ដើមឆ្នាំ ២០២៦ នៅឃុំចំនួនពីរគឺ ឃុំ Năm Căn និងឃុំ Cái Đôi Vàm ថវិកាចំនួន ៣០០ លានដុង ដែលជាទុនគ្មានការប្រាក់ពីមូលនិធិ "ដើម្បីកម្ពស់ Việt Nam" បានក្លាយជា "កម្លាំងចលករ" ជួយជ្រោមជ្រែងដល់នារីដែលមានជីវភាពលំបាកឈានឡើងអភិវឌ្ឍសេដ្ឋកិច្ច។ តាមរយៈបុល ១០ លានដុងក្នុងម្នាក់ៗ ទម្រង់ចិញ្ចឹមជីវភាពជាច្រើនបានបង្កើតឡើង បើកឱកាសឱ្យពួកគាត់ចាកផុតពីភាពក្រីក្រចីរភាព និងបញ្ជាក់ពីតួនាទីរបស់នារីនៅក្នុងសេដ្ឋកិច្ចគ្រួសារ។
តាមរយៈដើមទុន ១០ លានដុង អ្នកមីង Đặng Thị Ngọc Bích បានសងបំណុលចាស់អស់ និងមានទុនបន្ថែមដើម្បីពង្រីកមុខរបរ។
នៅឃុំ Năm Căn ថវិកា ១៥០ លានដុង បានសមាគមនារីឃុំបែងចែកជូនសមាជិកា ១៥ នាក់ដែលមានជីវភាពខ្វះខាត ដោយម្នាក់ៗទទួលបាន ១០ លានដុង ជាបុលគ្មានការប្រាក់ក្នុងរយៈពេល ១ ឆ្នាំ។ ប្រភពទុននេះនឹងប្រមូលមកវិញ ដើម្បីបង្វិលផ្តល់ជូនសមាជិកាផ្សេងទៀត បង្កើតបានជាវដ្តនៃការឧបត្ថម្ភជាបន្តបន្ទាប់។
ចេញពីប្រភពទុននេះ សមាជិកាជាច្រើនបានហ៊ានវិនិយោគលើការអភិវឌ្ឍផលិតកម្ម។ គ្រួសារលោកស្រី Bùi Thị Kiều Oanh នៅភូមិ Hàng Vịnh គឺជាទម្រង់ដ៏លេចធ្លោមួយបែបនេះ។ ផ្តើមពីជ្រូកពីរបីក្បាលដំបូង រហូតមកដល់ពេលនេះ ហ្វូងជ្រូករបស់គ្រួសារគាត់បានកើនឡើងដល់ជិត ៣០ ក្បាល ធ្វើឱ្យជីវភាពកាន់តែមានស្ថិរភាពជាងមុន។
លោកស្រី Oanh បានចែករំលែកថា៖ "អាស្រ័យចំអិអាហារឱ្យជ្រូកប្រើអាហារដែលនៅសល់ បានជួយកាត់បន្ថយចំណាយលើការចិញ្ចឹមបានយ៉ាងច្រើន។ តាមរយៈវិធីសាស្ត្របត់បែន យកខ្លីចិញ្ចឹមវែង ហ្វូងជ្រូករបស់គ្រួសារខ្ញុំកាន់តែរីកចម្រើនឡើង"។
ប្រភពទុនទឹកដោយទឹកប្រាក់ ១៥០ លានដុង បានជួយនារី ១៥ នាក់នៅឃុំ Cái Đôi Vằm អភិវឌ្ឍទម្រង់ជីវភាព រួមចំណែកកែលម្អចំណូល និងស្ថិរភាពជីវភាព។
ទុនបុលគ្មានការប្រាក់ក៏បានជួយឱ្យអ្នកមីង Đặng Ngọc Bích នៅភូមិ Cái Nẩyអាចស្ថិរភាពជីវភាពជាជំហានៗ។ ពីមុនដែលធ្លាប់តែខ្ចីបុលគេដើម្បីធ្វើជាដើមទុនដើរទិញអេតចាយ ឥឡូវនេះលោកស្រីបានសងបំណុលចាស់អស់ ហើយថែមទាំងសន្សំបានដើមទុនផ្ទាល់ខ្លួនទៀតផង។ ពីនោះមក អ្នកមីងបានជួលទីតាំងដើម្បីម្ចាស់ការក្នុងការស្តុកទំនិញ ធ្វើឱ្យការរកស៊ីកាន់តែរឹងមាំ ចំណូលបានប្រសើរឡើង និងបង្កើតផ្លូវដើរប្រកបដោយចីរភាពសម្រាប់សេដ្ឋកិច្ចគ្រួសារ។
តាមប្រសាសន៍របស់លោកស្រី Nguyễn thị Trinh អនុប្រធានសមាគមនារីឃុំ Năm Căn បានឱ្យដឹងថា ប្រភពទុនគ្មានការប្រាក់នេះ មិនត្រឹមតែជួយកែលម្អចំណូលភ្លាមៗប៉ុណ្ណោះទេ ថែមទាំងបើកឱកាសចាកចេញពីភាពក្រីក្រសម្រាប់គ្រួសារជាច្រើន។ អ្វីដែលគួរឱ្យកត់សម្គាល់នោះគឺ តាមរយៈបុល ១០ លានដុងនេះ គ្រួសារជាច្រើនបានម្ចាស់ការអភិវឌ្ឍទម្រង់សេដ្ឋកិច្ច ដែលមិនត្រឹមតែលើកកម្ពស់កម្រិតជីវភាពប៉ុណ្ណោះទេ ថែមទាំងរួមចំណែកធ្វើឱ្យប្រភពចំណូលនៅជនបទកាន់តែសម្បូរបែប។
ចំណែកនៅឃុំ Cái Đôi Vàm ថវិកា ១៥០ លានដុង ក៏បានប្រគល់ជូនសមាជិកានារី ១៥ នាក់ដែលមានជីវភាពលំបាកផងដែរ។ ទម្រង់ជីវភាពបានអនុវត្តយ៉ាងសម្បូរបែបដូចជា៖ ការចិញ្ចឹមសត្វ ដាំបន្លែ ផលិតត្រីងៀត ជួសជុលសំណាញ់ និងការលក់ដូរតូចតាច ដែលស្របទៅតាមស្ថានភាពជាក់ស្តែងរបស់គ្រួសារនីមួយៗ។
លោកស្រី Đào thị Thanh An អនុប្រធានសមាគមនារីឃុំ Cái Đôi Vàm បានបញ្ជាក់ថា ការបែងចែកប្រភពទុនបានធ្វើឡើងដោយតម្លាភាព ចំគោលដៅ និងធានាការប្រើប្រាស់ចំគោលបំណង។ ទន្ទឹមនឹងនោះ ថ្នាក់ហ្វឹកហ្វឺន និងណែនាំជំនាញក៏បានរៀបចំឡើង ដើម្បីជួយឱ្យសមាជិកាលើកកម្ពស់ការយល់ដឹង និងដោះស្រាយរាល់ឧបសគ្គក្នុងការអភិវឌ្ឍសេដ្ឋកិច្ចគ្រួសារ។ នេះគឺជាជំហានដ៏សំខាន់មួយដើម្បីប្តូរពី "ការជំនួយ" ទៅជា "ការផ្តល់សិទ្ធិ" ជួយឱ្យនារីមានទំនុកចិត្តលើខ្លួនឯងក្នុងដំណើរឆ្លងផុតពីភាពក្រីក្រ។
ទោះបីជាដើមទុនមានចំនួនតិចតួច ប៉ុន្តែបានផ្តល់ចំពេល និងចំវិធីសាស្ត្រ ធ្វើឱ្យដំណើរនៃការផ្លាស់ប្តូរកំពុងចាប់ផ្តើម។ នៅពេលទំនុកចិត្តបានផ្តល់ឱ្យ ឱកាសក៏បានបើកចេញ នារីនៅតំបន់ដីជ្រោយនៃប៉ែកខាងត្បូងប្រទេស កំពុងតែឈានទៅមុខជាជំហានៗ ម្ចាស់ការលើជីវិតខ្លួនឯង និងរួមកសាងគ្រួសារ និងសហគមន៍ឱ្យកាន់តែរីកចម្រើនដោយចីរភាព៕
Kiều Nương
