តាមរយៈការផ្សព្វផ្សាយនៅភូមិ និងឃុំ គោលនយោបាយធានារ៉ាប់រងសង្គមដោយស្ម័គ្រចិត្តបានរីករាលដាលឃាសន្សឹមៗនៅតាមតំបន់ដែលមានបងប្អូនជនរួមជាតិភាគតិចរស់នៅច្រើនទូទាំងខេត្ត Cà Mau។ វិធីសាស្រ្តដែលអាចបត់បែនបាន និងបង្កភាពស្និទស្នាលជាមួយ ប្រជាជន បានជួយមនុស្សជាច្រើនផ្លាស់ប្តូរការយល់ឃើញរបស់ខ្លួន និងចូលរួមយ៉ាងសកម្មក្នុងការធានារ៉ាប់រងសង្គមដោយស្ម័គ្រចិត្ត ដើម្បីធានាជីវិតរបស់ពួកគេនៅពេលចាស់ជរា។
រាល់ការផ្សព្វផ្សាយគោលនយោបាយធានារ៉ាប់រងដោយស្ម័គ្រចិត្តបានចាត់តាំងនៅមូលដ្ឋានតាមក្រុមតូចៗជួយឱ្យបងប្អូនជនរួមជាតិភាគតិចងាយស្រួលបានចូលជិតព័ត៌មានលម្អិត។
Cà Mau ជាខេត្តដែលមានជនរួមជាតិភាគតិចរស់នៅច្រើនកុះករ ដែលភាគច្រើនជាជនជាតិខ្មែរ។ យល់ច្បាស់ពីលក្ខណៈដ៏ពិសេសខាងជីវិតរស់នៅ និងទំនៀមទម្លាប់ ប្រពៃណីរបស់បងប្អូនជនរួមជាតិ ទីភ្នាក់ងារធានារ៉ាប់រងសង្គមខេត្ត Cà Mau បញ្ជាការដោយសាខាធានារ៉ាប់រងសង្គមមូលដ្ឋានសហការជាមួយគ្រប់បណ្តាគណៈផ្នែក និងរដ្ឋអំណាចភូមិភាគ រណសិរ្សមាតុភូមិ ព្រមទាំងបណ្តាអង្គការចាត់តាំងនយោបាយ-សង្គម និងអ្នកមានកិត្យានុភាពក្នុងសហគមន៍ ជំរុញខ្លាំងខ្លាការងារផ្សព្វផ្សាយគោលនយោបាយសង្គមស្ម័គ្រចិត្តដោយច្រើនទម្រង់យ៉ាងសមស្រប និងភាពបត់បែន។
ខ្លឹមសារផ្សព្វផ្សាយផ្តោតលើការបញ្ជាក់ពីសារៈសំខាន់នៃទឹកចិត្តមនុស្សធម៌របស់គោលនយោបាយធានារ៉ាប់រងសង្គមដោយស្ម័គ្រចិត្ត និងអត្ថប្រយោជន៍ជាក់ស្តែងនៃការចូលរួម ដូចជាការទទួលបានប្រាក់សោធននិវត្តន៍ប្រចាំខែ និងកាតធានារ៉ាប់រងសុខភាព នៅពេលមានលក្ខណៈគ្រប់គ្រាន់ក្នុងការទទួលបានប្រាក់សោធននិវត្តន៍។ ស្របឱកាសនោះក៏សង្កត់ធ្ងន់លើគោលនយោបាយនៃការឧបត្ថម្ភ និងចូលរួមបង់ប្រាក់របស់រដ្ឋសម្រាប់គ្រួសារក្រ និងប្រកៀកបន្ទាត់ក្រផងដែ។ តាមរយៈនោះ បានជួយបងប្អូនជនរួមជាតិភាគតិចផ្លាស់ប្តូរផ្នត់គំនិតរបស់ខ្លួនជាសន្សឹមៗ មិនទន្ទឹងរង់ចាំ និងពឹងលើជំនួយរបស់រដ្ឋទៀតនោះទេ ផ្ទុយទៅវិញក៏ម្ចាស់ការចូលរួមយ៉ាងសកម្ម ដើម្បីធានាសន្តិសុខសង្គមសម្រាប់ខ្លួនក្នុងពេលចាស់ជរា។
អ្នកមីង Thcahj Thị Hoàng នៅនិគម A1 ឃុំ Hoà Bình បានចែករំលែកថា៖ “បន្ទាប់ពីកម្មាភិបាលនៃសមាគមនារីភូមិភាគបានផ្សព្វផ្សាយ និងដោះស្រាយរាល់បញ្ហាជាក់ស្តែងអំពីអត្ថប្រយោជន៍នៃការចូលរួម ជាពិសេសខណៈដែលបានទទួលប្រាក់ចូលនិវត្តន៍ និងប័ណ្ណធានារ៉ាប់រងសុខភាព ការរស់នៅរបស់ខ្ញុំមិនអាស្រ័យលើកូនចៅទៀតនោះទេ ខ្ញុំមានអារម្មណ៍ធូរស្រាលយ៉ាងខ្លាំង ហើយសម្រេចចិត្តចូលរួមរហូតមកដល់ពេលនេះបានជាង ៤ ឆ្នាំមកហើយ”។
ស្រដៀងគ្នានេះដែរ អ្នកមីង Nguyễn Thị Nguyệt នៅភូមិ Đường Đào ឃុំ Hồ Thị Kỷ បាននិយាយប្រាប់ថា៖ “ដំបូងឡើយ ខ្ញុំពិតជាស្ទាក់ស្ទើរខ្លាំងណាស់ ព្រោះខ្ញុំខ្លាចថាខ្ញុំនឹងមិនអាចមានលទ្ធភាពបង់វិភាគទានរយៈពេលវែងបានទេ។ ប៉ុន្តែដោយមានការគាំទ្រផ្នែកហិរញ្ញវត្ថុរបស់រដ្ឋ និងការណែនាំយ៉ាងច្បាស់លាស់ពីកម្មាភិបាលធានារ៉ាប់រងសង្គមលើកម្រិតនីមួយៗ និងអត្ថប្រយោជន៍ ខ្ញុំបានចូលរួមប្រកបដោយទំនុកចិត្ត ហើយបានធ្វើដូច្នេះអស់រយៈពេលជាង ៥ ឆ្នាំមកហើយដែរ។ ក្រៅពីនេះ ខ្ញុំក៏បានជំរុញទឹកចិត្តសាច់ញាតិបងប្អូន និងអ្នកជិតខាងក្នុងភូមិឱ្យចូលរួមផងដែរ ដើម្បីឱ្យពួកគេអាចទទួលបានប្រាក់សោធននិវត្តន៍”។
កម្មាភិបាលធានារ៉ាប់រងសង្គមបានចុះទៅផ្ទាល់ដើម្បីបកស្រាយរាល់ជំងាល់ទាំងឡាយរបស់បងប្អូនប្រជាជននៅឃុំ Khánh Hưng ស្តីពីគោលនយោបាយធានារ៉ាប់រងសង្គមដោយស្ម័គ្រចិត្តនៅពិធីផ្សព្វផ្សាយ។
ផ្តើមពីគ្រួសារដែលចូលរួមដំបូងទាំងនេះ គោលនយោបាយធានារ៉ាប់រងសង្គមដោយស្ម័គ្រចិត្តកំពុងរីករាលដាលកាន់តែខ្លាំងឡើងក្នុងចំណោមសហគមន៍ជនជាតិភាគតិច។ យោងតាមការធានារ៉ាប់រងសង្គមខេត្ត Cà Mau នៅចុងឆ្នាំ ២០២៥ ទូទាំងខេត្តនឹងមានប្រជាជនប្រមាណជាង ៧៤.២០០ នាក់ចូលរួមក្នុងធានារ៉ាប់រងសង្គមដោយស្ម័គ្រចិត្ត ដែលជាការកើនឡើងជាង ១៨.៥០០ នាក់បើប្រៀបនឹងឆ្នាំ ២០២៤ ដោយសម្រេចបាន ១០០% នៃផែនការដែលបានកំណត់ដោយធានារ៉ាប់រងសង្គម Việt Nam។ ក្នុងនោះមាន ៤១៥ នាក់ជាជនជាតិភាគតិចបានចូលរួមផងដែរ។
លោក Lê Hồng Cường នាយកធានារ៉ាប់រងសង្គមខេត្ត Cà Mau បានមានប្រសាសន៍ថា៖ ដើម្បីសម្រេចបានលទ្ធផលដូចខាងលើ ផ្នែកខាងធានារ៉ាប់រងសង្គមខេត្តបានផ្តោតលើការច្នៃប្រតិដ្ឋវិធីសាស្រ្តនៃការផ្សព្វផ្សាយតាមទិសដៅចូលជិត និងស្និទ្ធជាមួយប្រជាជន ដើម្បីបកស្រាយឱ្យបានច្បាស់លាស់ ងាយយល់សម្រាប់មាមីងបងប្អូន។ ខណៈពេលដែលបងប្អូនជនរួមជាតិយល់បានច្បាស់ពីអត្ថប្រយោជន៍ដ៏យូរអង្វែងរបស់គោលនយោបាយ និងការចលនាក្លាយជាភាពងាយស្រួលប្រសើរជាង។
នាពេលខាងមុខ មន្ទីរធានារ៉ាប់រងសង្គមខេត្ត Cà Mau នឹងបន្តសម្របសម្រួលជាមួយបណ្តាភូមិភាគ រាល់បណ្តាគណៈផ្នែក និងអង្គការជាទូទៅ ដើម្បីធ្វើពិពិធកម្មវិធីសាស្រ្តក្នុងការផ្សព្វផ្សាយ និងបង្កលក្ខណៈងាយស្រួលបំផុតសម្រាប់បងប្អូនជនរួមជាតិភាគតិចបានចូលរួមការធានារ៉ាប់រងសង្គមដោយស្ម័គ្រចិត្ត រួមចំណែកដល់ការធានាសន្តិសុខសង្គម និងពង្រីកស្មារតី "មិនទុកនរណាម្នាក់ចោល"៕
Cẩm Nhi
