដ៏មានតម្លៃមួយ ដែលជួយជនពិការមានលក្ខណៈកាត់បន្ថយការលំបាកក្នុងការរស់នៅ។ សកម្មភាពដែលមានអត្ថន័យមនុស្សធម៌យ៉ាងជ្រាលជ្រៅនេះក៏មានភាពរីកសាយភាយ រួមចំណែកបង្កើតការផ្លាស់ប្តូរជាវិជ្ជមានក្នុងការយល់ដឹង និងការទទួលខុសត្រូវរបស់សង្គមទាំងមូលសម្រាប់ការងារមនុស្សធម៌ និងសប្បុរសធម៌។
សម្រាប់ជនពិការ និងមនុស្សចាស់ដែលឈឺថ្កាត់មិនអាចធ្វើដំនោះរទៅមកបាន ការទទួលបានរទេះរុញក៏ជាការត្រេកអរយ៉ាងខ្លាំង ព្រោះវាដូចជាមានជើងថ្មីមួយគូ អាចធ្វើចលនាបានយ៉ាងងាយស្រួលដោយមិនចាំបាច់ដេក ឬអង្គុយនៅកន្លែងតែមួយ។
លោក Thái Văng Đúng (អាយុ ៦៩ ឆ្នាំ រស់នៅភូមិ Cái Ngang សង្កាត់ Hoà Thành ) មានស្ថានភាពលំបាកជាពិសេស នៅពេលដែលគាត់ជួបអកុសលធ្លាក់ខ្លួនឈឺ ហើយត្រូវដេកលើគ្រែ និងពឹងផ្អែកលើសាច់ញាតិក្នុងការចលនាគ្រប់សព្វបែបយ៉ាង។ ដោយដឹងពីស្ថានភាពរបស់លោកឌុង សមាគមកាកបាទក្រហមខេត្តបានសហការជាមួយរដ្ឋអំណាចភូមិភាគជូនរទេះរុញ ព្រមទាំងចលនាលោករួមជាមួយគ្រួសារឆ្លងកាត់លំបាក ជួយលោកមានលក្ខណៈរស់នៅប្រកបដោយភាពសុខសាន្តប្រសើរឡើង។
អាស្រ័យមានរទេះរុញ ទើបលោក Thái Văn Đúng អាចធ្វើចលនាបានយ៉ាងងាយស្រួល។
អ្នកមីង Đặng Ngọc Liễu (ភរិយារបស់លោក Đúng) មានការរំជួលចិត្តក្នុងការថ្លែងអំណរគុណដល់ការយកចិត្តទុកដាក់ពីគ្រប់បណ្តាគណៈផ្នែក រដ្ឋអំណាចភូមិភាគដែលបានជំនួយឧបត្ថម្ភគ្រួសារឆ្លងកាត់លំបាក។ សមាគមកាកបាទក្រហមខេត្តបានជូនរទេះរុញ ជួយប្តីរបស់អ្នកមីងងាយស្រួលក្នុងការចលនាទៅមក និងអនុវត្តសកម្មភាពផ្ទាល់ខ្លួន។
ជាអ្នកមានក្តីសប្បាយដូចគ្នាដែរ ខណៈពេលដែលទទួលបានរទេះរុញសម្រាប់សាច់ញាតិ គឺលោក Nguyễn Văn Bảy នៅភូមិ Bùng Binh សង្កាត់ Hoà Thành ។ ម្តាយរបស់គាត់ គឺលោកស្រី Lâm Thị Gẫm អាយុ ៨០ ឆ្នាំ បានដេកលើគ្រែអស់រយៈពេលជាច្រើនឆ្នាំមកហើយ ហើយរទេះរុញនេះនឹងជួយគាត់ក្នុងសកម្មភាពប្រចាំថ្ងៃផងដែរ។
លោក បៃ មានប្រសាសន៍ថា៖ “រទេះរុញមិនត្រឹមតែជាមធ្យោបាយជាក់ស្តែងមួយសម្រាប់ជំនួយឧបត្ថម្ភដល់ជនពិការ និងមនុស្សចាស់ដែលមានជំងឺធ្ងន់ធ្ងរ ដើម្បីកាត់បន្ថយការលំបាកក្នុងជីវភាពប្រចាំថ្ងៃប៉ុណ្ណោះទេ ថែមទាំងជាបេះដូង ជាអំណោយខាងវិញ្ញាណដែលមានអត្ថន័យនៃការលើកទឹកចិត្ត ដើម្បីជម្នះលើកាលៈទេសៈ និងជំងឺផ្សេងៗផងដែរ”។
សកម្មភាពជូនរទេះរុញ បានបង្ហាញពីការយកចិត្តទុកដាក់របស់អង្គការសប្បុរសជន ក៏ដូចជាសង្គមទាំងមូលផងដែរចំពោះអ្នកដែលមិនសូវមានសំណាងក្នុងឆាកជីវិត សម្រាប់ឧបត្ថម្ភដល់ជនពិការ ដើម្បីកាត់បន្ថយការលំបាក និងធ្វើសមាហរណកម្មបន្តិចម្តងៗចូលក្នុងសហគមន៍។
ការថែទាំយ៉ាងយកចិត្តទុកដាក់ពីក្រុមគ្រួសាររបស់លោក រួមជាមួយនឹងការគាំទ្រប្រកបដោយប្រសិទ្ធភាពពីរទេះរុញ បានជួយលោក Thái Văn Đúng ឱ្យមានសុខភាពល្អប្រសើរឡើងវិញ និងរស់នៅប្រកបដោយសុទិដ្ឋិនិយមជាងមុនទៀតផង។
លោក Lê Quốc Văn ប្រធានសមាគមកាកបាទក្រហមខេត្ត បានចែករំលែកថា៖ “សកម្មភាពជូនរទេះរុញដល់ជនពិការ គឺជាទង្វើដ៏មានអត្ថន័យ និងមនុស្សធម៌។ ពីព្រោះសម្រាប់ជនពិការ វាពិបាកណាស់ក្នុងការធ្វើដំណើរ ប្រការដែលមានរទេះរុញគឺជាក្តីស្រមៃពិតប្រាកដមួយ។ រទេះរុញមិនត្រឹមតែជាមធ្យោបាយមួយសម្រាប់ជួយពួកគេធ្វើដំណើរបានកាន់តែងាយស្រួលប៉ុណ្ណោះទេ ថែមទាំងបានផ្តល់ជូនពួកគាត់នូវកម្លាំងដើម្បីជម្នះលើភាពស្មុគស្មាញនៃឋានៈទាបរបស់ខ្លួន និងខិតខំកែលម្អជីវភាពរបស់ពួកគាត់។ សមាគមកាកបាទក្រហមខេត្តសង្ឃឹមថានឹងបន្តទទួលបានការយកចិត្តទុកដាក់ និងការគាំទ្រពីអង្គការ និងសប្បុរសជន ដើម្បីភ្ជាប់ទំនាក់ទំនងជាមួយជនក្រីក្រ និងជនក្រីក្រនៅក្នុងសង្គម ដោយជួយពួកគេឱ្យមានជីវភាពកាន់តែប្រសើរឡើងថែមទៀត”៕
Quỳnh Anh - Hoàng Vũ
