ឆ្លងកាត់នៃដំណើរការច្នៃប្រតិដ្ឋ ស្នងបន្ត និងអភិវឌ្ឍន៍ ខឿនវប្បធម៌របស់បណ្តាជនជាតិភាគតិចនៅ Cà Mau មួយថ្ងៃកាន់តែសម្បូរបែប និងមានភាពអស្ចារ្យដែលផ្តើមពីបណ្តាមុខម្ហូបអាហារ សំលៀកបំពាក់រហូតដល់សិល្បៈប្រជាប្រិយ និងសិល្បៈផ្នែកខាងស្ថាបត្យកម្មផងដែរ។ ជាពិសេសបណ្តាពិធីបុណ្យទានប្រពៃណី មិនត្រឹមតែបង្ហាញពីភាពសម្បូរបែបខាងការរស់នៅ និងស្មារតីរបស់បងប្អូនជនរួមជាតិប៉ុណ្ណោះទេ ថែមទាំងជាសម្បត្តិធនធានដ៏សំខាន់សម្រាប់ការអភិវឌ្ឍទេសចរណ៍ទៀតផង។
ភាពអឹកធឹកនៃពិធីបុណ្យ Kỳ Yên។
ពិធីបុណ្យរបស់បងប្អូនជនជាតិភាគតិចនៅ Cà Mau បានរីកសាយភាយជារៀងរាល់ឆ្នាំ បង្កើតសក្ដានុពលដ៏អស្ចារ្យសម្រាប់ការរុករកដើម្បីអភិវឌ្ឍន៍ទេសចរណ៍។ បណ្តាពិធីបុណ្យនីមួយៗមានលក្ខណៈរៀងៗខ្លួន ដោយមានពិធីពិសេសៗជាច្រើន ប៉ុន្តែជាទូទៅពួកគេសុទ្ធតែបង្ហាញពីក្តីសង្ឃឹមដ៏មុះមុតរបស់ប្រជាជនចំពោះគ្រួសារ និងមាតុភូមិខ្លួន។
បងប្អូនប្រជាជន និងភ្ញៀវទេសចរណ៍ច្រើនកុះករចូលរួមលេងល្បែងប្រជាប្រិយក្នុងពីធីបុណ្យ Kỳ Yên។
តួយ៉ាងដូចជាពិធីបុណ្យ Kỳ Yên របស់សហគមន៍ជនជាតិ Hoa ដែលប្រព្រឹត្តទៅក្នុងខែមករា ជាមួយនឹងអត្ថន័យសម្រាប់ការបួងសួងប្រថ្នាក្តីសុខសន្តិភាព និងសុភមង្គល។ ក្នុងរយៈពេល៣ ថ្ងៃបុណ្យ បងប្អូនប្រជាជន និងភ្ញៀវទេសចរណ៍ជាច្រើនបានមកចូលរួមបណ្តាពិធីបុណ្យ មានដូចជា៖ ក្បួនដង្ហែរគ្រូដើមអ្នកបង្កើតល្ខោនខោល ពិធីដង្ហែសក្តិអ្នកតា ពិធីបួងសួង ថ្វាយដូនតា និងបច្ឆាចារ្យ។ល។ ក្រៅពីពិធីដ៏ឧឡារិកនេះ នៅតាមបណ្តាអាស្រប និងវិហារទាំងឡាយថែមទាំងមានចាត់តាំងបណ្តាពិធីបុណ្យប្រកបដោយបរិយាកាសសប្បាយរីករាយ និងមានល្បែងប្រជាប្រិយជាច្រើនផងដែរសម្រាប់ទាក់ទាញភ្ញៀវទេសចរណ៍ជិតឆ្ងាយ។
សកម្មភាពកីឡាប្រណាំទូក.ងប្រពៃណីក្នុងថ្ងៃបុណ្យអកអំបុក សំពះព្រះខែរបស់ជនរួមជាតិ Khmer ត្រូវការអភិរក្ស និងលើកតម្កើងតម្លៃសម្រាប់អភិវឌ្ឍន៍ទេសចរណ៍។
វប្បធម៌ជនជាតិ Khmer មានភាពល្បីល្បាញដោយសារមានច្រើនពិធីបុណ្យចម្រុះពណ៌ ដូចជា បុណ្យចូលឆ្នាំថ្មី បុណ្យកឋិនទាន បុណ្យអកអំបុក សំពះព្រះខែ។ល។ ក្នុងចំណោមនោះ ពិធីបុណ្យអកអំបុក សំពះព្រះខែ ប្រណាំទូង.ងត្រូវបានភ្ញៀវទេសចរជាតិ និងអន្តរជាតិជាច្រើនមានចមណាប់អារម្មណ៍។ ក្នុងពិធីបុណ្យនេះ បណ្តាវត្ត Khmer ទាំងឡាយក៏មានរៀបចំពិធីបណ្តែតប្រទីប កម្មវិធីតន្ត្រី ដាល់អំបុក។ល។ បង្កើតបរិយាកាសសប្បាយរីករាយផងដែរ។
ពិធីបណ្តែតប្រទីបក្នុងថ្ងៃបុណ្យអកអំបុក សំពះព្រះខែ។
ជាមួយតម្លៃដ៏វិសេសវិសាលនេះ បណ្តាពិធីបុណ្យរបស់បងប្អូនជនជាតិភាគតិចត្រូវការវិនិយោគជាមូលដ្ឋានគ្រឹះត្រឹមត្រូវ បង្កើតបានជាផលិតផលទេសចរណ៍ដាច់ដោយឡែករបស់ខ្លួន នាំមកនូវការចាប់អារម្មណ៍សម្រាប់ភ្ញៀវទេសចរណ៍ទាំងឡាយដែលបានមកកាន់តំបន់ដែនដីខេត្ត Cà Mau៕
Hữu Thọ
