ជាមួយនឹងវិធីសាស្រ្តប្រកបដោយភាពច្នៃប្រតិដ្ឋ និងការផ្សព្វផ្សាយអនុវត្តយ៉ាងសកម្មនៃកម្មវិធីគោលដៅជាតិ ខេត្ត Cà Mau កំពុងសរសេរជាបណ្តើរៗនូវរឿងរ៉ាវដែលស្តីពីការកាត់បន្ថយភាពក្រីក្រប្រកបដោយស្ថេរភាពសម្រាប់ជនរួមជាតិភាគតិច។ ផ្តើមពីផ្ទះថ្មីដ៏ធំទូលាយរហូតដល់ស្រះចិញ្ចឹមបង្គា វាលស្រែមានជីជាតិ។ល។ ទាំងអស់នេះក៏បង្កើតបានជារូបភាពជនបទថ្មីដ៏ភ្លឺស្វាងផងដែរ។ ជារៀងរាល់ឆ្នាំ អត្រានៃគ្រួសារក្រីក្រនៅតាមតំបន់ជនរួមជាតិភាគតិចក៏មានការថយចុះជាង ២% "ជាចំនួនប្រាប់ដែលបានប្រាប់" អំពីដំណើរការផ្លាស់ប្តូររបស់ខេត្តផងដែរ។
លោក Lâm Văn Vũ រីករាយខណៈដែលរូវចិញ្ចឹមបង្គាបានផលល្អ។
ប៉ុន្មានឆ្នាំមុននេះ នៅឃុំ Phú Mỹ បណ្តាភូមិជាច្រើនដែលមានគ្រួសារ Khmer ក្រីក្ររាប់សិបគ្រួសារ ភាគច្រើនត្រូវចាកចេញពីស្រុកកំណើតទៅតាមបណ្តាខេត្តក្រុងធំៗុមួយចំនួន ដើម្បីប្រកបរបរចិញ្ចឹមជីវិត។ ទោះជាយ៉ាងណាក្តី ជាមួយការចូលរួមយ៉ាងសកម្មរបស់បក្ស និងរដ្ឋ រួមទាំងរដ្ឋអំណាចភូមិភាគ កម្មវិធីកាត់បន្ថយភាពក្រីក្រក៏មានដង្ហើមជីវិតថ្មីសម្រាប់គ្រប់គ្រួសារ។ តាំងពីការចិញ្ចឹមជីវិត បុលទុនរហូតដល់វគ្គបណ្តុះបណ្តាលបច្ចេកទេស។ល។ ជីវភាពមាមីងបងប្អូនមួយថ្ងៃកាន់តែមានការផ្លាស់ប្តូរជាសន្សឹមៗ។ ឥឡូវនេះ ឃុំបាន "លុបបំបាត់ទាំងស្រុង" គ្រួសារក្រ។
លោក Lâm Văn Vũ និយាយដោយរំភើបចិត្តថា៖ “ពីមុនគ្រួសារខ្ញុំជាគ្រួសារក្រលំបាក តែដោយសារទទួលបានការឧបត្ថម្ភពូជឈើដាំ សត្វចិញ្ចឹម បច្ចេកទេស និងដើមទុនអនុគ្រោះ ខ្ញុំបានប្តូរមកចិញ្ចឹមបង្គាគួបផ្សំជាមួយ ក្តាម ត្រី។ ឥឡូវនេះសេដ្ឋកិច្ចគ្រួសារកាន់តែប្រសើរ ឡើង កូនៗរបស់ខ្ញុំមានការងារធ្វើនឹងនរ ខ្ញុំកាន់តែមានទំនុកចិត្ត លែងមានភាពភ័យខ្លាចក្រទៀតហើយ”។
សម្រាប់ការផ្លាស់ប្តូរនៅ Phú Mỹ គ្រាន់តែជារូបភាពតូចមួយនៃរូបភាពធំរបស់ Cà Mau ប៉ុណ្ណោះ។ ទូទាំងខេត្តកំពុងអនុវត្តកម្មវិធីគោលដៅជាតិសម្រាប់អភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំដំណាក់កាល ២០២១-២០២៥ ដែលមានចំនួន ១០ គម្រោង អនុគម្រោង ១០/១៤ និងអនុគម្រោង ៣១/៣៦ ដែលមានដើមទុនសរុបប្រមាណជាង ៤៤៥ ពាន់លានដុង ក្នុងនោះមានទឹកប្រាក់ជាង ៣០០ ពាន់លានដុង។ ប្រភពធនធាននេះត្រូវបានផ្តល់អាទិភាពសម្រាប់ប្រជាជនតាមរយៈការសាងសង់ និងជួសជុលផ្ទះស្នាក់នៅជូនជាង ១,៤០០ គ្រួសារ និង ៣,០៥៥ គ្រួសារទទួលបានការឧបត្ថម្ភទឹកសម្រាប់ប្រើប្រាស់ ព្រមទាំងឧបត្ថម្ភគម្រោងការអភិវឌ្ឍផលិត ជួយជាង ១,៣០០ គ្រួសារមានលក្ខណៈរស់នៅនឹងនរល្អ។
មិនត្រឹមតែគិតគូរ “អាហារពេញលេញ និងសម្លៀកបំពាក់ល្អស្អាត” ប៉ុណ្ណោះទេ Cà Mau ថែមទាំងបានអភិរក្ស និងពង្រីកអត្តសញ្ញាណជនជាតិទៀតផង។ ជាក់ស្តែង ខេត្តបានវិនិយោគសាងសង់ថ្មីចំនួ ៣ សាលាទាន និងកែជួសជុលវត្តអារាម Khmer ៤ វត្ត ព្រមទាំងឧបត្ថម្ភបោះទូ.ងថ្មីចំនួន ៣ គ្រឿង និងឧបករភ្លេងពិណពាទ្យ ៧ គ្រឿង រួមទាំងឧបករណ៍សម្រាប់ផ្គត់ផ្គង់សកម្មភាពវប្បធម៌នៅតំបន់ជួបលំបាកខ្លាំងទៀតផង។
លោក Lê Văn Đen អនុប្រធានគណៈកម្មាធិការប្រជាជនឃុំ Phú Mỹ បានចែករំលែកថា៖ “ប្រការដែលសំខាន់គឺមាមីងបងប្អូនមានការផ្លាស់ប្តូរគំនិត មិនទន្ទឹងរង់ចាំជំនួយ និងការជំនួយឧបត្ថម្ភរបស់រដ្ឋទៀតនោះទេ ដោយម្ចាស់ការ ក្លាហានក្នុងការផលិតទៀតផង។ សម្រាប់ការផ្លាស់ប្តូរនេះដែរក៏បានលើកស្ទួយជីវភាពបងប្អូនប្រជាជនមានលក្ខណៈឈានឡើងធូរធា អត្រាគ្រួសារក្រត្រូវបានបន្ថុយចុះនឹងនរទៀតផង”។
ភាពផ្លាស់ប្តូរនៅតាមតំបន់ដែលមានបងប្អូនជនរួមជាតិភាគតិចរស់នៅច្រើនកុះករនៃឃុំ Phú Mỹ។
ដោយសារការខិតខំព្យាយាមប្រមូលផ្តុំកម្លាំងព្រមៗគ្នា អត្រាគ្រួសារក្រក្នុងជនរួមជាតិភាគតិចនៅ Cà Mau បានបន្ថយចុះមធ្យមលើសពី ២,៥៧% រៀងរាល់ឆ្នាំ លើសកម្រិតបទដ្ឋានដែលមជ្ឈិមបានប្រគល់ជូន។ យោងតាមគម្រោងការ គិតដល់ចុងឆ្នាំ ២០២៥ ខេត្តនឹងមានតិចបំផុត ៤០% ឃុំ និងមានជាង ៥០% ភូមិសង្កាត់នៃតំបន់ជនជាតិភាគតិចចេញផុតពីភាពក្រីក្រ។
ផ្តើមពីគោលនយោបាយដ៏ត្រឹមត្រូវ ប្រភពកម្លាំងវិនិយោគមានប្រសិទ្ធភាពសម្រាប់ខាងស្មារតីខិតខំប្រឹងប្រែងដោយខ្លួនឯងរបស់បងប្អូនប្រជាជន Cà Mau កំពុងចាររឿងកាត់បន្ថយក្រចីរភាព។ យោងតាមដំណើរការនោះ គោលនយោបាយគឺជាដងសន្ទូច ចំណែកទឹកចិត្តរបស់ប្រជាជនគឺជាប្រភពកម្លាំង។ ខណៈដែលទំនុកចិត្តបានពង្រឹងឡើងវិញ និងពេលដែលប្រជាជនធ្វើជាម្ចាស់មស្រាប់ខាងការរស់នៅ គឺគ្រប់តំបន់ទាំងឡាយទោះបីជាមានភាពក្រីក្រក៏អាចក្លាយជា មាតុភូមិសម្រាប់ការរស់នៅ និងជាទីតាំងមិនទុកឱ្យអ្នកណាម្នាក់នៅពីក្រោយជាដាច់ខាត៕
Nguyễn Đào - Chí Thức
