បន្ទាប់ពីបានរួមបញ្ចូលគ្នា ខេត្ត Cà Mau បន្តអនុវត្តគោលនយោបាយនៃការអភិរក្ស និងពង្រីកតម្លៃវប្បធម៌ប្រពៃណីដ៏ល្អផូរផង់របស់សហគមន៍បណ្តាជនជាតិភាគតិចដែលរស់នៅលើភូមិសាស្ត្រខេត្ត ក្នុងនោះមានជនរួមជាតិ Khmer ជាដើម។ នេះមិនត្រឹមតែពង្រឹង និងពង្រីកអត្តសញ្ញាណជនជាតិប៉ុណ្ណោះទេ ថែមទាំងភ្ជាប់វាទៅនឹងការអភិវឌ្ឍទេសចរណ៍ផងដែរ។
សិល្បៈយូកេ Khmer ត្រូវបានទទួលស្គាល់ជាបេតិកភណ្ឌវប្បធម៌អរូបីថ្នាក់ជាតិ។
រយៈពេលកន្លង បណ្តាភូមិភាគទាំងឡាយបានផ្តោតលើការអភិរក្ស និងពង្រីកតម្លៃវប្បធម៌ប្រពៃណីដ៏ល្អផូរផង់របស់ជនរួមជាតិ Khmer ដោយផ្សារភ្ជាប់ជាមួយនឹងការអភិវឌ្ឍទេសចរណ៍វប្បធម៌ និងសហគមន៍ ព្រមទាំងបណ្តាទម្រង់ជាច្រើនដែលសមស្របទៅនឹងតំបន់ភុមិស្រុកនីមួយៗទៀតផង។ តាមរយៈនោះ បណ្តាទម្រង់ទេសចរណ៍សហគមន៍ ភូមិរបរប្រពៃណី ពិធីបុណ្យកំសាន្ត បុណ្យអកអំបុក - ប្រណាំងទូក.ង ព្រមទាំងបុណ្យចូលឆ្នាំថ្មីប្រពៃណី និងស្ថាបត្យកម្មវត្តអារាម Khmer ជាដើម កំពុងត្រូវបានជំរុញឱ្យមានការរុករក និងផ្សព្វផ្សាយ ដើម្បីបង្កើនការរស់នៅបន្ថែម រួមចំណែកដល់ការអភិរក្សអត្តសញ្ញាណវប្បធម៌ជនជាតិក្នុងសម័យទំនើប។
គណៈកម្មាធិការប្រជាជនខេត្ត Cà Mau ទើបបានចេញផែនការដើម្បីអនុវត្តយុទ្ធសាស្ត្រកិច្ចការជនជាតិសម្រាប់ដំណាក់កាល ២០២១-២០៣០ ជាមួយនឹងចក្ខុវិស័យដល់ឆ្នាំ ២០៤៥។ ដូច្នេះហើយ គណៈកម្មាធិការប្រជាជនខេត្តក៏ប្រគល់ឱ្យទៅមន្ទីរវប្បធម៌ កីឡា និងទេសចរណ៍ជាអ្នកទទួលបន្ទុករាល់កិច្ចការងារដែលពាក់ព័ន្ធដល់ការអភិរក្ស និងពង្រីកតម្លៃវប្បធម៌ប្រពៃណីរបស់ជនជាតិភាគតិចនិយាយរួម និងជនរួមជាតិ Khmer និយាយដោយឡែក ព្រមទាំងវិនិយោគធ្វើឱ្យកាន់តែប្រសើរឡើងសម្រាប់ខាងវិស័យវប្បធម៌ និងកីឡានៅភូមិភាគ។ រៀបចំសកម្មភាពវប្បធម៌ សិល្បៈ និងកីឡា ដើម្បីរួមចំណែកដល់ការកែលម្អជីវិតខាងវិញ្ញាណរបស់បងប្អូនប្រជាជន។ ផ្តើមពីនោះ មន្ទីរក៏បានផ្តោតលើការអភិវឌ្ឍទេសចរណ៍វប្បធម៌ និងទេសចរណ៍សហគមន៍ផ្សារភ្ជាប់ជាមួយការអភិរក្សអត្តសញ្ញាណវប្បធម៌ជនជាតិ ដោយទាញយកសក្តានុពល និងចំណុចខ្លាំងខាងវិស័យវប្បធម៌ ដើម្បីបម្រើដល់ការអភិវឌ្ឍសេដ្ឋកិច្ច-សង្គមគ្រប់តំបន់នីមួយៗ។
អាស្រ័យលើការកំណត់ទិសដៅបានច្បាស់លាស់ ខេត្ត Cà Mau បន្តផ្តល់អាទិភាពលើការវិនិយោគហេដ្ឋារចនាសម្ព័ន្ធ និងអភិវឌ្ឍផលិត ដែលផ្សារភ្ជាប់ជាមួយនឹងការអភិរក្សវប្បធម៌ រួមផ្សំជាមួយនឹងការបង្កើនទំនាក់ទំនង លើកកម្ពស់ចំណេះដឹង ព្រមទាំងពង្រឹងផែនមហាសាមគ្គីទូទាំងជនជាតិ។
ប៉ុន្មានឆ្នាំកន្លង បក្សនិងរដ្ឋតែងយកចិត្តទុកដាក់ដល់ការអភិរក្ស និងពង្រីកតម្លៃវប្បធម៌ប្រពៃណីដ៏ល្អផូរផង់របស់បងប្អូន Khmer។ (ក្នុងរូបថត៖ លោក Nguyễn Minh Luân សមាជិកអាចិន្ត្រៃយ៍នៃគណៈកម្មាធិការបក្សខេត្ត អនុប្រធានគណៈកម្មាធិការប្រជាជនខេត្ត Cà Mau (ទី ៣ គិតពីស្តាំ) អញ្ជើញទៅពិនិត្យទូក.ងវត្តសិរីមង្គល ជ្រុងខ្មែរ (Rạch Giồng) ឃុំ Hồ Thị Kỷ ដែលខេត្តបានជំនួយថវិកាបោះថ្មីកាលពីឆ្នាំ ២០២៤)។
វប្បធម៌ជនជាតិ Khmer មានភាពសម្បូរបែប និងងាយស្រួលសម្គាល់តាមរយៈបណ្តាពិធីបុណ្យ ទានប្រពៃណីដ៏ពិសេសដោយឡែក។ សម្រាប់វិស័យផ្សេងទៀតក៏មានការអភិវឌ្ឍយ៉ាងសកម្មផងដែរ រួមទាំងសិល្បៈចំរៀង របាំ និងការសម្តែងតន្ត្រីពិណពាទ្យ ល្ខោនយូកេជាដើម បាននិងកំពុងបានផ្នែកខមត្ថកិច្ចពាក់ព័ន្ធយកចិត្តទុកដាក់។
សម្រាប់ជនរួមជាតិ Khmer គ្រប់បណ្តាប្រភេទខាងវិស័យវប្បធម៌ដូចបានពោលខាងលើ មិនត្រឹមឆ្លុះបញ្ចាំងពីខ្សែជីវិតខាងវិញ្ញាណដ៏សម្បូរបែបរបស់ខ្លួនប៉ុណ្ណោះទេ ថែមទាំងជាផលិតផលទេសចរណ៍ដ៏ពិសេសផងដែរ ដែលបំពាក់ដោយពីស្មារតីនៃចិត្តបុណ្យ និងការអាណិតអាសូរ ព្រមទាំងការផ្សារភ្ជាប់រវាង សហគមន៍របស់បងប្អូនជនរួមជាតិ Khmer Nam Bộ ទៀតផង៕
Chanh Đa
