មានឱកាសបានទៅទស្សនាតាមបណ្តាខេត្តនៃតំបន់ដែនដីសណ្ដទន្លេមេគង្គ ក្នុងចំណោមនំ និងអាហារសម្រន់ចម្រុះពណ៌ដែលរាប់មិនអស់ផងនោះ អ្នកនឹងបានជួបប្រទះនឹងបង្អែមដ៏សាមញ្ញ ប៉ុន្តែមានភាពទាក់ទាញចម្លែកមួយ៖ នំបំពង់ស្លឹកច័ន្ទ។ ទោះបីជាមិនមានលក្ខណៈស្មុគស្មាញក៏ដោយ នំនេះក៏បានភ្ជាប់ដោយវប្បធម៌ និងស្នាដៃដ៏ប៉ិនប្រសព្វរបស់សហគមន៍ Khmer Nam Bộ ផងដែរ។
នំបំពង់ត្រូវញុំាទាំងនៅក្តៅៗទើបមានរសជាតិឆ្ងាញ់ ដោយអាស្រ័យទឹកខ្ទិះដូងដ៏ក្រអូបឆ្ងុយជាមួយម្សៅអង្កររួមផ្សំនឹងស្លឹកច័ន្ទផងដែរ។
ដែលត្រូវបានគេហៅថា នំបំពង់ ពីព្រោះវាត្រូវបានធ្វើឡើងក្នុងបំពង់ឫស្សី (សព្វថ្ងៃនេះ ត្រូវបានផ្លាស់ជាបំពង់ដែកអ៊ីណុកទីវិញ) ក្នុងបំពង់មានចង្កឹះវែងមួយភ្ជាប់ទៅនឹងនំសម្រាប់យកនាំចេញក្រៅ។ គ្រឿងផ្សំរួមមាន៖ ម្សៅអង្ករ ស្ករ ស្លឹកច័ន្ទ និងខ្ទិះដូង។ ដើម្បីធ្វើបាននំដ៏ឈ្ងុយឆ្ងាញ់ ម្សៅត្រូវតែធ្វើពីអង្ករស្អិតក្រអូប កិនឱ្យល្អិតលាយជាមួយស្ករ និងទឹកខ្ទិះដូង ដើម្បីទទួលបានភាពស៊ីសង្វាក់គ្នាដែលមិនផ្អែមពេក ហើយទន់ និងមហ្មត់ខៃ។ អ្នកធ្វើនំប្រញាប់បញ្ចូលម្សៅទៅក្នុងបំពង់យ៉ាងដើម្បីចំហុយឱ្យឆ្អិនទាំងទឹកក្តៅកំពុងពុះនៅខាងក្រោម។ បន្ទាប់ពី ២-៣ នាទី នំក៏ឆ្អិន អ្នកធ្វើនំត្រូវរហ័សដៃហូតចង្កឹះចេញដើម្បីយកនំចេញដាក់លើស្លឹកចេក។ រសក្លិននៃទឹកខ្ទិះដូង និងស្កឹកច័ន្ទបក់រភើយៗគួរឱ្យចង់ញុំា។ ពីព្រោះ មានតំបន់ខ្លះទៀតថែមទាំងហៅនំនេះថានំស្កឹកច័ន្ទ ដោយសារមានក្លិនក្រអូបស្លឹកច័ន្ទ។ នំពិសាររួមជាមួយខ្ទិះដូង រួមទាំងល្ងឬក៏សណ្តែកដី។
កោសដូង រែងម្សៅ ជាតំណាក់កាលដ៏សំខាន់សម្រាប់ក្នុងការធ្វើនំឱ្យមានរសជាតិឆ្ងាញ់ពិសារ។
នំបំពង់ញុំានៅក្តៅៗទើបមានរសជាតិឆ្ងាញ់ និងក្រេបរសជាតិអំពីគុណភាពរស់វា។ កាន់នំបំពង់ក្នុងដៃដែលកំពុងនៅក្តៅវេចជាមួយស្លឹកចេក ខាំមួយម៉ាត់អាចនឹងមានអារម្មណ៍យ៉ាងច្បាស់អំពីភាពសម្បូរបែបនៃទឹកខ្ទិះដូង ក្លិនក្រអូបរបស់អង្ករ និងស្លឹកច័ន្ទ។
ពុម្ពសម្រាប់ធ្វើនំនាពេលសព្វថ្ងៃនេះត្រូវបានធ្វើឡើងដោយដែកអ៊ីណុកចំណុះឱ្យបំពង់ប្ញស្សីតាមបែបប្រពៃណី។
ជាមួយនឹងគ្រឿងផ្សំដែលអាចរកបានយ៉ាងងាយស្រួល សាមញ្ញ និងបែបស្រុកស្រែសុទ្ធសាត នំបំពង់ស្លឹកច័ន្ទបានក្លាយជាអនុស្សាវរីយ៍ដ៏មានតម្លៃផងដែរសម្រាប់អ្នកដែលនៅឆ្ងាយស្រុក ឬក៏ភ្ញៀវទេសចរដែលធ្លាប់បានភ្លក់រសជាតិរបស់នំប្រៀបបានដូចជាបញ្ចេញនូវក្តីស្រឡាញ់ដ៏រាក់ទាក់របស់បងប្អូនជនរួមជាតិ Khmer Nam Bộ។ ទោះបីជាជីវភាពរស់នៅសព្វថ្ងៃសម្បូរដោយនំជាច្រើនប្រភេទដែលប្លែកៗក៏ពិតមែន នំបំពង់ស្លឹកច័ន្ទនៅតែរក្សាបានភាពដើមយ៉ាងឆ្ងុយឆ្ងាញ់ និងមានសភាពសាមញ្ញហាក់បីដូចជារំលឹកដាស់តឿនយើងរាល់គ្នាអំពីតម្លៃប្រពៃណីដែលត្រូវបានថែរក្សាពីមួយជំនាន់ទៅមួយជំនាន់ផងដែរ៕
Danh Nguyên
