ប៉ុន្មានថ្ងៃនេះ រួមជាមួយប្រជាជនទូទាំងប្រទេស បងប្អូនជនរួមជាតិភាគតិចលើភូមិសាស្ត្រខេត្ត Cà Mau កំពុងឆ្ពោះទៅរដ្ឋានី Hà Nội ដែលពោរពេញដោយទំនុកចិត្ត និងក្តីសង្ឃឹមយ៉ាងខ្លាំងលើប្រតិភូតំណាងទូទាំងប្រទេសលើកទី ១៤ របស់បក្ស - ព្រឹត្តិការណ៍ដ៏សំខាន់មួយដែលនឹងធ្វើការសម្រេចចិត្តយ៉ាងត្រឹមត្រូវដើម្បីនាំប្រទេសជាតិទៅកាន់ភាពន៍ លើកកម្ពស់ជីវភាពរស់នៅរបស់ប្រជាជន រួមទាំងជនជាតិភាគតិចផងដែរ។
សមមិត្ត Hồ Thanh Thuỷ អនុលេខាគណៈកម្មាធិការបក្សខេត្ត ប្រធានគណៈកម្មាធិការរណសិរ្សមាតុភូមិ Việt Nam ខេត្ត Cà Mau និងក្រុមការងារបានចុះទៅពិនិត្យសហករណ៍ភូមិត្បាញប្រពៃណី ភូមិ Nhà Lầu ១ ឃុំ Ninh Thạnh Lợi កាលពីព្រឹកថ្ងៃទី១៦ ខែមករា ឆ្នាំ ២០២៦។
ស្មារតីសប្បាយរីករាយនៃការអំណរមហាសន្និបាតលើកទី ១៤ បានរីករាលដាលយ៉ាងទូលំទូលាយដល់គ្រប់ភូមិ សង្កាត់នានាទូទាំងតំបន់ជនជាតិភាគតិច។ នៅភូមិ Cây Giang ឃុំ Long Điền លោក Châu Phát (ជនជាតិ Khmer) បាននិយាយដោយក្តីរំភើបថា នៅព្រឹកថ្ងៃទី ២០ ខែមករា លោកបានមកដល់សាលាឃុំតាំងពីព្រលឹម ដើម្បីទស្សនាពិធីបើកមហាសន្និបាតបក្សលើកទី ១៤ ត្រូវបានផ្សាយបន្តផ្ទាល់តាមកញ្ចក់ទូរទស្សន៍។ យោងតាមលោក នេះគឺជាព្រឹត្តិការណ៍ដ៏សំខាន់មួយដែលបើកដំណាក់កាលថ្មីនៃការអភិវឌ្ឍសម្រាប់ប្រទេសជាតិ។
ក្នុងប៉ុន្មានឆ្នាំកន្លងមកនេះ អាស្រ័យការយកចិត្តទុកដាក់យ៉ាងដិតដល់របស់បក្ស និងរដ្ឋ ជីវភាពរបស់បងប្អូនជនរួមជាតិភាគតិចនៅ Cà Mau មានការអភិវឌ្ឍគួរឱ្យកត់សម្គាល់។ ហេដ្ឋារចនាសម្ព័ន្ធទទួលបានការវិនិយោគ ជួយសម្រួលដល់ការធ្វើដំណើរ និងពាណិជ្ជកម្មផ្សេងៗបានល្អប្រសើរ។ ទម្រង់ផលិតដែលមានប្រសិទ្ធភាពជាច្រើនត្រូវបានចម្លង ជួយបង្កើនប្រាក់ចំណូលសម្រាប់បងប្អូនប្រជាជន។ អត្រាភាពគ្រួសារក្រីក្រក្នុងជនរួមជាតិភាគតិចក៏បានថយចុះជារៀងរាល់ឆ្នាំ។
ផ្តើមពីនោះ ទំនុកចិត្តរបស់បងប្អូនជនរួមជាតិភាគតិចលើការដឹកនាំរបស់បក្សកាន់តែរឹងមាំឡើងៗ។ លោក Lý Văn Tiển (ជនជាតិ Khmer) ជាអនុលេខាសាខាបក្ស និងជាប្រធានគណៈកម្មាធិការរណសិរ្សភូមិលេខ ៨ ឃុំ Trí Phải បានឱ្យដឹងថា៖ តាមរយៈការងារឃោសនាផ្សព្វផ្សាយ បងប្អូនប្រជាជនក្នុងភូមិទាំងអស់ជឿជាក់លើការសម្រេចចិត្តរបស់បក្ស ដែលនឹងត្រូវអនុម័តនៅមហាសន្និបាតបក្សលើកទី ១៤ នេះ។
Cà Mau សម្រេចបានសមិទ្ធផលជាច្រើនក្នុងការអភិរក្ស និងលើកកម្ពស់តម្លៃវប្បធម៌ប្រពៃណីរបស់ជនរួមជាតិភាគតិច។ (រូបថត៖ ពិធីប្រណាំងទូក.ងនៅឃុំ Phước Long កាលពីថ្ងៃទី ២១ ខែធ្នូ ឆ្នាំ ២០២៥)។
សាលាអនុវិទ្យាល័យជនជាតិអន្តេវាសិក Danh Thị Tươi ឃុំ Đá Bạc បានដំឡើងទង់ជាតិដើម្បីអំណរមហាសន្និបាតបក្ស។ អ្នកគ្រូ Lý Hoà Ly (ជនជាតិ Khmer) ប្រធានទទួលបន្ទុកក្រុមការងាររបស់សាលា បានចែករំលែកថា៖ “ខ្ញុំសង្ឃឹមថាមហាសន្និបាតបក្សលើកទី ១៤ នេះនឹងមានគោលនយោបាយពង្រីកតំបន់ចុះឈ្មោះចូលរៀនសម្រាប់សាលាបណ្ដុះបណ្ដាល បង្កលក្ខណៈសម្រាប់កូនក្មួយជនរួមជាតិភាគតិចនៅតំបន់ជាច្រើនទៀត ដើម្បីទទួលបានការអប់រំធានាគុណភាពខ្ពស់ ជំនួសឱ្យការផ្តោតតែនៅក្នុងភូមិដែលពិបាករៀនដូចបច្ចុប្បន្ននេះ”។
ជនជាតិភាគតិចខេត្ត Cà Mau បានផ្ញើក្តីសង្ឃឹមយ៉ាងខ្លាំងលើមហាសន្និបាតលើកទី ១៤ នេះ។ ពួកគេសង្ឃឹមថា បក្ស និងរដ្ឋនឹងបន្តមានគោលនយោបាយឧបត្ថម្ភដើមទុនផលិតកម្ម កសិកម្ម បង្កើតការងារដើម្បីជួយប្រជាជនឱ្យរួចផុតពីភាពក្រីក្រប្រកបដោយចីរភាព និងគោលនយោបាយបង្កើតការងារធ្វើសម្រាប់និស្សិតជនជាតិភាគតិចបន្ទាប់ពីបញ្ចប់ការសិក្សា ជាពិសេសនិស្សិតដែលស្ថិតក្នុងកម្មវិធីជម្រើស ព្រមទាំងពង្រឹងការអភិរក្សទម្រង់សិល្បៈ និងលើកកម្ពស់អត្តសញ្ញាណវប្បធម៌ដ៏ល្អភុរផង់របស់ជនរួមជាតិជាតិភាគតិច...៕
Nguyễn Quốc
