ភ្លេងស្គរធំ គឺជាទម្រង់តន្ត្រីប្រជាប្រិយដែលផ្សារភ្ជាប់នឹងជំនឿក្នុងរាល់បណ្តាពិធីបុណ្យ និងសកម្មភាពវប្បធម៌របស់បងប្អូន Khmer Nam Bộ។ សូរសព្ទសម្លេងស្គរលាន់ឮរំពង បានបន្លឺឡើងក្នុងឱកាសបុណ្យប្រពៃណី៖ បុណ្យចូលឆ្នាំថ្មី ភ្ជុំបិណ្ឌ សែនដូនតា អកអំបុក ឬក្នុងបរិយាកាសដ៏ឱឡារិកនៃវត្ត Khmer ទាំងឡាយ រួមចំណែកបង្កើតបាននូវអត្តសញ្ញាណវប្បធម៌ដ៏ពិសេស និងធ្វើឱ្យកាន់តែសម្បូរបែបថែមទៀតសម្រាប់ផ្នែកខាងជីវភាពរស់នៅ និងស្មារតីរបស់បងប្អូនប្រជាជន។
សមាជិកក្នុងក្លឹបវង់ភ្លេងស្គរធំ នៅតែខិតខំហាត់សមជាប្រចាំរៀងរាល់ថ្ងៃ ។
សិល្បៈភ្លេងស្គរធំ បានចុះបញ្ជីជាបេតិកភណ្ឌវប្បធម៌អរូបីថ្នាក់ជាតិ ដោយបានបញ្ជាក់ច្បាស់ នូវតម្លៃប្រវត្តិសាស្ត្រ វប្បធម៌ និងប្រភេទសិល្បៈនេះ។ ទន្ទឹមនឹងនោះ ការទទួលស្គាល់នេះក៏បានដាក់ចេញតម្រូវការជាបញ្ហាបន្ទាន់ស្តីពីការអភិរក្ស និងពង្រីកបេតិកភណ្ឌ ក្នុងបរិបទដែលតម្លៃប្រពៃណីជាច្រើនកំពុងប្រឈមមុខនឹងហានិភ័យសាបរលាប។ នៅភូមិ Cây Khô Hồ Thị Kỷ ក្លឹបវង់ភ្លេងស្គរធំ នៅតែរក្សាសកម្មភាពជាប្រចាំរៀងរាល់សប្តាហ៍ហាក់បីដូចជាភស្តុតាងដ៏រស់រវើកសម្រាប់ការខិតខំអភិរក្សបេតិកភណ្ឌរបស់សហគមន៍។ សមាជិកក្លឹបភាគច្រើនជាកសិករ ពលករធម្មតា ពេលថ្ងៃរវល់នឹងការងារចិញ្ចឹមជីវភាពគ្រួសារ ដូច្នេះហើយការហាត់សមបានត្រឹមតែពេលយប់ប៉ុណ្ណោះ។ ទោះបីលក្ខណៈសម្ភារៈមានកម្រិតក៏ដោយ ប៉ុន្តែការហាត់សមនៅតែប្រព្រឹត្តទៅយ៉ាងម៉ឺងម៉ាត់ ស្ម័គ្រចិត្ត សម្តែងនូវក្តីស្រឡាញ់ និងការទទួលខុសត្រូវចំពោះបេតិកភណ្ឌវប្បធម៌ដូនតា។
ទទួលបានការណែនាំដោយសិល្បករ Hữu Văn Kel អ្នកដែលបានផ្សារភ្ជាប់ជាច្រើនឆ្នាំជាមួយសិល្បៈភ្លេងស្គរធំ Khmer។ ការហាត់សមនីមួយៗ មិនត្រឹមតែបង្វឹកខាងបច្ចេកទេសប៉ុណ្ណោះទេ ថែមទាំងជាឱកាសសមា្រប់បង្រៀនមុខរបរ ដែលគាត់កែតម្រូវយ៉ាងម៉ត់ចត់នូវចង្វាក់ស្គរនិងរបៀបវាយនីមួយ ព្រមទាំងក្រើនរំលឹកយុវជនឱ្យផ្តោតអារម្មណ៍ដោយទឹកចិត្ត និងការគោរពចំពោះដូនតា និងសហគមន៍ទៀតផង។
ប្រជាជនភូមិ Cây Khô ចូលរួមទស្សនាសិល្បៈភ្លេងស្គរធំ។
សិល្បករ Hữu Văn Kel បានចែករំលែកថា៖ “ការលំបាកបំផុតគឺក្លឹបខ្វះថវិកាសម្រាប់ធ្វើសកម្មភាព ឧបករណ៍តន្ត្រី សម្លៀកបំពាក់ក្នុងការសម្តែង បងប្អូនត្រូវរ៉ាប់រងដោយខ្លួនឯង។ ប៉ុន្តែបងប្អូននៅតែតស៊ូរក្សាស្គរ ព្រោះនេះជាព្រលឹងរបស់ជនជាតិ Khmer”។
សិប្បករ Sơn Xà Phál បានឱ្យដឹង៖ “រាល់ពេលហាត់សម គឺជាពេលទុកផ្អាក់ការងារផ្ទាល់ខ្លួនទុកមួយឡែក។ ឃើញយុវជននៅតែចូលចិត្តស្គរធំ និងចង់រៀន យើងខ្ញុំសប្បាយចិត្ត និងមានកម្លាំងចិត្តជាខ្លាំងដើម្បីខិតខំថែរក្សារហូតមកដល់សព្វថ្ងៃ” ។
សិល្បករ Hữu Văn Kel ខិតខំតស៊ូក្នុងការបង្រៀនខាងសិល្បៈភ្លេងស្គរធំដល់យុវជនទាំងឡាយ។
ក្លឹបបានបង្កើតឡើងអាស្រ័យការជួយឧបត្ថម្ភពីរដ្ឋអំណាចភូមិភាគ រួមជាមួយទឹកចិត្តរបស់សិប្បករ និងចំណង់ចំណូលចិត្តរបស់សហគមន៍ផងដែរ។ សូរសព្ទសម្លេងភ្លេងស្គរធំនៅតែបន្តបន្លឺឡើង មិនត្រឹមតែតភ្ជាប់ពីជំនាន់មួយទៅជំនាន់មួយប៉ុណ្ណោះទេ ថែមទាំងបានបញ្ជាក់យ៉ាងច្បាស់នូវភាពរស់រវើកដ៏យូរអង្វែងនៃវប្បធម៌ Khmer ទៀតផង ព្រមទាំងបានក្លាយជាចង្វាក់នៃខ្សែជីវិត និងស្មារតីដែលមិនអាចខ្វះបានសម្រាប់បងបងប្អូនប្រជាជនភូមិ Cây Khô នេពេលបច្ចុប្បន្ន និងអនាគត៕
Nguyễn Đào - Chí Thức
