នៅភូមិ Cái Giá ឃុំ Hưng Hội មានបុរសម្នាក់ដែលជំនាញខាងចម្លាក់ថ្មឱ្យក្លាយជាសមិត្ថផលផ្នែកខាងសិល្បៈដ៏ល្អប្រណិត បង្កប់ដោយព្រលឹងនៃវប្បធម៌ Khmer។ នោះគឺសិប្បករ Lý Đa Ni ដែលបងប្អូនក្នុងតំបន់និយមហៅថា “អ្នកផ្លុំព្រលឹងចូលទៅថ្ម”។
រាល់ក្បាច់ចម្លាក់មួយៗ បង្កើតបានជាសមិទ្ធផលនៃដួងព្រលឹងវប្បធម៌ Khmer ក៏មានការចូលរួមរបស់សិប្បករ Lý Đa Ni ផងដែរ។
កើតនិងធំដឹងក្តីនៅឃុំ Hưng Hội ដែលជាតំបន់ភូមិភាគសម្បូរទភដោយប្រពៃណីវប្បធម៌ និងប្រវត្តិសាស្ត្រ ជីវិតរស់នៅរបស់លោក Lý Đa Ni ក៏ត្រូវបានភ្ជាប់ជាមួយវត្តអារាម។ កាលពីនៅក្មេង គាត់ក៏ជាអ្នកដែលធ្លាប់បានបួសរៀននៅវត្តបុប្ផារាមផងដែរ។ អាស្រ័យខ្លួនបានស្នាក់នៅក្នុងបរិស្ថានដ៏ស្ងប់ស្ងាត់ រាល់ខាងផ្នែកចម្លាក់ទាំងឡាយដ៏ល្អដ៏ប្រណិតរបស់វត្តបុរាណៗផងនោះ ទេពកោសល្យផ្នែកខាងចម្លាក់ដែលមានក្នុងខ្លួនតាំងពីនៅជាបុព្វជិតផងនោះក៏ចាប់ផ្តើមជំរុញទឹកចិត្តកាន់តែខ្លាំងថែមទៀត។ ដោយបានឃើញពីទេពកោលសល្យ និងការតាំងចិត្តរបស់កូនសិស្សបែបនេះ ព្រះឧបជ្ឈាយ៍ Tăng Sa Vong ក៏បានទទួលបង្រៀន និងបង្កលក្ខណៈសម្រាប់លោកបានសម្រេចនូវក្តីស្រមៃរបស់ខ្លួន។
ជាមួយការខិតខំប្រឹងប្រែង និងភាពច្នៃប្រតិដ្ឋរបស់ខ្លួន សិប្បករ Lý Đa Ni ក៏មានឈ្មោះបោះសម្លេងជាសន្សឹមៗនៅគ្រប់ទីសទីសម្រាប់ផ្នែកខាងចម្លាក់ក្នុងសហគមន៍ Khmer។ បច្ចុប្បន្ន ស្នាដៃរបស់គាត់ក៏មាននៅគ្រប់វត្តអារាម Khmer ទាំងក្នុងនិងក្រៅខេត្តផងដែរ។ ផ្តើមពីបណ្តាក្បាច់ចម្លាក់អណ្តែតដែលរៀបរាប់អំពីពុទ្ធប្បវត្តិរហូតដល់សត្វដ៏ពិសិដ្ឋផ្សេងៗ ដូចជា៖ គ្រុឌ នាគរាជជាដើម។ ក៏ប៉ុន្តែ សម្រាប់វត្តបុប្ផារាមវិញដែលជាកន្លែងធ្លាប់បានផ្តល់ចំណេះដឹងដល់ខ្លួន លោកមិនអាចណាបំភ្លេចបានជាដាច់ខាត។ រាល់ក្បាច់ចម្លាក់មួយៗ សុទ្ធតែត្រូវបានលោកផ្ចិតផ្ចង់យ៉ាងអស់ពីចិត្ត និងក្តីស្រលាញ់សម្រាប់ខ្លួនដែលជាកូនស្រុក ដើម្បីឆ្ពោះទៅរកប្រភពដើម។
ព្រះឧបជ្ឈាយ៍ Tăng Sa Vong ព្រះចៅអធិការវត្តបុប្ផារាម (Cái Giá) បានចែករំលែកថា៖ “Lý Đa Ni ជាអ្នកមានទេពកោសល្យ និងចំណង់ចំណូលចិត្តតាំងពីក្មេង។ ដោយទទួលបានការបណ្តុះបណ្តាលបន្ថែមផង ពេលនេះ ដានី ក៏ក្លាយជាមេជាងដ៏ចម្បងម្នាក់ ព្រមទាំងទទួួលបន្ទុកលើការកសាងគ្រប់សំណង់ផ្សេងៗក្នុងវត្តផងដែរ”។
សិប្បករ Lý Đa Ni បានបន្សល់ទុកនូវក្បូរក្បាច់រចនាបទតាមបណ្តាវត្ត Khmer ទាំងក្នុងនិងក្រៅភូមិភាគទៀតផង។
ទោះបីជាស្ថិតក្នុងវ័យកណ្តាលក៏ដោយ តែសិប្បករ Lý Đa Ni នៅតែបន្តធ្វើការយ៉ាងឧស្សាហ៍ព្យាយាមជាមួយផែនថ្ម និងបន្ទះស៊ីម៉ង់ត៍ ដោយមិនគិតពីក្តៅឬភ្លៀងនោះឡើយ។ លោកជឿជាក់ថា៖ “របរនេះ ខ្លួនបានដំណើរការអស់រយៈពេលពាក់កណ្តាលនៃជីវិតទៅហើយ ដូច្នេះសម្រាប់រយៈពេលដែលនៅសល់ ខ្ញុំសង្ឃឹមថានឹងបន្តដំណើរការដើម្បីជាការតបស្នងសងគុណ និងរួមចំណែកថែរក្សាវប្បធម៌ជាតិ”។
សម្លឹងបណ្តាសំណង់ទាំងឡាយក្រោមកំដៅព្រះអាទិត្យ ទាំងនោះមិនត្រឹមជាផលិតផលសម្រាប់ផ្នែកខាងបច្ចេកទេសប៉ុណ្ណោះទេ ថែមទាំងជាខ្លឹមសារសំខាន់នៃការលះបង់ដ៏ស្មោះស្ម័គ្រ និងក្តីបំណងប្រាថ្នាចង់ថែរក្សាអត្តសញ្ញាណវប្បធម៌។ ចំពោះសិប្បករ Lý Đa Ni រាល់ក្បាច់សម្លាក់នីមួយៗមិនត្រឹមផ្លាស់ប្តូរឯកសណ្ឋានរបស់ថ្មប៉ុណ្ណោះទេ ថែមទាំងជាវិធីសាស្ត្រសម្រាប់លោកអុជបំភ្លឺនូវពន្លឺវប្បធម៌ដើម្បីបន្តទៅពីជំនាន់មួយរហូតដល់ជំនាន់មួយទៀតផង៕
Đờ Ni - Danh Điệp
