អាស្រ័យការតាំងចិត្ត និងការទទួលខុសត្រូវ ព្រមទាំងគុណសម្បត្តិនិយាយស្តី និងវប្បធម៌ អ្នកស្រី Nguyễn Thu Hà ប្រធានគណៈកម្មាធិការរណសិរ្សភូមិ និងជាប្រធានសមាគមនារីភូមិ Trèm Trẹm ឃុំ Hồng Dân បានក្លាយជា "ស្ពានតភ្ជាប់" ដ៏រឹងមាំរវាងបក្ស និងប្រជាជន រួមចំណែកផ្លាស់ប្តូរមុខមាត់នៃតំបន់ជនបទដែលជួបលំបាកខ្លាំង។
អ្នកស្រី Nguyễn Thu Hà ជូនអង្ករដល់អ្នកក្រីក្រ។
កើតនិងធំដឹងក្តីក្នុងត្រកូលគ្រួសារដែលមានម្តាយជាជនជាតិ Khmer និងឪពុកជាជនជាតិ Kinh អ្នកស្រី Nguyễn Hhu Hà មានគុណសម្បត្តិនៃភាពស្ទាត់ជំនាញទាំងភាសា និងយល់ដឹងបានយ៉ាងច្បាស់លាស់ពីទំនៀមទម្លាប់ និងប្រពៃណីរបស់ជនជាតិទាំងពីរផងដែរ។ អាស្រ័យបែបនេះហើយ ក៏បានជួយឱ្យអ្នកស្រីលុបបំបាត់គម្លាតក្នុងការចូលជិត និងការចលនាមាមីងបងប្អូនទៀតផង។
ក្នុងកិច្ចប្រជុំសាខា ឬនៅពេលដែលបានទៅតាមគ្រួសារនីមួយៗសម្រាប់ការឃោសនាផ្សព្វផ្សាយ អ្នកស្រី ហា តែងរួមបញ្ចូលភាសា Khmer ដើម្បីបកស្រាយយ៉ាងហ្មត់ចត់អំពីគោលការណ៍ណែនាំរបស់បក្ស និងគោលនយោបាយ ក្រឹត្យច្បាប់របស់រដ្ឋផងដែរ។ អាស្រ័យយល់ពិវិធីសាស្ត្រក្នុងការនិយាយស្តី ងាយស្រួលទាក់ទង ងាយយល់ និងងាយធ្វើតាមផងនោះ អ្នកស្រីបានបង្រួបបង្រួមប្រជាជនគ្រប់ជនជាតិឱ្យចូលរួមយ៉ាងសកម្មចំពោះប្រពៃណីប្រឡងប្រណាំងស្នេហាជាតិ និងរាល់បណ្តាទម្រង់ផ្សេងៗដែលត្រូវបានសមាគមសមហព័ន្ធនារីផ្តើមបំផុសចលនា។
អ្នកស្រី ហា បានចែករំលែកដោយក្តីរីករាយថា៖ “បច្ចុប្បន្ន ជីវភាពរស់នៅរបស់បងប្អូនប្រជាជនក្នុងភូមិ Trèm Trẹm មានស្ថិរភាពជាងពេលមុនច្រើន ហើយមាមីងបងប្អូនម្នាក់ៗតែងសប្បាយរិករាយខណៈពេលដែលជីវភាពមានការផ្លាស់ប្តូរជាវិជ្ជមាន។ រហូតមកទល់បច្ចុប្បន្ន ទូទាំងភូមិមានគ្រួសារក្រីក្រត្រឹមតែ ១ គ្រួសារប៉ុណ្ណោះ”។
មិនត្រឹមតែការផ្សព្វផ្សាយ និងបំផុសប្រពៃណីចលនាបុណ្ណោះទេ អ្នកស្រី Hà ថែមទាំងត្រូវបានអ្នកផងស្គាល់ថាជាបក្ខជនមួយរូប និងជាកម្មាភិបាលមូលដ្ឋានដែលមនាការចូលរួមយ៉ាងសកម្មសម្រាប់ការអភិវឌ្ឍរបស់ភូមិស្រុក។ ចាប់តាំងពីឆ្នាំ ២០១៦ រហូតមកទល់សព្វថ្ងៃនេះ អ្នកស្រីតែងម្ចាស់ការសហការ ឆ្លៀតឱកាសក្នុងការជំនួយឧបត្ថម្ភដែលផ្តើមសប្បុរសជនដោយទឹកប្រាក់រាប់ពាន់លានដុងសម្រាប់ភូមិភាគ។ ផ្តើមពីប្រភពនៃគារចលនា បណ្តាស្ពានជាច្រើនខ្សែ និងដងផ្លូវជនបទ ព្រមទាំងផ្ទះមេត្តាធម៌ក៏ត្រូវបានសាងសង់ រួមទាំងអំណោយជាច្រើនចំណែកសម្រាប់ផ្តល់ជូនមាមីងបងប្អូនដែលជួបលំបាកក្នុងឱកាសបុណ្យទានផងដែរ។ ក្រៅពីនោះថែមទាំងមានជូនរទេះរុញសម្រាប់ជនពិការ និងកង់សម្រាប់សិស្សក្រីក្រផងដែរ។
“ពីមុនខ្ញុំរស់នៅក្នុងផ្ទះប្រក់ស្លឹកដែលទ្រុឌទ្រោម ហើយរាល់ពេលភ្លៀងធំធ្លាក់ម្តងៗ ឬមានខ្យល់បក់ខ្លាំង ខ្ញុំមិនអាចគេងលក់នោះទេ។ តែអាស្រ័យបានអ្នកស្រី Hà ផ្តើមចលនាទឹកចិត្តសប្បុរសជំនួយឧបត្ថម្ភសង់ផ្ទះមេត្តាធម៌មួយខ្នង ឥឡូវខ្ញុំក៏មានផ្ទះយ៉ាងធំទូលាយស្អាតសម្រាប់ស្នាក់នៅផងដែរ ពោលគឺមិនចាំបាច់ភ័យខ្លាចព្យុះភ្លៀងដូចកាលពីមុនទៀតនោះទេ” លោក Nguyễn Hùng Sơn (អាយុ ៧០) មានប្រសាសន៍បែបនេះ។
អ្នកីស្រី Nguyễn Thu Hà នៅក្នុងកិច្ចប្រជុំសាខាសមាគម។
វាយតម្លៃអំពីអ្នកស្រី Nguyễn Thu Hà ក្នុងតួនាទីជាបក្ខជនមួយរូប លោក Danh Ngoan លេខាធិការសាខាបក្សភូមិ Trèm Trẹm បានមានប្រសាសន៍ថា៖ “អ្នកស្រី Nguyễn Thu Hà ជាអ្នកមានប្រៀបដោយសារស្ទាត់ជំនាញជាពីរភាសា ដូច្នេះហើយទើបមានភាពងាយស្រួលក្នុងការទាក់ទង និងចលនាបងប្អូនជនរួមជាតិ Khmer។ តែសំខាន់បំផុត ប្រការដែលញាំងឱ្យខ្លួនមានកិត្យានុភាព គឺកង្វាល់ និងការប្តេជ្ញាចិត្តមានចំពោះមហាជនផងដែរ។ ពិសេស លទ្ធផលផ្តើមពីការងារសុខុមាលភាពសង្គមរបស់អ្នកស្រី ដូចជាការសាងសង់ស្ពាន ផ្លូវថ្នល់ និងផ្ទះសម្បែងជាដើម គឺជាភស្តុតាងសម្រាប់សមត្ថភាពរបស់អ្នកស្រីចំពោះកិច្ចការងារនៅភូមិភាគ”។
ថ្វីត្បិតតែក្នុងដំណើរការសកម្មភាពអស់រយៈពេលជាង ២០ ឆ្នាំក៏ដោយ អ្នកស្រី Hà ត្រូវបានគ្រប់បណ្តាថ្នាក់លើកសរសើរ តែភាពសប្បាយរីករីយជាងគេសម្រាប់បក្ខជនរូបនេះគឺបានឃើញនូវសម្រស់ទិដ្ឋភាពនៃតំបន់ជនបទដែលជាភូមិភាគរបស់ខ្លួនកំពុងរស់នៅមានការផ្លាស់ប្តូរ ជីវភាពបងប្អូនបណ្តាជនរួមជាតិបានសុខក្សេមក្សាន្ត ព្រមទាំងរឹតបន្តឹងចំណងសមាគ្គី រួមកម្លាំងគ្នាញំាងឱ្យសេដ្ឋកិច្ចឥសង្គមរបស់ភូមិភាគកាន់តែមានការអភិវឌ្ឍពីមួយថ្ងៃទៅមួយថ្ងៃ៕
Thanh Hải - Hoàng Đăng
