Khánh Hưng ជាឃុំដែលមានជនរួមជាតិភាគតិចរស់នៅច្រើនកុះករ ដោយមានប្រមាណជាង ៤០០ គ្រួសារ រួមមានទាំងអស់ ៧/២៦ ភូមិតំបន់ជនជាតិភាគតិច។ សម្រាប់ខាងវិស័យសេដ្ឋកិច្ច-សង្គមនូវមានការជួបលំបាកខ្លាំង។ ប៉ូន្មានឆ្នាំកន្លងមកនេះ អាស្រ័យការខិតខំរបស់រដ្ឋអំណាចភូមិភាគ រួមជាមួយការអនុវត្តល្អរាល់បណ្តាគោលនយោបាយជនជាតិ ជីវភាពបងប្អូនប្រជាជនទូទាំងឃុំនិយាយរួម ក្នុងនោះមានជនរួមជាតិភាគតិចផងដែរមួយថ្ងៃកាន់តែប្រសើរឡើង។
ថ្នាក់ដឹកនាំឃុំ Khánh Hưng តែងយកចិត្តទុកដាក់ និងឧបត្ថម្ភទាន់ពេលសម្រាប់ការឧបត្ថម្ភគ្រួសារដែលមានជីវភាពជួបលំបាក គ្រួសារក្រីក្រ និងប្រកៀកបន្ទាត់ក្រ ដើម្បីមានលក្ខណៈឈានឡើងក្នុងការរស់នៅ។ រូបតថត៖ លោក Hồ Song Toàn ប្រធានគណៈកម្មាធិការប្រជាជនឃុំ ជូនអំណោយមាមីងបងប្អូននៅភូមិ Kinh Đứng B។
អនុវត្តកម្មវិធីគោលដៅជាតិស្ដីពីការអភិវឌ្ឍសេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំ ដំណាក់កាល ២០២១-២០២៥ (កម្មវិធី) ពីដើមទុនដែលបានបែងចែកជាង ៦,៧ ពាន់លានដុង ឃុំ Khánh Hưng បានអនុវត្តគម្រោង និងអនុគម្រោង ដោយខ្លឹមសារនិងបំណែកស្តីពីការវិនិយោគ កសាងហេដ្ឋារចនាសម្ព័ន្ធសំខាន់ៗ ដើម្បីបម្រើជីវភាពរស់នៅ និងការផលិត ព្រមទាំងឧបត្ថម្ភលំនៅឋាន បង្កើតជីវភាពរស់នៅ និងឧបត្ថម្ភឧបករណ៍ស្តុកទឹកសម្រាប់ប្រើប្រាស់។ បណ្ដុះបណ្ដាលវិជ្ជាជីវៈ ឧទ្ទេសនាមការងារធ្វើ។ល។ ផ្តើមពីនោះ រួមបញ្ចូលជាមួយកម្មវិធីផ្សេងទៀត ដើម្បីអនុវត្តកាន់តែមានប្រសិទ្ធភាព។
លោក Nguyễn Vũ Bằng អនុប្រធានគណៈកម្មាធិការប្រជាជនឃុំ បានឱ្យដឹង៖ “ការអនុវត្តកម្មវិធីតែងតែទទួលបានការយកចិត្តទុកដាក់យ៉ាងពិសេសពីគណៈកម្មាធិការបក្ស និងគណៈកម្មាធិការប្រជាជនឃុំ អនុវត្តដំណាលគ្នានូវដំណោះស្រាយជាច្រើន ចាប់ពីឆ្នាំ ២០២១ រហូតដល់បច្ចុប្បន្ន សម្រេចបានច្រើនលទ្ធផលជាវិជ្ជមានផងដែរ ជួយបងប្អូនប្រជាជនមានលក្ខណៈផលិត ជួញដូរ និងអភិវឌ្ឍន៍សេដ្ឋកិច្ចគ្រួសារ។ អត្រាគ្រួសារក្រត្រូវបានបន្ថយចុះជាសន្សឹមៗរៀងរាល់ឆ្នាំ ប្រភពប្រាក់ចំណូលមធ្យមនៃមនុស្សម្នាក់ៗក៏មានការកើនឡើងផងដែរ ចំណងសាមគ្គីភាពក្នុងសហគមក៏បានពង្រឹងល្អ សម្រស់បរិស្ថានកាន់តែមានភាពស្រស់ស្អាត”។
ក្នុងដំណើរការអនុវត្តកម្មវិធី ឃុំបានផ្តោតសំខាន់លើការឧបត្ថម្ភជនជាតិភាគតិចនៅតំបន់ជួបលំបាក ដើម្បីពង្រីកផលិត និងជួញដូរ ធ្វើពិពិធកម្មជីវភាពរស់នៅ ពង្រីកទូលាយទម្រង់ផលិត និងអភិវឌ្ឍន៍សេដ្ឋកិច្ច ដោយផ្តោតលើមូលដ្ឋានទាញយកសក្តានុពល និងគុណសម្បត្តិរបស់ភូមិភាគ ជាពិសេសលើវិស័យនៃការចិញ្ចឹមបសុសត្វ និងដាំដំណាំផ្សេងៗជាដើម។ ផ្តើមពីនោះ លើកកម្ពស់ជីវភាពរស់នៅជូនបងប្អូនប្រជាជនផងដែរ។ ទន្ទឹមនិងនោះ ធនាគារគោលនយោបាយសង្គមក៏បានសហការជាមួយគ្រប់សមាគម និងអង្គការមហាជនធ្វើការពិនិត្យ និងបូកសរុប អនុម័តលើបញ្ជីចំពោះមុខសញ្ញាអាស្រ័យផលទាំងឡាយដើម្បីបានចូលជិតកម្មវិធីបុលទុន ជំនួយបងប្អូនជនរួមជាតិភាគតិចមានប្រភពដើមទុនសម្រាប់អភិវឌ្ឍន៍ផលិតផ្លាស់ប្តូរមុខរបរវិជ្ជាជីវៈ លំនឹងការរស់នៅ ឈានឡើងរួចចាកក្រចីរភាព។
លោក Diệp Đức Tài ប្រធានសមាគមកសិករភូមិ Kinh Đứng B បានអះអាងថា៖ “តាមរយៈការអនុវត្តកម្មវិធីគោលដៅជាតិ ជីវភាពរស់នៅរបស់បងប្អូនជនរួមជាតិភាគតិចនៅតំបន់ជួបលំបាកនេះក៏មានការផ្លាស់ប្តូរ។ ជីវភាពរស់នៅរបស់ប្រជាជនមានភាពល្អប្រសើរជាងពេលមុន មុខមាត់ជនបទក៏មានសម្រស់ បណ្តាផ្លូវថ្នល់ដ៏ធំទូលាយស្អាត និងអមដោយរបងផ្កាលម្អបៃតងបង្កើតសោភ័ណភាព រួមទាំងពន្លឺអាគ្គិសនីព្រះអាទិត្យបំភ្លឺរៀងរាល់រាត្រី ធានាសន្តិសុខ និងសណ្តាប់ធ្នាប់ភូមិភាគ។
ស្ពានជនបទនៅភូមិ Kinh Đứng A កំពុងសាងសង់ដោយប្រភពទុនរបស់កម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ច-សង្គមតំបន់ជនជាតិភាគតិច។
ទន្ទឹមនិងនោះ ឃុំក៏បានផ្តល់អាទិភាពលើការវិនិយោគសម្រេចជាស្ថាពរក្នុងការបំពេញ និងអភិវឌ្ឍហេដ្ឋារចនាសម្ព័ន្ធសំខាន់ៗ ដើម្បីបម្រើដល់ការផលិត និងជីវភាពរស់នៅរបស់បងប្អូនប្រជាជន។ ជាមូលដ្ឋាន បណ្តាដងផ្លូវចាក់កាវស៊ូឬក៏បេតុង និង១០០% ភូមិមានអាគារសហគមន៍។ ដោយផ្តោតលើការដោះស្រាយបញ្ហាបន្ទាន់ប្រកបដោយប្រសិទ្ធភាពខាងដីធារសង់ផ្ទះ និងផ្ទះស្នាក់នៅ ដីផលិត ព្រមទាំងទឹកស្អាតសម្រាប់ប្រើប្រាស់ផងដែរ។ ក្នុងនោះមានប្រមាណ ៦៩,១៣% គ្រួសារបានប្រើប្រាសើទឹកស្អាត អត្រាគ្រួសារបានប្រើប្រាស់ប្រព័ន្ធអាគ្គិសនីធានាសុវត្ថិភាពជាង ៩៩,៩%។ ការងារកាត់បន្ថយភាពក្រីក្រត្រូវបានចង្អុលណែនាំយ៉ាងម៉ឺងម៉ាត់ អត្រាគ្រួសារក្របានថយចុះនូវត្រឹម ០,៧២% ពោលគឺគ្មានគ្រួសារក្រីក្រ ឬប្រកៀកបន្ទាត់ក្រដែលជាគ្រួសារគោលនយោបាយ និងអ្នកមានសគុណទៀតនោះទេ នៅមាន ១៥/២៦ ភូមិដែលគ្មានគ្រួសារក្រទៀត។
បងស្រី Thạch Tuyết Phương នៅភូមិ Kinh Đứng B បានចែករំលែកថា៖ “ដោយទទួលបានការឧបត្ថម្ភផ្ទះ គ្រួសារខ្ញុំពិតជាសប្បាយចិត្តចច្លាំងណាស់ មិនចាំបាច់ព្រួយប្រារម្ភភ័យខ្លាចពេលដែលមានព្យុះភ្លៀងបណ្តោយឱ្យលេចលង់ដូចកាលពីមុនទៀតនោះទេ លំនឹងចិត្តក្នុងការរស់នៅ ងាយស្រួលសម្រាប់ការលក់ដូរផងដែរ។ ប្តីប្រពន្ធខ្ញុំសូមថ្លែងអំណរគុណយ៉ាងក្រៃលែងសម្រាប់រដ្ឋអំណាចភូមិភាគ ហើយសន្យាថានិងខិតខំព្យាយាមពលកម្មផលិតដើម្បីឈានឡើងក្នុងការរស់នៅ”។
លទ្ធផលនៃការអនុវត្តកម្មវិធីគោលដៅជាតិស្តីពីការអភិវឌ្ឍសេដ្ឋ-កិច្ចសង្គមតំបន់ជនជាតិភាគតិច និងតំបន់ភ្នំឆ្នាំ ២០២១-២០២៥ គឺជាមូលដ្ឋានគ្រឹះដ៏រឹងមាំសម្រាប់ឃុំ Khánh Hưng បន្តបង្កើតទម្លុះទម្លាយ ឆ្ពោះទៅគោលដៅអភិវឌ្ឍន៍ប្រកបដោយចីរភាព និងលើកកម្ពស់ជីវភាពរស់នៅរបស់បងប្អូនជនរួមជាតិភាគតិចក្នុងដំណាក់កាលថ្មី។
“សម្រាប់ឆ្នាំបន្តទៀត ឃុំនឹងបន្តវិនិយោគហេដ្ឋារចនាសម្ព័ន្ធដឹកជញ្ជូនជនបទ ពង្រីកទម្រង់ចិញ្ចឹមជីវភាព ផ្តោតលើការបណ្តុះបណ្តាលវិជ្ជាជីវៈ និងបង្កើតការងារធ្វើជូនបងប្អូនជនរួមជាតិភាគតិច” លោក Nguyễn Vũ Bằng បានចែករំលែកដូច្នេះ៕
Quỳnh Anh - Hoàng Vũ
