ឆ្នាំ ២០២៥ គឺជាឆ្នាំចុងក្រោយនៃការអនុវត្តផែនការអភិវឌ្ឍន៍សេដ្ឋកិច្ច-សង្គម ៥ ឆ្នាំ (២០២១-២០២៥) និងបូកសរុបដំណាក់កាលទី ១ នៃកម្មវិធីគោលដៅជាតិអភិវឌ្ឍន៍សេដ្ឋកិច្ច-សង្គមតំបន់ជនរួមជាតិភាគតិច និងតំបន់ភ្នំ ។ ខេត្ត Cà Mau ប្តេជ្ញាចិត្តថែទាំ និងលើកកម្ពស់ជីវភាពសម្ភារៈ និងស្មារតីជូនជនរួមជាតិភាគតិច និងសាសនា ដោយចាត់ទុកនេះជាមូលដ្ឋានគ្រឹះសម្រាប់ការអភិវឌ្ឍចីរភាព ។
ជួយឧបត្ថម្ភសាងសង់ផ្ទះសម្បែង ជួយឱ្យជនរួមជាតិភាគតិចមានកន្លែងរស់នៅមានស្ថេរភាពស្ងប់ចិត្តពលកម្ម ផលិតឈានឡើងក្នុងជីវិត ។ (រូបថតនៅភូមិ Kinh Đứng B ឃុំ Khánh Hưng។
បច្ចុប្បន្ន ខេត្តមាន ៥ ឃុំតំបន់ III ៣ ឃុំតំបន់ II និង ១២ ឃុំតំបន់ I ព្រមទាំងមាន ៦៨ ភូមិ និងអនុសង្កាត់ស្ថិតក្នុងតំបន់ជនរួមជាតិភាគតិច និងតំបន់ភ្នំ ។ ទូទាំងខេត្តមានជាង ៣២.៤០០ គ្រួសារជនរួមជាតិភាគតិច និងមានប្រជាជនជិត ១៣៩ ពាន់នាក់ ។ ចំពោះជំនឿ និងសាសនា ខេត្តកាម៉ាវមាន ៩៧៣ មូលដ្ឋានជំនឿប្រជាប្រិយ និងមាន ៧ សាសនាកំពុងធ្វើសកម្មភាពស្ថេរភាព និងត្រឹមត្រូវតាមច្បាប់ប្បញ្ញត្តិ ។
ឆ្នាំ ២០២៥ ការងារជនជាតិ និងសាសនាបានអនុវត្តព្រមៗគ្នា ដោយប្រកាន់ខ្ជាប់នូវការដឹកនាំ និងការណែនាំរបស់មជ្ឈិម គណៈកម្មាធិការបក្សខេត្ត និងគណៈកម្មាធិការប្រជាជនខេត្ត ។ រាល់គោលការណ៍ណែនាំ និងគោលនយោបាយរបស់បក្ស និងរដ្ឋ ជាពិសេសច្បាប់ស្តីពីជំនឿ និងសាសនា បានផ្សព្វផ្សាយ និងចាត់តាំងអនុវត្តទាន់ពេលវេលា ដែលរួមចំណែកពង្រឹងផែនមហាសាមគ្គីទូទាំងជនជាតិ និងបង្កើតការឯកភាពក្នុងសង្គម ។
តាមប្រសាសន៍លោក Lương Văn Pho នាយករងមន្ទីរជនជាតិ និងសាសនា បានឱ្យដឹងថា ខេត្តតែងយកចិត្តទុកដាក់ថែទាំជីវភាពសម្ភារៈ និងស្មារតីជូនជនរួមជាតិភាគតិច និងសាសនា ។ សកម្មភាពបុណ្យទានផ្សេងៗរបស់ជនរួមជាតិ បានរៀបចំឡើងហ្មត់ចត់ បង្កើតបានបរិយាកាសសាមគ្គីនិងសប្បាយរីករាយ។ សកម្មភាពសាសនាប្រព្រឹត្តទៅមានស្ថេរភាព និងត្រឹមត្រូវតាមច្បាប់។ ទំនាក់ទំនងរវាងរដ្ឋអំណាច និងអង្គការសាសនានានា កាន់តែជិតស្និទ្ធ ជឿទុកចិត្ត និងរួមដំណើរជាមួយគ្នាក្នុងការអភិវឌ្ឍសេដ្ឋកិច្ច-សង្គម ។
ទន្ទឹមនឹងការគ្រប់គ្រងរដ្ឋ ខេត្តក៏បានផ្តោតលើការវិនិយោគ និងជួយឧបត្ថម្ភលើកកម្ពស់ជីវភាពជនរួមជាតិភាគតិច និងសាសនា តាមរយៈកម្មវិធី និងគម្រោងអភិវឌ្ឍន៍សេដ្ឋកិច្ច និងកាត់បន្ថយភាពក្រីក្រចីរភាពជាច្រើន ។ ទម្រង់សេដ្ឋកិច្ចសមស្របជាច្រើនដូចជា៖ ចិញ្ចឹមគោ ជ្រូក មាន់ ត្រី បង្គា និងដាំបន្លែបង្ការសមស្របតាមលក្ខណៈជាក់ស្តែងរបស់ តំបន់នីមួយៗ។ល។ បាននិងកំពុង ពង្រីកប្រសិទ្ធភាព ជួយឱ្យជនរួមជាតិឆ្ពោះទៅលំនឹងជីវភាពជាលំដាប់។
ពីគោលនយោបាយឧបត្ថម្ភមុខរបរសម្រាប់បងប្អូនជនរួមជាតិ អ្នកមីង Nguyễn Thị Thuỷ នៅភូមិ Rạch Ruộng B ឃុំ Trần Văn Thời បានអនុវត្តទម្រង់ដាំស្ពៃក្តោប ជួយលំនឹងជីវភាពជាសន្សឹមៗផងដែរ។
ជាពិសេស កម្មវិធីគោលដៅជាតិអភិវឌ្ឍន៍សេដ្ឋកិច្ច-សង្គមតំបន់ជនរួមជាតិភាគតិច និងតំបន់ភ្នំ ដំណាក់កាលទី ១ (២០២១-២០២៥) បានខេត្តអនុវត្តធានាបាននូវគោលដៅ និងវឌ្ឍនភាព ។ មកដល់ពេលនេះ បានបើកប្រាក់ជាង ៧៦% នៃដើមទុនសរុបរបស់កម្មវិធី ដោយមានទឹកប្រាក់ជាង ៣៤១ ពាន់លានដុង ។ កម្មវិធីនេះបានអនុវត្តពេញលេញនូវគម្រោងទាំង ១០/១០ ដោយផ្តោតលើការវិនិយោគហេដ្ឋារចនាសម្ព័ន្ធចាំបាច់ ការឧបត្ថម្ភមុខរបរ ការអភិវឌ្ឍវិស័យអប់រំ សុខាភិបាល និងការអភិរក្ស ពង្រីកអត្តសញ្ញាណវប្បធម៌ជនជាតិ ។ បច្ចុប្បន្ន ១០០% ឃុំតំបន់ ជនរួមជាតិភាគតិចរបស់ខេត្ត មានផ្លូវរថយន្តទៅដល់មជ្ឈមណ្ឌលឃុំ។ ជាង ៩០% គ្រួសារប្រជាជនបានប្រើប្រាស់ទឹកស្អាត និងអនាម័យ ហើយគ្រួសារភាគច្រើនបានប្រើប្រាស់បណ្តាញអគ្គិសនីជាតិទៀតផង៕
Hoàng Vũ
