ដោយប្រើប្រាស់វត្ថុធាតុដើមកសិកម្មដែលធ្លាប់ស្គាល់ក្នុងការផលិត បង Lê Công Đoàn និងបង Phạm Chí Nguyện នៅភូមិ Nhà Máy ឃុំ Khánh Hưng បានក្លាហានបង្កើតទម្រង់ដាំផ្សិតចំបើង។ ទម្រេង់នេះមិនត្រឹមតែប្រើប្រាស់ធនធានដែលមានយ៉ាងងាយស្រួលប៉ុណ្ណោះទេ ថែមទាំងបង្កើតប្រាក់ចំណូលយ៉ាងសមគួរជាមួយនឹងផលចំណេញរហ័សពីការវិនិយោគផងដែរ។
បង Phạm Chí Nguyện (អាវស) រួមជាមួយសមាជិកគ្រួសារនាំគ្នាប្រមូលផ្សិតចំបើង។ ទម្រង់នេះមាននាពេលសព្វថ្ងៃមានទាំងអស់ ១៤០ រង រាល់ថ្ងៃប្រមូលផលបានប្រហែល ៤០ គីឡូក្រាម។
បណ្តាថ្ងៃនេះ នៅតំបន់ដាំផ្សិតរបស់បង Lê Công Đoàn និងង Phạm Chí Nguyện កំពុងរវល់ថែទាំ និងប្រមូលផលផ្សិត។ បច្ចុប្បន្នទម្រង់នេះមានផ្សិតប្រហែល ១៤០ រង។ បន្ទាប់ពីការថែទាំអស់រយៈពេលជាង ១ខែ ផ្សិតចាប់ផ្តើមផ្តល់ផល។ ជារៀងរាល់ថ្ងៃ ពួកគាត់ប្រមូលផលផ្សិតចំបើងបានប្រហែល ៤០ គីឡូក្រាម លក់បានប្រហែល ៨០ ពាន់ដុង/គីឡូក្រាម ស្មើនឹងប្រាក់ចំណូលប្រចាំថ្ងៃប្រហែល ៣,២ លានដុង។
យោងតាមបង Lê Công Đoàn គន្លឹះសំខាន់ក្នុងការដាំផ្សិតចំបើងគឺការធ្វើជាម្ចាស់លើបច្ចេកទេស និងចំណាយពេលវេលាតាមដានជាប្រចាំ។ ផ្សិតលូតលាស់លឿន ដូច្នេះលក្ខខណៈនៃសីតុណ្ហភាព និងសំណើមមិនសមស្របអាចប៉ះពាល់យ៉ាងខ្លាំងដល់ទិន្នផលរបស់វាផងដែរ។
«ការដាំផ្សិតទាមទារការពិនិត្យជារៀងរាល់ថ្ងៃ។ ប្រសិនបើអ្នកឃើញថាផ្សិតមិនលូតលាស់ល្អ អ្នកត្រូវតែដោះស្រាយបញ្ហានេះភ្លាមៗ។ គុណសម្បត្តិគឺថាពេលវេលាចាប់ពីការចាប់ផ្តើមរហូតដល់ការប្រមូលផលមិនយូរពេកទេ។ យើងនឹងអាចទទួលបានមកវិញនូវការវិនិយោគរបស់ខ្លួនក្នុងរយៈពេលប្រហែល ២ ថ្ងៃ ហើយរកបានប្រាក់ចំណេញនៅថ្ងៃទីបី» បង Lê Công Đoàn ចែករំលែក។
ផ្សិតលូតលាស់ល្អ បានបញ្ជាក់ពីប្រសិទ្ធភាពជំហានដំបូងនៃទម្រង់ដាំផ្សិតនៅភូមិ Nhà Máy B ឃុំ Khánh Hưng។
ចំនុចដែលគួរឱ្យកត់សម្គាល់មួយនៃទម្រង់នេះគឺ ពេលវេលាដាំមានរយៈពេលខ្លី។ បន្ទាប់ពីប្រហែល ១ ខែ ផ្សិតចាប់ផ្តើមផ្តល់ទិន្នផល ជួយឱ្យអ្នកដាំទទួលបានដើមទុន យ៉ាងឆាប់រហ័ស និងវិនិយោគសម្រាប់រដូវថ្មីផងដែរ។ ទម្រង់ដាំផ្សិតចំបើងមិនតម្រូវឱ្យមានផ្ទៃដីធំនោះទេ។ វត្ថុធាតុសំខាន់គឺចំបើង និងកម្លាំងពលកម្ម ដែលធ្វើឱ្យវាសមស្របសម្រាប់លក្ខណៈផលិតរបស់គ្រួសារនៅតាមតំបន់ជនបទជាច្រើនទៀតផង។
បង Phạm Chí Nguyện បានឱ្យដឹង៖ «ក្តីបារម្ភធំបំផុតរបស់ខ្ញុំគឺការរក្សាបរិមាណផល និងទីផ្សារមានស្ថេរភាព។ ប្រសិនបើតម្លៃលក់នៅតែល្អ ការដាំផ្សិតអាចផ្តល់ឱ្យគ្រួសារខ្ញុំនូវប្រាក់ចំណូលបន្ថែមយ៉ាងច្រើនផងដែរ»។
បង Phạm Chí Nguyện ពិនិត្យ និងដកផ្សិតចំបើងលើកណ្តាប់ចំបើងមូរនៅចម្ការរបស់ខ្លួន។
ទោះជាយ៉ាងណាក៏ដោយ នេះគឺជាប្រាក់ចំណូលអាចរកបាន មិនមែនប្រាក់ចំណេញទេ ព្រោះអ្នកដាំត្រូវតែគិតគូរពីការចំណាយដូចជាវត្ថុធាតុដើម គ្រាប់ពូជ កម្លាំងពលកម្ម និងការចំណាយផលិតផ្សេងទៀត។ ក្នុងផលិតកម្មកសិកម្ម ប្រសិទ្ធភាពមិនត្រឹមតែស្ថិតនៅក្នុងការបង្កើនផ្ទៃដីដាំដុះប៉ុណ្ណោះទេ ថែមទាំងស្ថិតនៅក្នុងរបៀបដែលមនុស្សប្រើប្រាស់ធនធានដែលមានស្រាប់ ជ្រើសរើសដំណាំសមស្រប និងកាត់បន្ថយពេលវេលានៃការផ្លាស់ប្តូរដើមទុនផងដែរ។ទម្រង់របស់បង Đoàn និងបង Nguyện គឺជាឧទាហរណ៍ដ៏សំខាន់មួយនៃរឿងនេះ។
ផ្តើមពីចំបើង ដែលជាផលិតផលរងធ្លាប់ស្គាល់នៅតាមវាលស្រែ កសិករបានបង្វែងវាឱ្យទៅជាផលិតផលដ៏មានតម្លៃ បង្កើតប្រាក់ចំណូលបន្ថែម និងបើកផ្លូវជាក់ស្តែងសម្រាប់ការអភិវឌ្ឍសេដ្ឋកិច្ចទៀតផង៕
Vũ Linh
