ក្នុងការរស់នៅប្រចាំថ្ងៃរបស់ប្រជាជន Khmer បណ្តាវត្ថុបុរាណប្លែកៗជាច្រើនបានឆ្លុះបញ្ចាំងពីសម្រស់ប្រពៃណីរបស់សហគមន៍ផងដែរ។ សាជីគឺជាវត្ថុមួយក្នុងចំណោមវត្ថុដែលធ្លាប់ស្គាល់តាំងពីយូរជំនាន់ណាស់មកហើយ។ នេះមិនត្រឹមជាគម្របសម្រាប់គ្របរក្សាទុកអាហារប៉ុណ្ណោះទេ សាជីថែមទាំងជានិម្មិតរូបខាងស្នាដៃដ៏ប៉ិនប្រសព្វ និងលក្ខណៈរស់នៅដោយមានរបៀបរៀបរយរបស់បងប្អូន Khmer Nam Bộ ទៀតផង។
សាជីដែលមានអាយុកាលប្រហែលជាឆ្នាំ ១៩៧០ កំពុងត្រូវបានរក្សាទុកនៅសារមន្ទីរខេត្ត Cà Mau។
សាជី ដែលត្រូវបានគេស្គាល់ផងដែរថាជាគម្របអាហារ ដែលនិយមបានរកឃើញនៅលើតុបរិភោគអាហារក្នុងសង្គមគ្រួសារ Khmer។ សាជីមានរាងដូចមួក ធ្វើពីស្លឹកត្នោត ផ្លាស្ទិច ឬឫស្សី ជាមួយនឹងប៊ូតុង ឬមានចំណុចទាញនៅខាងលើ។ អាស្រ័យលើភាពច្នៃប្រតិដ្ឋ សាជីត្រូវបានត្បាញ និងតុបតែងតាមរចនាបថផ្សេងៗគ្នាជាច្រើន។ បណ្តាបន្ទះឫស្សី សរសៃនៃសន្លឹកឈើ ឬផ្លាស្ទិចត្រូវបានរៀបចំយ៉ាងល្អិតល្អន់ បង្កើតជាលំនាំសាមញ្ញ ប៉ុន្តែចុះសម្រុងគ្នា ដែលមានលក្ខណៈ Khmer យ៉ាងសុទ្ធសាត។
សាជីត្រូវបាននិយមប្រើសម្រាប់ការពារសត្វរុយ និងសត្វល្អិតដទៃទៀតពីការបំពុលអាហារ។ សម្រាប់ប្រជាជន Khmer សាជីមិនមែនគ្រាន់តែជារបស់របរប្រើប្រាស់ក្នុងផ្ទះបាយនោះទេ វាថែមទាំងជានិមិត្តរូបនៃភាពហ្មត់ចត់ ភាពស្អាតស្អំ និងស្នាដៃដ៏ប៉ិនប្រសព្វរបស់ស្ត្រីជាមេផ្ទះទាំងឡាយក្នុងសង្គមគ្រួសារផងដែរ។
ជាមួយនឹងល្បឿននៃជីវិតសម័យទំនើបបច្ចុប្បន្ន បណ្តាវត្ថុទំនើបៗជាច្រើនដែលធ្វើពីដែក ផ្លាស្ទិច ឬធុងដាក់អាហារកំពុងជំនួសឱ្យរបស់របរប្រពៃណីជាសន្សឹមៗ ធ្វើឱ្យសាជីមិនសូវមានប្រជាប្រិយភាពដូចមុនទៀតនោះទេ។ ដូច្នេះហើយ នៅតាមបណ្តាភូមិភាគមួយចំនួន សាជីនៅតែត្រូវបានបងប្អូនប្រជាជនរក្សាទុកហាក់បីដូចជាវត្ថុអនុស្សាវរីយ៍ដែលភ្ជាប់ទៅនឹងរបៀបរស់នៅតាមបែបសម័យបុរាណផងដែរ។ មានសាជីខ្លះក៏មានអាយុកាលដល់រាប់សិបឆ្នាំ ត្រូវបានរក្សាទុក និងដាក់តាំងបង្ហាញនៅតាមសារមន្ទីរ ព្រមទាំងយកបង្ហាញពីជីវិតប្រចាំថ្ងៃរបស់បងប្អូនជនរួមជាតិ Khmer Nam Bộ ជាមួយសាធារណជនទៀតផង។។
សាជី ថែមទាំងជាវត្ថុបុរាណសម្រាប់រំលឹកពីពេលបាយជួបជុំ និងលក្ខណៈរស់នៅដ៏សាមញ្ញទៀតផង។
សព្វថ្ងៃនេះ ទោះបីជាមិនសូវមានច្រើនក៏ដោយ តែសាជីនៅតែមានតម្លៃដោយឡែករបស់ខ្លួន។ វាមិនត្រឹមជារបស់របរសម្រាប់ប្រើប្រាស់ក្នុងផ្ទះប៉ុណ្ណោះទេ ថែមទាំងទុកជាការចងចាំរំលឹកអំពីពេលបាយជួបជុំគ្រួសារ លក្ខណៈផ្ទះបាយដ៏សាមញ្ញ និងស្នាដៃដ៏ប៉ិនប្រសប់របស់អ្នកដែលផលិតវាចេញផងដែរ។ ការអភិរក្ស និងផ្សព្វផ្សាយបង្ហាញពីបណ្តាវត្ថុប្រើប្រាស់ប្រពៃណីបានជួយបញ្ញវន្តជំនាន់ក្រោយៗយល់បានច្បាស់ថែមទៀតខាងស្មារតីនៃការរស់នៅនិងរាល់កិច្ចការងាររបស់ដូនតាយើងដែលលោកបានបន្សល់ទុកមក។ វត្ថុប្រើប្រាស់ដ៏សាមញ្ញទាំងនេះបានជួយការពារពេលបាយរបស់យើងដោយស្ងៀមស្ងាត់ ព្រមទាំងរំលឹកដាស់តឿនស្មារតីយើងរាល់គ្នាឱ្យកាន់តែស្រឡាញ់ និងយកចិត្តទុកដាក់ថែមទៀតក្នុងការអភិរក្សតម្លៃវប្បធម៌ប្រពៃណី៕
Lĩnh - Vũ Khắc
