ផ្តើមពីគោលនយោបាយវិនិយោគរបស់កម្មវិធីគោលដៅជាតិដែលបានផ្សព្វផ្សាយអនុវត្តលើភូមិសាស្ត្រខេត្ត មុខមាត់ជនបទខេត្តកាម៉ាវ ជាពិសេសតំបន់ជនជាតិភាគតិច មួយថ្ងៃកាន់តែមានភាពប្រសើរឡើង ជីវភាពរស់នៅរបស់បងប្អូនប្រជាជនក៏បានកែលម្អ និងលើកកម្ពស់ផងដែរ។
សម្រស់នៃមណ្ឌលឃុំ Khánh Bình ដែលជាភូមិភាគមានបងប្អូនជនរួមជាតិភាគតិចរស់នៅច្រើនកុះករ។
អនុវត្តកម្មវិធីគោលដៅជាតិស្តីពីការកសាងជនបទថ្មី រហូតមកដល់ពេលនេះ ខេត្ត Cà Mau មានឃុំចំនួន ៤៣/៥៥ ដែលសម្រេចស្តង់ដារជនបទថ្មី ក្នុងនោះមាន ៣ ឃុំសម្រេចជនបទថ្មីកម្រិតខ្ពស់ និងឃុំគំរូជនបទថ្មី ១ ឃុំផងដែរ។ រួមជាមួយនឹងកម្មវិធីគោលដៅជាតិស្តីពីការកាត់បន្ថយភាពក្រីក្រប្រកបដោយចីរភាព ខេត្តបានធ្វើសមាហរណកម្ម និងអនុវត្តគោលនយោបាយវិនិយោគជាច្រើនសម្រាប់តំបន់ជនជាតិភាគតិច ដោយមានការឧបត្ថម្ភជាក់ស្តែងដល់បងប្អូនប្រជាជន ដូចជា៖ ការសាងសង់ហេដ្ឋារចនាសម្ព័ន្ធជនបទ សាលាទាន ឧបត្ថម្ភជួសជុលផ្ទះសម្រាប់ស្នាក់នៅ ទឹកប្រើប្រាស់ស្របអនាម័យ អគ្គិសនី ឧបត្ថម្ភឧបករផលិត ពូជឈើដាំ សត្វចិញ្ចឹម ដើមទុនអាទិភាព។ល។ ដោយសារតែបែនេះហើយ ទើបមុខមាត់ជនបទមានការផ្លាស់ប្តូរគ្រប់វិស័យ។ គ្រួសារជាច្រើនមានលក្ខណៈឈានឡើងដើម្បីអភិវឌ្ឍផលិត និងឈានឡើងក្នុងការរស់នៅ។
ខេត្តតែងយកចិត្តទុកដាក់ បង្កលក្ខណៈសម្រាប់បងប្អូនជនរួមជាតិភាគតិចអភិរក្ស និងពង្រីកតម្លៃវប្បធម៌ប្រពៃណីដ៏ល្អផូរផង។ រូបថត៖ វត្តខ្វែងដង្ហិត (Đìa Muồng) ឃុំ Phước Long។
លោក Danh Sem អាយុ ៨៥ ឆ្នាំ រស់នៅភូមិលេខ ៦ ឃុំ Khánh Lâm មានប្រសាសន៍ថា៖ “កម្មវិធីជនបទថ្មីបានរួមចំណែកក្នុងការប្រែក្លាយអ្វីដែលមិនមានឱ្យទៅជាមានបាន ជួយបងប្អូនមានលក្ខណៈឈានឡើងទៀតផង”។
ពិធីប្រណាំទូក.ងគឺជាសកម្មភាពកីឡា វប្បធម៌ដ៏ពិសេសរបស់ជនរួមជាតិ Khmer ឃុំ Hồ Thị Kỷ ។
ជាពិសេស កម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ចសង្គមតំបន់ជនជាតិភាគតិច និងតំបន់ភ្នំ ខេត្ត Cà Mau ត្រូវបានមជ្ឈិមធ្វើការចែកចាយថវិកាប្រមាណជាង ៤៤៥ ពាន់លានដុង សម្រាប់ផ្សព្វផ្សាយអនុវត្តក្នុងដំណាក់កាល ២០២១-២០២៥ រហូតមកដល់បច្ចុប្បន្ន ថវិកាជាង ២៩៥ ពាន់លានដុងក៏ត្រូវបានចំណាយ សម្រេចបានជាង ៦៦% នៃដើមទុនសរុបដែលបានបែងចែក។ បច្ចុប្បន្ន គ្រប់បណ្តាគណៈផ្នែក និងគ្រប់វិស័យកំពុងផ្តោតលើការអនុវត្តដោយស្មារតីជាបន្ទាន់ និងការតាំងចិត្ត ដោយធានាបាននូវវឌ្ឍនភាព និងប្រសិទ្ធភាពរបស់កម្មវិធី។
សម្រស់ជនបទនៃឃុំ Thanh Tùng។
លោក Nguyễn Hồng Khánh លេខាធិការបក្សភូមិ Vĩnh Lộc ឃុំ Phước Long បានចែករំលែកថា៖ “ជាង ៩០% នៃគ្រួសារជនជាតិភាគតិចក្នុងភូមិ ប្រហែល ១០ ឆ្នាំមុន ភូមិនេះមានគ្រួសារក្រីក្រ និងប្រកៀកក្រជាង ១២០ គ្រួសារ។ ដោយសារការអនុវត្តគោលនយោបាយឧបត្ថម្ភរបស់រដ្ឋប្រកបដោយប្រសិទ្ធភាព ភូមិនេះនាពេលបច្ចុប្បន្នមានគ្រួសារក្រីក្រត្រឹមតែ ៥គ្រួសារ និងគ្រួសារប្រកៀកបន្ទាត់ក្រចំនួន ១៧ គ្រួសារប៉ុណ្ណោះ។ បច្ចុប្បន្ន គ្រួសារក្រីក្រចំនួន ៥ គ្រួសារក៏ទទួលបានការឧបត្ថម្ភសាងសង់ផ្ទះស្នាក់នៅ ហើយក្នុងពេលជាមួយគ្នានេះដែរ រដ្ឋអំណាចភូមិភាគបានភ្ជាប់ប្រភពដើមទុនដើម្បីឧបត្ថម្ភការផលិត ជួយបងប្អូនប្រជាជនអនុវត្តគំរូចិញ្ចឹមក្របី គោ ជ្រូក។ល។ សន្សឹមៗឈានឡើងរួចចាកក្រក្នុងឆ្នាំនេះទៀតផង”។
បង្រៀនភ្លេងប្រពៃណីស្គរធំរបស់ជនរួមជាតិ Khmer ដល់ក្មេងៗជំនាន់ក្រោយ។ (រូបថតនៅឃុំ Hồ Thị Kỷ)
លោកស្រី Nguyễn Thu Tư នាយិកានៃមន្ទីរជនជាតិ និងសាសនា បានឱ្យដឹង៖ “ដើម្បីលើកកម្ពស់ជីវភាពរស់នៅរបស់បងប្អូនប្រជាជនតំបន់ជនជាតិភាគតិច ខេត្តបានបន្តកៀរគរ និងផ្តល់អាទិភាពប្រភពធនធានសម្រាប់ការវិនិយោគក្នុងការអភិវឌ្ឍហេដ្ឋារចនាសម្ព័ន្ធសំខាន់ៗមួយចំនួន ដោយបង្កើតមូលដ្ឋានគ្រឹះសម្រាប់ការអភិវឌ្ឍសេដ្ឋកិច្ច-សង្គមដ៏ទូលំទូលាយ។ ទន្ទឹមនិងនោះ យកចិត្តទុកដាក់ និងបង្កលក្ខណៈសម្រាប់បងប្អូនជនជាតិភាគតិចក្នុងការអភិរក្ស និងលើកតម្កើងតម្លៃវប្បធម៌ប្រពៃណីដ៏ល្អផូរផង់ រួមចំណែកដល់ការថែរក្សាអត្តសញ្ញាណវប្បធម៌ជាតិ ដែលជាប់ទាក់ទងនឹងការអភិវឌ្ឍទេសចរណ៍វប្បធម៌ដ៏ប្រចាំរបស់ភូមិភាគ”៕
Loan Phương
