បានបង្កើតនិងដំណើរការសកម្មភាពតាំងពីឆ្នាំ ២០១០ សាខាសមាគមអក្សរសិល្ប៍បណ្តាជនជាតិ ចំណុះសម្ព័ន្ធភាពសមាគមអក្សរសិល្ប៍ខេត្ត Bạc Liêu (ចាស់) ពីសមាជិក ៧ នាក់ដំបូង មកដល់ពេលនេះអភិវឌ្ឍបាន សមាជិក ៣៤នាក់ (សមាជិក៣៣ នាក់ជាជនជាតិខ្មែរ ក្នាក់ជាជនជាតិចិន) ធ្វើសកម្មភាពលើវិស័យជាច្រើនដូចជា៖តែងនិពន្ធស្រាវជ្រាវសម្តែង។ល។ សាខាសមាគមមាន សមាជិក ២០នាក់ ជាសមាជិកសមាគមអក្សរសិល្ប៍បណ្តាជនជាតិភាគតិច Việt Nam។
សមាជិកសាខាសមាគមអក្សរសិល្ប៍បណ្តាជនជាតិ ចូលរួមសិក្ខាសាលារៀបចំដោយសមាគមអក្សរសិល្ប៍បណ្តាជនជាតិភាគតិច Việt Nam នៅខេត្ត An Giang ឆ្នាំ ២០២៣ ។
ក្នុងដំណើរការធ្វើសកម្មភាព សាខាសមាគមតែងប្រឹងប្រែងប្រមូលផ្តុំ និងពង្រីកកម្លាំងច្នៃប្រឌិតរបស់សិល្បករ-សិល្បការិនីជាជនរួមជាតិ រួមចំណែកធ្វើឱ្យសម្បូរបែបដល់ជីវភាពអក្សរសិល្ប៍ក្នុងខេត្ត ។
យកចិត្តទុកដាក់ការងារនយោបាយ សតិអារម្មណ៍ អាណត្តិ ២០២០-២០២៥ សាខាសមាគមបានផ្សព្វផ្សាយយ៉ាងស៊ីជម្រៅទូលំទូលាយនូវការ “រៀនសូត្រនិងធ្វើតាមសតិអារម្មណ៍ សីលធម៌ ឥរិយាបថ Hồ Chí Minh” ។
ទន្ទឹមនឹងនោះ សាខាសមាគមបានបញ្ជូនសមាជិកជាច្រើនលើក ចូលរួមក្នុងការចុះជាក់ស្តែងតែងនិពន្ធក្នុងខេត្ត និងពន្លានិពន្ធក្នុងតំបន់។ល។ស្នាដៃជាច្រើនរបស់សមាជិកបានចុះផ្សាយលើកាសែត ទស្សនាវដ្តីមជ្ឈិម និងភូមិភាគ ជាពិសេសមានសមាជិកមានកិត្តិយសបានអញ្ជើញឱ្យអានកំណាព្យក្នុងទិវាកំណាព្យ Việt Nam ឆ្នាំ ២០២៤ នៅរដ្ឋានី Hà Nội ទៀតផង។
អ្នកស្រាវជ្រាវ Châu Phát អនុប្រធានសាខាសមាគមអក្សរសិល្ប៍បណ្តាជនជាតិ អះអាងថា៖ “សាខាសមាគមបានរួមចំណែកពង្រីកសាយនូវតម្លៃវប្បធម៌ពិសេសដោយឡែករបស់ជនជាតិក្នុងខេត្ត រួមជាមួយលំហូររួមនៃអក្សរសិល្ប៍ទូទាំងប្រទេស” ។
លោក Thạchn Đờ Ni ប្រធានសាខាសមាគម (ខាងស្តាំ) ទទួលវណ្ណកម្មឆ្នើម ក្នុងរយៈពេល ៥០ ឆ្នាំ ក្រោយថ្ងៃឯកភាពប្រទេសជាតិ ដែលបានជ្រើសរើសដោយសម្ព័ន្ធភាពសមាគមអក្សរសិល្ប៍ ខេត្ត Bạc Liêu ។
ទន្ទឹមនឹងសមិទ្ធផល សកម្មភាពរបស់សាខាសមាគមជួបការលំបាកក្នុងការចេញផ្សាយស្នាដៃជាភាសាជនជាតិ។ សមាជិកជាច្រើនដោយសាររវល់ការងារ ធ្វើសេដ្ឋកិច្ចគ្រួសារ ហេតុនោះ ពេលវេលាវិនិយោគតែងនិពន្ធស៊ីជម្រៅនៅមានកម្រិត ។
ឈានចូលដំណាក់កាលផ្លាស់ថ្មី សាខាសមាគមដាក់គោលដៅពង្រឹងការចាត់តាំង ឆ្ពោះទៅអភិវឌ្ឍក្លាយជាសមាគមអក្សរសិល្ប៍បណ្តាជនជាតិ ចំណុចសំខាន់គឺជំរុញការតែងនិពន្ធវណ្ណកម្មដែលមានតម្លៃសតិអារម្មណ៍ និងសិល្បៈខ្ពស់។រៀបចំការប្រឡងតែងនិពន្ធ (ដូចជាប្រឡងកំណាព្យភាសា Khmer) ចុះជាក់ស្តែងតែងនិពន្ធ។ ប្រឹងប្រែងបោះពុម្ពស្នាដៃអក្សរសិល្ប៍ជាភាសាជនជាតិ។ យកចិត្តទុកដាក់ពង្រីកសមាជិក ជាពិសេសគឺសមាជិកមជ្ឈិម ដើម្បីបង្កើនប្រភពធនធានយូរអង្វែង ។
Chim Đôn Ta
