ប្រសិនបើវប្បធម៌តំបន់ដីសណ្តរគឺវឡុង ជាផ្ទាំងគំនូរចម្រុះពណ៌ គឺសម្លៀកបំពាក់ប្រពៃណីរបស់ជនរួមជាតិ Khmer ជាពណ៌ដ៏ឆើតឆាយ និងសម្បូរបែបដោយអត្តសញ្ញាណ។ មិនត្រឹមតែសម្រាប់បិទបាំងរាងកាយប៉ុណ្ណោះទេ រាល់ផ្ទាំងសំពត់អាវ កន្សែង ថែមទាំងបង្កប់នូវទស្សនៈរស់នៅ សោភ័ណភាព និងភាពប៉ិនប្រសប់របស់ជនជាតិមួយដែលបានចាក់គ្រឹះយ៉ាងរឹងមាំនៅលើតំបន់ដីសណ្ដរ។
ពណ៌ឆើតឆាយរបស់នារី Khmer ជាមួយសំលៀកបំពាកប្រពៃណី។
ក្នុងជីវភាពរស់នៅប្រចាំថ្ងៃ សម្លៀកបំពាក់របស់ជនជាតិ Khmer មានភាពសាមញ្ញ សមស្របជាមួយធម្មជាតិ។ រូបភាពបុរសរឹងមាំលែងខ្លួនទទេ ស្លៀកសារុងយ៉ាងស្វាហាប់ ចំណែកនារីស្រស់សោភាជាមួយអាវកឈរ ស្លៀកសារុង បានក្លាយជានិមិត្តរូបរបស់ Khmer Nam Bộ ផងដែរ។ ផ្សារភ្ជាប់ជាមួយពួកគេ គឺក្រមា ដែលមានពណ៌ខ្មៅ-ស ឬ ក្រហម-ស ឆ្លាស់គ្នាសម្រាប់បាំងកំដៅថ្ងៃ និងបាំងភ្លៀងនៅតាមវាលស្រែផង និងធ្វើជាអង្រឹងសម្រាប់បំពេកូនផង និងជាវត្ថុអនុស្សាវរីយ៍នៃសេចក្ដីស្នេហាដ៏សាមញ្ញរបស់គូស្នេហ៍ទៀតផង។ នោះគឺជាសម្រស់នៃភាពងាយស្រួលប្រើប្រាស់ រួមផ្សំយ៉ាងសមស្របជាមួយធម្មជាតិដ៏ធំទូលាយ។
សម្រស់ដ៏ទាក់ទាញរបស់នារី Khmer ក្នុងសម្លៀកបំពាក់ទៅវត្ត។
ប៉ុន្តែ ពេលឈានចូលរដូវបុណ្យទានម្តងៗ ដូចជា៖ បុណ្យចូលឆ្នាំថ្មីប្រពៃណី ឬថ្ងៃអាពាហ៍ពិពាហ៍មង្គល សម្លៀកបំពាក់ Khmer បែរជាប្រែខ្លួនខ្លាំងក្លា ពីការសាមញ្ញធម្មតា មកជាភាពស្រស់ឆើតឆាយ ល្អប្រណិតទៅវិញ។ នេះជាពេលដែលសិល្បៈតម្បាញ និងការស្អិតស្អាងគ្រឿងអលង្ការរបស់ជនជាតិ Khmer បានបង្ហាញយ៉ាងពេញលេញ។
ក្នុងថ្ងៃបុណ្យ នារី Khmer តែងខ្លួនដោយសំពត់ ត្បាញពីសូត្រ មានក្បាច់ក្បូរយ៉ាងផ្ចិតផ្ចង់។ ស្បៃ ដ៏ទន់ល្មើយ ពាក់ឆៀងស្មាម្ខាង ក្លាយជាចំណុចលេចធ្លោ រំលេចសម្រស់ដ៏ទន់ភ្លន់។ រួមផ្សំជាមួយគ្រឿងអលង្ការព៌ណមាសប្រពៃណី នារី Khmer ស្រស់ស្អាតដូចទេពធីតាអប្សរា ឈានជើងចេញពីផ្ទាំងចម្លាក់បុរាណ។ បុរសក៏មិនចាញ់ភាពថ្លៃថ្នូរដែរ ដោយស្លៀកបំពាក់អាវកត្រង់ និងសំពត់ចងក្បិន បានបង្ហាញពីភាពអង់អាច និងរឹងមាំរបស់ខ្លួន។
សម្លៀកបំពាក់បុរសអាវកឈរ សំពត់ចងក្បិន និងនារីស្លៀកសំពត់ពាក់ស្បៃក្នុងថ្ងៃអាពាហ៍ពិពាហ៍។
តម្លៃពិសេសនៃសម្លៀកបំពាក់ Khmer Nam Bộ ស្ថិតនៅត្រង់ “ភាពរស់រវើក”។ មិនស្ថិតនៅស្ងៀមក្នុងសារមន្ទីរទេ តែមានវត្តមាននៅក្នុងរាល់ចង្វាក់ដង្ហើមនៃភូមិស្រុកនីមួយៗ ទោះបីសង្គមមានការផ្លាស់ប្តូរយ៉ាងណាក្តី សម្លៀកបំពាក់ប្រពៃណីនៅតែជា “អត្តសញ្ញាណ” ដ៏ពិសិដ្ឋ ដែលបានជនជាតិ Khmer ថែរក្សា និងបន្តដល់កូនចៅពីជំនាន់មួយទៅជំនាន់មួយផងដែរ៕
Đờ Ni - Danh Điệp
