រណសិរ្សមាតុភូមិ Việt Nam គឺជាកន្លែងប្រមូលផ្តុំកម្លាំងមហាសាមគ្គីភាពដ៏អស្ចារ្យ ជាកន្លែងបំផុសចលនាប្រពៃណី និងយុទ្ធនាការរីករាលដាលដល់គ្រប់តំបន់លំនៅដ្ឋាន។ តួនាទីនោះត្រូវបានបង្ហាញយ៉ាងច្បាស់បំផុតនៅកម្រិតមូលដ្ឋាន - ជាកន្លែងដែលរណសិរ្សអមដំណើររដ្ឋាភិបាល និងប្រជាជនក្នុងការដោះស្រាយបញ្ហាជាក់ស្តែងនៃជីវិត។ ចូលដល់អាណត្តិឆ្នាំ ២០២៥-២០៣០ កម្មាភិបាល សមាជិកបក្ស និងប្រជាជនគ្រប់មជ្ឈដ្ឋាននៅក្នុងខេត្ត Cà Mau បន្តដាក់ក្តីសង្ឃឹមរបស់ពួកគេលើការច្នៃប្រតិដ្ឋ ភាពជិតស្និទ្ធនឹងប្រជាជន និងប្រសិទ្ធភាពកាន់តែច្រើននៅក្នុងសកម្មភាពរបស់រណសិរ្សមាតុភូមិខេត្ត។
ព្រះឧបជ្ឈាយ៍ Thạch Hà ប្រធានគណៈអភិបាលសមាគមពុទ្ធសាសនា Việt Nam ខេត្ត Cà Mau អនុប្រធានអចិន្ត្រៃយ៍សមាគមព្រះសង្ឃសាមគ្គីស្នេហាជាតិខេត្ត៖
"បង្កលក្ខណៈងាយស្រួលសម្រាប់សាសនានានាចូលរួមសកម្មភាពសង្គម"
ព្រះឧបជ្ឈាយ៍ Thạch Hà ។
"បច្ចុប្បន្ន ខេត្ត Cà Mau មានសាសនិកជនជិត ៧៥០ ពាន់នាក់ ស្រូបអត្រាប្រមាណ ២៩% នៃចំនួនប្រជាជនទូទាំងខេត្ត ។ ច្រើនឆ្នាំកន្លងមក ជនរួមជាតិបណ្តាសាសនាតែងពង្រីកស្មារតី “ជីវិតល្អ បវរសាសនា” សកម្មចូលរួមចលនាប្រឡងប្រណាំងស្នេហាជាតិ និងការងារមនុស្សធម៌ សប្បុរសធម៌ រួមដៃកសាងជីវភាពវប្បធម៌ និងជនបទថ្មី។ល។ ជនរួមជាតិសាសនា បានក្លាយជាកម្លាំងមួយដ៏សំខាន់ រួមចំណែកពង្រឹងផែនមហាសាមគ្គីទូទាំងជាតិនៅភូមិភាគទៀតផង។
ក្នុងអាណត្តិថ្មី អង្គការសាសនានានាសង្ឃឹមថា រណសិរ្សនឹងបន្តជាស្ពានតភ្ជាប់ដ៏គួរឱ្យទុកចិត្ត បង្កលក្ខណៈដើម្បីសាសនាបានរួមដំណើរជាមួយជនជាតិ ពង្រីកថែមទៀតនូវតម្លៃវប្បធម៌ និងសីលធម៌ដ៏ល្អប្រសើរ ។ ទន្ទឹមនឹងនោះ សង្ឃឹមថារណសិរ្សនឹងផ្លាស់ថ្មីគ្រប់យ៉ាងនូវវិធីសាស្ត្រធ្វើសកម្មភាព បង្កើនការជួបសន្ទនា ស្តាប់មតិយោបល់របស់ជនរួមជាតិសាសនាជាមិត្ត និងប្រជាពុទ្ធបរិស័ទ។ បង្កលក្ខណៈងាយស្រួលដើម្បីសាសនានានាចូលរួមសកម្មភាពមនុស្សធម៌ សប្បុរសធម៌ រួមចំណែកកសាងជីវភាពសាមគ្គី មនោសញ្ចេតនា និងសុខសាន្តនៅ Cà Mau" ។
អ្នកស្រី Ngô Như Ý ប្រធានគណៈកម្មាធិការរណសិរ្សមាតុភូមិឃុំ Châu Thới៖
"ផ្លាស់ថ្មីវិធីសាស្ត្រប្រតិបត្តិ និងចាត់តាំងចលនា"
អ្នកស្រី Ngô Như Ý ។
"អាណត្តិថ្មីបើកចេញនូវឱកាស ទន្ទឹមនឹងនោះក៏ដាក់ចេញនូវការសាកល្បងមិនតិចផងដែរ ដូចជា៖ តម្រូវការផ្លាស់ថ្មីវិធីសាស្ត្រចលនា អនុវត្តបច្ចេកវិទ្យាក្នុងសកម្មភាពរបស់រណសិរ្ស លើកកម្ពស់គុណភាពកងជួរ ជំរុញតួនាទីរបស់អង្គការសមាជិក បើកទូលាយបណ្តាញទទួលមតិយោបល់របស់បងប្អូនប្រជាជនដែលផ្តោតលើបរិស្ថានឌីជីថល រក្សាផែនមហាសាមគ្គីក្នុងបរិបទសង្គមមានការប្រែប្រួល។ល។
ចំពោះមុខនៃការសាកល្បងទាំងនោះ សង្ឃឹមថាអាណត្តិថ្មី រណសិរ្សមាតុភូមិខេត្តនឹងមានការផ្លាស់ថ្មីជាក់ស្តែង ចាប់ពីវិធីសាស្ត្រប្រតិបត្តិ រហូតដល់ការចាត់តាំងចលនា។ ទន្ទឹមនឹងនោះ កម្មាភិបាលរណសិរ្សត្រូវបានបណ្តុះបណ្តាលត្រឹមត្រូវតាមក្បួនខ្នាត លើកកម្ពស់សមត្ថភាពត្រួតពិនិត្យ និងផ្តល់យោបល់ ។ ប្រពៃណីចលនាប្រឡងប្រណាំង និងការចលនាផ្សេងៗក៏បានបន្តពង្រីកប្រសិទ្ធភាព ។ ជាពិសេស ភាពជិតដិតប្រជាជន និងការស្តាប់យករបស់កងជួរកម្មាភិបាលរណសិរ្សពីថ្នាក់ខេត្តរហូតដល់មូលដ្ឋាន នឹងរួមចំណែកនាំមកនូវទំនុកចិត្ត ការស្រុះចិត្តរបស់ប្រជាជន រួមចំណែកក្នុងគោលដៅអភិវឌ្ឍន៍ប្រកបដោយចីរភាពរបស់ខេត្ត Cà Mau" ។
បណ្តាទំនុកចិត្ត និងក្តីសង្ឃឹមរបស់ព្រះឧបជ្ឈាយ៍ Thạch Hà ព្រមទាំងអ្នកស្រី Ngô Như Ý និយាយដោយឡែក កម្មាភិបាល បក្ខជន និងប្រជាជនក្នុងខេត្តនិយាយរួម ចំពោះគណៈកម្មាធិការរណសិរ្សមាតុភូមិ Việt Nam ខេត្ត Cà Mau អាណត្តិថ្មី គឺជាប្រភពកម្លាំងចលករដើម្បីរណសិរ្សបន្តខិតខំផ្លាស់ថ្មី និងលើកកម្ពស់ប្រសិទ្ធភាពសកម្មភាព ម្ចាស់ការជាងទៀតក្នុងការចូលរួមកសាងបក្ស រដ្ឋអំណាច និងប្រព័ន្ធនយោបាយ ។ លើមូលដ្ឋាននៃការសាមគ្គី មនោសញ្ចេតនា និងការទទួលខុសត្រូវ រណសិរ្សមាតុភូមិខេត្តនឹងបន្តអះអាងតួនាទីជាស្ពានតភ្ជាប់ដ៏រឹងមាំ រួមដំណើរជាមួយប្រជាជនគ្រប់ស្រទាប់វណ្ណៈ កសាងភូមិភាគអភិវឌ្ឍន៍ប្រកបដោយចីរភាព ទំនើប និងសម្បូរអត្តសញ្ញាណ៕
Huyền Trang - Duyên Hải
