ក្នុងវប្បធម៌ប្រពៃណីរបស់ជនរួមជាតិ Khmer ទូក.ងមិនត្រឹមតែជាទូកធម្មតាប៉ុណ្ណោះទេ ថែមទាំងជាវត្ថុដ៏ពិសិដ្ឋដែលមានតួនាទីយ៉ាងសំខាន់សម្រាប់ខាងជំនឿទៀតផង។
ពិធីសែនក្បាលទូកនៅវត្តវង្សស្រង់ ក្របីឃ្លៀច (Cao Dân)។
ទូក.ង គឺជាប្រភេទទូកដែលត្រូវបានលុងពីដើមឈើបុរាណធំៗ និងមានដើមកំណើតរាប់រយសតវត្សរ៍មកហើយ ដោយមានរាងកោងដូចជាសត្វពស់កំពុងលូន។ បច្ចុប្បន្ន អាស្រ័យដោយដើមឈើបុរាណមិនសូវមានច្រើនផងនោះ ទូក.ងមួយចំនួនត្រូវបានគេបោះដោយផ្គុំ ក្តារជាច្រើនបន្ទះចំណុះវិញ។
ពិធីដាក់ទូក.ង
ទូក.ងមានប្រវែង និងទទឹងអាស្រ័យលើចំនួនអុំ។ ជាមធ្យម ទូក.ងនីមួយៗអាចដឹកមនុស្សបានចាប់ពី ៦០-៧០ នាក់ និងប្រវែងប្រហែល ៣0-៤0 ម៉ែត្រ មានរាងស្ដើងដូចពស់ ធ្នូ និងចង្កូតកោងងឡើងលើ ហើយត្រូវបានចម្លាក់ដូចក្បាលសត្វហង្ស ឬក៏ពស់ស្លាបកង្កែប។ ចំណែកគែមទូកត្រូវបានតុបតែងដោយក្បូរក្បាច់រចនា និងពស់នាគ។ល។ ទូក.ងនីមួយៗតំណាងឱ្យវត្ត ឬភូមិស្រុករបស់ខ្លួន។ មុនពេលចូលរួមប្រណាំង អាចារ្យតំណាងឱ្យចំណុះទូក ធ្វើពិធីសែនព្រេនក្បាលទូក ហើយរាល់បណ្តាគ្រឿងដង្វាយទាំងឡាយរួមមានដូចជាមាន់ស្ងោរ ស៊ុត ក្បាលជ្រូក។ល។ បន្ទាប់ពីពិធីនេះ ទូក.ងក៏ត្រូវបានដាក់ចុះទឹក ហើយចាកចេញពីកំពង់ដើម្បីត្រៀមឱ្យការប្រណាំង។ ក្រុមទូក.ងនីមួយៗនៅពេលប្រណាំង ធម្មតាមានឯកសណ្ឋានផ្ទាល់ខ្លួន។ ក្រៅពីកីឡាករអ្នកអុំ ថែមទាំងមានម្នាក់បញ្ជា ម្នាក់កាន់កន្សៃនិងពីរនាក់ភ្លុំកញ្ចែ និងអ្នកអង្គុយក្បាលផងដែរ។
ពិធីប្រណាំងទូក.ង នៅទីក្រុង Cần Thơ ទាក់ទាញភ្ញៀវទេសចរជាតិ និងអន្តរជាតិជាច្រើនមកចូលរួមទស្សនា និងលើកទឹកចិត្ត។
ពិធីប្រណាំងទូក.ងនៅតំបន់ដីសណ្តរមេគង្គតែងតែទាក់ទាញមនុស្សជាច្រើនចូលរួមលើកទឹកចិត្ត។ ជនរួមជាតិ Khmer មានជំនឿថា ប្រសិនបើក្រុមទូករបស់ខ្លួនទទួលបានជ័យជម្នះ នឹងនាំមកនូវសំណាងល្អ រដូវកំណើនផលពេញដោយបរិបូរណ៍។ ទូក.ងបន្ទាប់ពីចូលរួមប្រណាំងរួច និងត្រូវបានរក្សាទុកយ៉ាងប្រុងប្រយ័ត្ននៅក្នុងវត្ត។ កីឡាករទាំងឡាយដែលទទួលបានជ័យជម្នះថែមទាំងមានរៀបចំពីធីកិច្ចសែនព្រេនទូក និងចូលរួមកម្សាន្តសប្បាយ បង្កើតបរិយាកាសរីករាយ និងអឹកធឹកភូមិស្រុកទៀតផង៕
Lâm Đươl
