ដោយប្តេជ្ញាចិត្តកាត់បន្ថយគម្លាតអភិវឌ្ឍន៍ និងលើកកម្ពស់គុណភាពរស់នៅរបស់ជនរួមជាតិភាគតិចនិយាយរួម និងជនរួមជាតិ Khmer និយាយដោយឡែក ប៉ុន្មានឆ្នាំកន្លងមកនេះ ខេត្ត Cà Mau បានអនុវត្តសមកាលកម្មនូវកម្មវិធី និងគម្រោងជាក់ស្តែងជាច្រើន។ ពីការឧបត្ថម្ភផ្ទះសម្បែង ដីធ្លី ហ្វឹកហ្វឺនវិជ្ជាជីវៈ រហូតដល់ការវិនិយោគហេដ្ឋារចនាសម្ព័ន្ធ។ល។ គោលនយោបាយទាំងនេះបានជួយឱ្យបងប្អូនបានលំនឹងជីវភាព និងឈានឡើងជាលំដាប់ក្នុងជីវភាព។
គណៈកម្មាធិការរណសិរ្សមាតុភូមិវៀតណាមសង្កាត់ហ៊ីបថាញ់ បានសហការជាមួយ សមាគមនារីសង្កាត់ ជូនផ្ទះមេត្តាធម៌ដល់អ្នកមីង សឺនធីប (ភូមិយ៉ុងយឿ A)។
បច្ចុប្បន្ន ខេត្ត Cà Mau មានជនរួមជាតិភាគតិចចំនួន ២៦.៨៣២ គ្រួសារ ដោយមនុស្ស ១១៦.៣១៩ នាក់ ស្មើនឹង ៥,០៤% នៃចំនួនប្រជាជនទូទាំងខេត្ត ក្នុងនោះជនរួមជាតិ Khmer ជាសហគមន៍ដែលមានចំនួនច្រើនជាងគេបំផុត។ ជនរួមជាតិភាគតិចនៅលើភូមិសាស្ត្រខេត្ត រស់នៅតាមតំបន់ជនបទ តំបន់ដាច់ស្រយាល ភាគច្រើនប្រកបរបរ កសិកម្ម ដាំដុះ ចិញ្ចឹមសត្វ និងនេសាទជលផល។ ផ្នែកតូចមួយរស់នៅតំបន់ទីប្រជុំជន ជិតផ្សារ ភាគច្រើនប្រកបរបរជួញដូរ។
ប៉ុន្មានឆ្នាំកន្លង គណៈផ្នែកគ្រប់លំដាប់ថ្នាក់ក្នុងខេត្តតែងយកចិត្តទុកដាក់អនុវត្តសមកាលកម្មនូវកម្មវិធី គម្រោង និងគោលនយោបាយជាច្រើន សំដៅលើកកម្ពស់គុណភាពជីវភាពសម្ភារៈ និងស្មារតីជូនបងប្អូន។ ដំណាក់កាល ២០២១-២០២៥ ខេត្តបានឧបត្ថម្ភសាងសង់ផ្ទះសម្បែងជូនគ្រួសារជនជាតិភាគតិចក្រីក្រចំនួន ៨៣០ គ្រួសារ ឧបត្ថម្ភដីធ្លីជូន ៦២ គ្រួសារ ឧបត្ថម្ភផ្លាស់ប្តូរមុខរបរជូន ៤១៨ គ្រួសារដែលខ្វះដីផលិត ឧបត្ថម្ភទឹកស្អាតប្រើប្រាស់លក្ខណៈគ្រួសារជូន ៨៤៤ គ្រួសារ សាងសង់ដំណាក់ផ្គត់ផ្គង់ទឹក ៣ កន្លែង ហ្វឹកហ្វឺនវិជ្ជាជីវៈជូនពលករជនជាតិភាគតិច និងគ្រួសារក្រ ប្រកៀកបន្ទាត់ក្រជាង ៦.០០០ នាក់ វិនិយោគ និងបង្កើនភាពផ្លូវគមនាគមន៍ជនបទជាង ១៨៥ គីឡូម៉ែត្រ ជួសជុលសាលារៀនជនជាតិអន្តេវាសិកចំនួន ៣ ខ្នង។ល។ មកដល់ចុងឆ្នាំ ២០២៥ ប្រាក់ចំណូលជាមធ្យមសម្រាប់មនុស្សម្នាក់ៗប៉ាន់ស្មានសម្រេចបានជាង ៨០ លានដុងក្នុងមួយឆ្នាំ ដែលតួលេខនេះបានឆ្លុះបញ្ចាំងច្បាស់នូវការផ្លាស់ប្តូរជាវិជ្ជមានក្នុងជីវភាពប្រជាជន។
ដំណាក់កាល ២០២១-២០២៥ ខេត្តបានវិនិយោគ និងលើកកម្ពស់ផ្លូវជនបទតំបន់ជនរួមជាតិភាគតិចជាង ១៨៥ គីឡូម៉ែត្រ បង្កលក្ខណៈងាយស្រួលដល់ប្រជាជនក្នុងការធ្វើដំណើរ និងជួញដូរទៀតផង។
ថ្លែងក្នុងសន្និបាតបូកសរុបការងារជនជាតិ ជំនឿសាសនា និងដាក់ចេញភារកិច្ចឆ្នាំ ២០២៦ លោក Ngô Vũ Thăng អនុប្រធានគណៈកម្មាធិការប្រជាជនខេត្ត Cà Mau បានបញ្ជាថា៖ “ក្នុងពេលខាងមុខ ស្ថាប័នជនជាតិ និងសាសនាត្រូវផ្តោតលើការអនុវត្តសមកាលកម្ម និងមានប្រសិទ្ធភាពនូវកម្មវិធី គម្រោង និងគោលនយោបាយចំពោះតំបន់ជនរួមជាតិភាគតិច។ ទន្ទឹមនឹងនោះ បង្កើនកិច្ចសហការជាមួយស្ថាប័ន អង្គភាពពាក់ព័ន្ធ អនុវត្តល្អនូវខ្លឹមសារដែលបានបែងចែកក្នុងកម្មវិធីគោលដៅជាតិកសាងជនបទថ្មី កាត់បន្ថយភាពក្រីក្រចីរភាព និងអភិវឌ្ឍន៍សេដ្ឋកិច្ច - សង្គមតំបន់ជនរួមជាតិភាគតិច និងតំបន់ភ្នំ ដំណាក់កាល ២០២៦-២០៣៥ នៅលើភូមិសាស្ត្រខេត្ត ធានាឱ្យបានត្រឹមត្រូវនូវមុខសញ្ញា គោលដៅ គុណភាព ល្បឿន និងទាន់ពេលវេលាដល់អ្នកទទួលផល រួមចំណែកធ្វើឱ្យមានលំនឹង និងលើកកម្ពស់ជីវភាពបងប្អូន។
លទ្ធផលសម្រេចបានទាំងនេះ បង្ហាញពីការយកចិត្តទុកដាក់ទាន់ពេលវេលារបស់ខេត្តកាម៉ាវចំពោះជនរួមជាតិភាគតិច ពីគោលនយោបាយឧបត្ថម្ភ រហូតដល់កិច្ចខិតខំកែលម្អហេដ្ឋារចនាសម្ព័ន្ធ និងគុណភាពសេវាកម្ម។ អាស្រ័យហេតុនេះ ជីវភាពសម្ភារៈ និងស្មារតីរបស់បងប្អូនបន្តមានសន្ទុះរីកចម្រើន។ ក្នុងបរិយាកាសអំណរបុណ្យចូលឆ្នាំថ្មីប្រពៃណីជាតិ ជនជាតិ Khmer កាន់តែសប្បាយរីករាយ និងរំពឹងទុកលើដំណើរអភិវឌ្ឍន៍ចីរភាព និងភាពសម្បូររុងរឿងក្នុងឆ្នាំថ្មី៕
Trung Kiên
