បណ្តាថ្ងៃប្រកៀកបុណ្យ Tết បានមកកាន់ឃុំ Phước Long នាពេលបច្ចុប្បន្ននេះ យើងនឹងមានអារម្មណ៍ថាមានភាពរស់រវើកឡើងវិញនៃសម្រស់ជនបទ។ នៅតាមបណ្តាភូមិស្រុកដែលមានបងប្អូនជនរួមជាតិ Khmer រស់នៅច្រើន និទាឃរដូវឆ្នាំនេះហាក់ដូចជាបានមកដល់មុន និងកក់ក្តៅជាងពេលណាៗទាំងអស់ ដោយសារទម្រង់ជីវភាពជាក់ស្តែង និងមានប្រសិទ្ធភាព ដែលកំពុងជួយបងប្អូនប្រជាជនសម្រាប់អនាគតដ៏សម្បូររុងរឿងរបស់រៀងខ្លួន។
ហ្វូងមាន់កំពុងធំធាត់ល្អ ក៏ជាឱកាសសម្រាប់បងស្រី Quách Thị Búp Pha មានលក្ខណៈឈានឡើងអភិវឌ្ឍន៍សេដ្ឋកិច្ចគ្រួសារផងដែរ។ (ក្នុងរូបថត៖ លោក Nguyễn Văn Bình ប្តីរបស់បងស្រី Pha ថែទាំហ្វូងមាន់)។
ពីមុននេះ នៅភូមិ Vĩnh Lộc គ្រួសារជាច្រើនត្រូវប្រឈមមុខជាមួយភាពក្រីក្រ ដោយសារតែពួកគេខ្វះឯកសារផលិត ពឹងលើតែកម្លាំងពលកម្មស៊ីឈ្នួលសម្រាប់ផ្គត់ផ្គង់ជីវភាពរស់នៅប្រចាំថ្ងៃ ប្រាក់ចំណូលមិននឹងនរ។ ឥឡូវនេះ រូបភាពជីវភាពរស់នៅត្រូវបានលាបពណ៌ដ៏ភ្លឺស្វាង ខណៈពេលដែលជីវភាពមាមីងបងប្អូនរស់នៅមានស្ថិរភាព។ ជំនួសឱ្យវិធីសាស្រ្ត "ជូនត្រី" ដូចកាលពីមុន អង្គការចាត់តាំងដូចជាសមាគមន៍នារី និងសមាគមកសិករ បានផ្តល់ជូនប្រជាជនដោយផ្ទាល់នូវ "ដងសន្ទូច" ជាទម្រេង់នៃការរស់នៅប្រកបដោយប្រសិទ្ធភាព ជួយបង្កើនប្រាក់ចំណូល និងកែលម្អជីវភាពរស់នៅទៀតផង។
គ្រួសារបងស្រី Quách Thị Búp Pha នៅភូមិ Vĩnh Lộc បណ្តាថ្ងៃប្រកៀកបុណ្យតេតនេះ បរិយាកាសក្នុងការពលកម្មមិនចេះហឿយហត់។ ផ្តើមពីគ្រួសារប្រកៀកបន្ទាត់ក្រត្រូវរត់ព្រឹកខ្វះល្ងាច តែសព្វថ្ងៃ គ្រួសារបងស្រីក៏ជាកម្មវិសិទ្ធិលើហ្វូងមាន់ចំនួន ៥០០ ក្បាល ដែលចិញ្ចឹមដោយទទួលបានថវិកាជិត ៣០ លានដុងពីសមាគមនារីឃុំ។ ដោយឃើញមាន់កំពុងធំធាត់ល្អ បងស្រី Pha មិនអាចលាក់នូវក្តីរីករាយរបស់ខ្លួនបានខណៈពេលដែលបងស្រីទូទាត់ប្រាក់ចំណូលដែលទទួលបានក្នុងឱកាសបុណ្យ Tết៖ "ខ្ញុំគិតថានឹងលក់មាន់មួយចំនួនដើម្បីយកដើមទុនមកវិញ ហើយទុកមួយចំនួនទៀតសម្រាប់បន្តពូជ និងភ្ញាស់ពងចិញ្ចឹមជាបន្តបន្ទាប់"។ នេះមិនត្រឹមជាការគណនាអំពីសេដ្ឋកិច្ចនោះទេ ថែមទាំងជាការសាបព្រោះគ្រាប់ពូជសម្រាប់អនាគតឱ្យកាន់តែមានភាពប្រសើរឡើងសម្រាប់គ្រួសារបងស្រីផងដែរ។
ជាអ្នករស់នៅភូមិ Vĩnh Lộc ដូចគ្នា គ្រួសារបងស្រី Lý Thị Val ក៏បានចែករំលែកក្តីសប្បាយនៃជីវភាពរស់នៅដែលមានស្ថិរភាពរបស់ខ្លួនផងដែរ។ ដោយរួមដំណើរការជាមួយសមាគមកសិករឃុំ និងចំនួនដើមទុនដែលទទួលបានការឧបត្ថម្ភដផយទឹក ២៧ ដុង បងស្រី Val បានក្លាហាន អនុវត្តបច្ចេកទេសកសិកម្មតាមការណែនាំ។ អាស្រ័យហេតុនេះហើយទើបហ្វូងជ្រូកឆាប់ធំធាត់ល្អ ជាកម្លាំងចលករសម្រាប់គ្រួសារបងស្រីកំណត់វាសនារបស់ខ្លួនក្នុងការឈានឡើងរួចចាកក្រចីរភាព លុបបំបាត់ភាពអត់ឃ្លាន "រស់នៅទៅណា រកស៊ីទីនោះ" ដូចកាលពីមុនដែរ។
ដោយមានអារម្មណ៍យ៉ាងជាក់ច្បាស់អំពីការរស់នៅក្នុងសម្រាប់ជីវភាពថ្មីរបស់មាមីងបងប្អូន លោក Sơn Minh Điền ប្រធានភូមិ Vĩnh Lộc បានអះអាងថា៖ "ទម្រង់រស់នៅដែលមានការឧបត្ថម្ភបានបង្កើតកម្លាំងចិត្តយ៉ាងធំ ធ្វើឱ្យប្រជាជនកាន់តែមានគំនិតខិតខំរកស៊ី ហើយចំណងមិត្តភាពរវាងភូមិផងរបងជាមួយក្នុងភូមិស្រុកកាន់តែរឹតបន្តឹងថែមទៀត"។
បងស្រី Lý Thị Val ថែទាំជ្រូកបានយ៉ាងល្អត្រឹមត្រូវតាមការណែនាំ អាស្រ័យដូច្នេះហើយទើបហ្វូងជ្រូករបស់គាត់ឆាប់ធំធាត់ល្អ។
លោកស្រី Trương Thanh Xuân ប្រធានគណៈកម្មាធិការរណសិរ្សមាតុភូមិ Việt Nam ឃុំ Phước Long បានមានប្រសាសន៍ថា៖ "ផ្តើមពីទម្រង់ចិញ្ចឹមជ្រូក និងសត្វកញ្ច្រោងននោងរបស់សមាគមកសិករ ព្រមទាំងទម្រង់សមាគមនារី រហូតដល់កិច្ចការងាររបស់សម្ព័ន្ធយុវជនដែលបានផ្តល់ឧបកររកស៊ីសម្រាប់ពលករទាំងឡាយ សុទ្ធសឹងជាគោលដៅដើម្បីជួយគ្រួសារក្រីក្រ ប្រកៀកបន្ទាត់ក្រមានដើមទុន និងឯកសារសម្រាប់បង្កើនការផលិត ផ្លាស់ប្តូរប្រភពប្រាក់ចំណូល។ មាមីងបងប្អូនគ្រប់គ្នាមានភាពសប្បាយរីករាយ និងប្តេជ្ញាចិត្តក្នុងការប្រើប្រាស់ដើមទុនឱ្យបានត្រឹមត្រូវដើម្បីអភិវឌ្ឍសេដ្ឋកិច្ចគ្រួសារ"។
នៅតំបន់ឃុំ Phước Long នាពេលសព្វថ្ងៃនេះ ទម្រង់ផ្គត់ផ្គង់ជីវភាព ទោះបីជាលើកដំបូងមានទ្រង់ទ្រាយធំក៏ដោយ ប៉ុន្តែពិតជាបានដាស់ស្មារតីរបស់បងប្អូនជនរួមជាតិ Khmer ឱ្យក្រោកឈរឡើងជានិច្ច។ បណ្តាពន្លកបៃតងនៃភាពរុងរឿងកំពុងដុះ សន្យាថានិទាឃរដូវកាន់តែសម្បូរបែប ពោរពេញដោយសុភមង្គល ក្តីសប្បាយរីករាយគ្រប់ភូមិស្រុកផងដែរ៕
Đờ Ni - Danh Điệp
