ជីវភាពវប្បធម៌របស់ជនរួមជាតិភាគតិចនៅ Cà Mau មានភាពសម្បូណ៌បែបខ្លាំងណាស់ បានបង្ហាញយ៉ាងច្បាស់តាមរយៈពិធីបុណ្យប្រពៃណីជាហូរហែ។ ពិធីបុណ្យនីមួយៗមិនត្រឹមតែ ជាលទ្ធផលនៃដំណើរការច្នៃប្រតិដ្ឋ និងផ្ញើនូវក្តីបំណងប្រាថ្នាដ៏ល្អប្រសើរប៉ុណ្ណោះទេ ថែមទាំងប្រកបដោយស្មារតីសហគមន៍ទៀតផង។ អាស្រ័យការសាមគ្គីភាព និងស្មារតីទទួលខុសត្រូវរបស់ប្រជាជន តម្លៃវប្បធម៌បានថែរក្សា និងលើកកម្ពស់ ព្រមទាំងបង្កើតបានជាផលិតផលវប្បធម៌ដ៏ពិសេសសម្រាប់បម្រើដល់ការអភិវឌ្ឍទេសចរណ៍នៅភូមិភាគទៀតផង។
ពិធីបុណ្យកឋិនទានរបស់ជនរួមជាតិ Khmer នៅវត្តគម្ពីរសាគរ ព្រែកជ្រៅ (Xiêm Cán)សង្កាត់ Hiệp Thành។
ទន្ទឹមនឹងគោលនយោបាយឧបត្ថម្ភរបស់មជ្ឈិម និងខេត្ត ជនរួមជាតិភាគតិចតែងខិតខំព្យាយាមរក្សានូវព្រលឹងវប្បធម៌ ចំពោះការប្តូរផ្លាស់នៃជីវភាពរស់នៅនៃសម័យទំនើប។ បណ្តាពិធីបុណ្យជាច្រើនបានស្តារឡើងវិញ និងរៀបចំយ៉ាងអឹកធឹក ផ្ទុកនូវតម្លៃប្រពៃណី រួមចំណែកកសាងជីវភាពវប្បធម៌ជឿនលឿន និងពោរពេញដោយអត្តសញ្ញាណសម្រាប់តំបន់ប្រជុំជន។ ចំណុចពិសេសគឺបានជួយឱ្យពិធីបុណ្យទាំងឡាយរក្សាបាននូវភាពរស់រវើក គឺជាការរួមចំណែករបស់សហគមន៍ផងដែរ។
ជាភស្តុតាងដ៏ជាក់ច្បាស់នោះគឺ ពិធីបុណ្យទានរបស់ជនរួមជាតិ Khmer។ ក្នុងពិធីបុណ្យកឋិនទាន គ្រួសារ Khmer ទាំងឡាយក្នុងភូមិស្រុកបានរួមគ្នារៀបចំទេយ្យទានដើម្បីដង្ហែចូលវត្តដើម្បីវេរត្រៃចីវរប្រគេនជំនុំសង្ឃ បង្កើតបានជាបរិយាកាសដ៏វិសេសវិសាលទៀតផង។ មានយុវជនជាច្រើនថែមទាំងបានស្ម័គ្រចិត្តចូលរួមសម្តែងស្គរឆៃយ៉ាំ រាំរបាំ រួមចំណែកបង្កើតបរិយាកាសកាន់តែសប្បាយរីករាយ និងផ្ញើនូវពាក្យជូនពរដ៏ល្អៗដល់គ្រប់សង្គមគ្រួសារ។ ពេលរាត្រីចូលមកដល់ បងប្អូនប្រជាជនប្រមូលផ្តុំគ្នានៅក្នុងវត្តដើម្បីលេងល្បែងកម្សាន្ត ច្រៀងរាំ រឹតបន្តឹងចំណងសាមគ្គីរវាងភូមិស្រុកទៀតផង។
ល្បែងប្រជាប្រិយក្នុងពិធីបុណ្យ Kỳ Yên។
ពិធីបុណ្យ Kỳ Yên របស់ជនជាតិ Hoa បានក្លាយជាចំណុចលេចធ្លោនៃវប្បធម៌រួមរបស់សហគមន៍ជនជាតិជាបងប្អូនផងដែរ។ នៅទីសក្ការៈបូជា Vĩnh Mỹ ឃុំ Hoà Bình ពិធីបុណ្យ Kỳ Yên តែងបានប្រព្រឹត្តិឡើងជារៀងរាល់ឆ្នាំប្រកបដោយភាពឱឡារិក។ មានគ្រប់លែ្បងប្រជាប្រិយ កម្មវិធីសិល្បៈយូកេ គឺសុទ្ធតែមានការចូលរួម និងបានរួមចំណែកយ៉ាងសកម្មរបស់បងប្អូនប្រជាជននៅភូមិភាគ។
លោក Trần Văn Tỷ នៅឃុំ Hoà Bình បានចែករំលែកថា៖ “ផ្តើមពីការរស់នៅដោយសុខដុមរមនាជាយូរលុងណាស់មកហើយរបស់ប្រជាជននៅទីនេះ ពិធីបុណ្យ Kỳ Yên បានក្លាយជាថ្ងៃសប្បាយរួមរបស់ជនជាតិទាំង ៣ គឺ Kinh - Khmer - Hoa។ បងប្អូនប្រជាជនទាំងឡាយ ជាពិសេស យុវជន បានជួយគ្នាតុបតែង និងរៀបចំដើម្បីឱ្យពិធីបុណ្យប្រព្រឹត្តទៅប្រកបដោយភាពជោគជ័យ និងគួរឱ្យចាប់អារម្មណ៍ទៀតផង” ។
ពិធីបុណ្យ Kỳ Yên ដែលសម្បូណ៌ទៅដោយសក្តានុពលដើម្បីអភិវឌ្ឍទេសចរណ៍ ។
មិនត្រឹមតែទាក់ទាញប្រជាជនភូមិភាគប៉ុណ្ណោះទេ ពិធីបុណ្យដ៏ចម្រុះពណ៌របស់ជនរួមជាតិភាគតិច ថែមទាំងបានទាក់ទាញភ្ញៀវទេសចរជិតឆ្ងាយចូលរួមយ៉ាងច្រើនកុះករទៀតផង។ ប្រសិនបើមានការវិនិយោគ និងរៀបចំឱ្យបានត្រឹមត្រូវ សន្យាថានឹងក្លាយជាផលិតផលទេសចរណ៍ដ៏ពិសេស រួមចំណែកផ្សព្វផ្សាយរូបភាពវប្បធម៌ Cà Mau ដល់មិត្តភក្តិទាំងក្នុង និងក្រៅខេត្តទៀតផង៕
Trịnh Hữu
