ក្រុមសិល្បៈ Khmer ខេត្តកំពុងសកម្មក្នុងការហាត់សម និងរៀបរៀងកម្មវិធីសម្តែងដ៏ល្អវិសេសដើម្បីឆ្លើយតបតម្រូវការខាងវិស័យវប្បធម៌ និងស្មារតីរបស់ប្រជាជន ជាពិសេសនៅតាមតំបន់ដែលមានបងប្អូនជនរួមជាតិរស់នៅច្រើនកុះករក្នុងឱកាសបុណ្យចូលឆ្នាំថ្មី ប្រពៃណី Khmer ឆ្នាំ២០២៦។
ជាមួយការរៀបយ៉ាងល្អិតល្អន់ និងមានឆន្ទៈដ៏មោះមុតរបស់សិល្បករ សិល្បការិនីនៃក្រុមសិល្បៈ Khmer សន្យាថានឹងនាំមកនូវទស្សនីភាពដ៏ចំណាប់អារម្មណ៍ជូនបងប្អូន Khmer ក្នុងថ្ងៃបុណ្យចូលឆ្នាំប្រពៃណីជាក់ជាមិនខាន។
ចាប់ពីព្រឹករហូតដល់ល្ងាច សិល្បករ សិល្បការិនីទាំងឡាយតែងខិតខំហ្វឹកហាត់តាំងពីកាយវិការរាំរបាំ ទំនុកច្រៀង និងចង្វាក់ស្គរយ៉ាងយកចិត្តទុកដាក់ ដើម្បីធានាបាននូវភាពល្អឥតខ្ចោះ ដូច្នេះការសម្តែងនីមួយៗមិនត្រឹមតែជាប្រភពនៃការរីករាយខាងវិញ្ញាណសម្រាប់សហគមន៍ប៉ុណ្ណោះទេ ថែមទាំងរក្សានូវតម្លៃវប្បធម៌ប្រពៃណីបុរាណរបស់ Khmer ទៀតផង។
លោក Danh Văn Nhỏ អនុប្រធានក្រុមសិល្បៈ Khmer ខេត្ត បានមានប្រសាសន៍ថា៖ “ឆ្នាំនេះ កម្មគ្រប់វិធីត្រូវបានរៀបចំយ៉ាងល្អិតល្អន់ ដោយមានឆាកឈុតប្លែកៗនិងសម្បូរបែបជាច្រើន។ ក្រុមក៏បានឡើងគម្រោងការនឹងចេញទៅសម្តែងនៅច្រើនកន្លែជាងឆ្នាំមុនៗផងដែរ។ តាមគម្រោងការនឹងមានចំនួន ១៥ កន្លែង ដោយបើកទូលាយនៅតាមគ្រប់បណ្តាវត្តប្រចាំខេត្ត Bạc Liêu ទៀតផង។ ក្រុមយើងខ្ញុំបានកសាងចំនួន ១០ កម្មវិធី មានដូចជា៖ របាំបុរាណ របាំប្រជាប្រិយ Khmer ចម្រៀងចម្រុះ និងល្ខោនយីីកេ រឿង “ការពារមាតុភូមិ”។ ក្នុងនោះ មាន ៥ ឈុតរនឹងបន្តសម្តែងដើម្បីបម្រើផ្នែកខាងគោលបំណងនយោបាយបន្ទាប់ពីបុណ្យចូលឆ្នាំរួច។ ជាពិសេស យើងខ្ញុំនឹងចូលរួមសម្តែងនៅតំបន់ប្រវត្តិសាស្ត្រផ្លូវរូងក្រោមដី Củ Chi ទីក្រុង Hồ Chí Minh ចាប់ពីថ្ងៃ ៣០ មេសា ដល់ថ្ងៃ ១ ឧសភា”។
បងប្អូនសិល្បការិនីរួមគ្នាហ្វឹកហាត់ល្ខោនយីកេ រឿង “ការពារមាតុភូមិ”។
លើសពីនេះ ក្រុមសិល្បៈ Khmer ខេត្តក៏ផ្តោតលើការផ្លាស់ថ្មី ទាំងខ្លឹមសារ និងទម្រង់នៃការសម្តែងផងដែរ។ កាឈុតសម្តែងជាច្រើនត្រូវបានរៀបចំតាមរបៀបទំនើបជាងមុន ប៉ុន្តែរក្សាបាភាពដើមដដែលសម្រាប់ខ្លឹមសារនៃវប្បធម៌ Khmer បង្កើតអារម្មណ៍ជិតស្និទ្ធ និងភាពទាក់ទាញសម្រាប់ទស្សនិកជនទាំងឡាយ។
“គ្រប់បណ្តាឈុតសម្តែងត្រូវបានជម្រើសយ៉ាងយកចិត្តទុកដាក់ និងទាក់ទងយ៉ាងជិតស្និទ្ធជាមួយជីវិតប្រចាំថ្ងៃ ជំនឿ ទំនៀមទម្លាប់ និងប្រពៃណីរបស់ជនរួមជាតិ Khmer។ ផ្តើមពីនោះ ក៏បានរួមចំណែកបង្ហាញ និងផ្សព្វផ្សាយពីសម្រស់វប្បធម៌ដ៏ពិសេសរបស់ Khmer ដល់ទស្សនិកជនទាំងឡាយឱ្យកាន់តែទូលំទូលាយថែមទៀត ជាពិសេសយុវជនជំនាន់ក្រោយ” លោក Danh Văn Nhỏ មានប្រសាសន៍បែបនេះ។
តន្ត្រីករទាំងឡាយក៏ខិតខំហាត់សមដើម្បីនាំមកនូវកម្មវិធីសិល្បៈល្អៗ និងប្លែកភ្នែកផងដែរ។
បុណ្យចូលឆ្នាំថ្មីប្រពៃណី Khmer គឺជាឱកាសសម្រាប់បងប្អូនជនរួមជាតិបានជួបជុំគ្នា និងបួងសួងប្រាថ្នាក្តីសុខ សន្តិភាព។ ការរៀបចំយ៉ាងល្អិតល្អន់ និងឆន្ទៈដ៏មោះមុតរបស់ក្រុមសិល្ប Khmer ខេត្តនឹងនាំមកនូវចំណីចក្ខុដ៏ទាក់ទាញអារម្មណ៍សម្រាប់បម្រើមាមីងបងប្អូនប្រជាជន សង្ឃឹមថានឹងរួមចំណែកបង្កើនបរិយាកាសថ្ងៃបុណ្យចូលឆ្នាំឱ្យកាន់តែមានភាពឱឡារឹក និងអត្ថន័យថែមទៀត៕
Danh Điệp
