ផ្ទះសម្បែងដ៏រឹងមាំជំនួសឱ្យដំបូលស្លឹកបណ្តោះអាសន្ន រោងចិញ្ចឹមសត្វដែលត្រូវបានពង្រីកផលិតកម្ម បង្កើនប្រាក់ចំណូល។ល។ ជាសក្ខីភាពបញ្ជាក់ពីរបៀបខិតជិតថ្មីរបស់ខេត្ត Cà Mau ក្នុងកិច្ចការកាត់បន្ថយភាពក្រីក្រ។ មិនមែនជាការជួយបែបសាយភាយទៀតឡើយ ផ្នែកមុខងារបានចុះអង្កេតផ្ទាល់ពីលក្ខណៈរបស់គ្រួសារនីមួយៗ ដើម្បីជ្រើសរើសទម្រង់មុខរបរដែលសមស្រប ។ គោលដៅគឺបង្កើតមុខរបរចិញ្ចឹមជីវិតចីរភាព ជួយឱ្យប្រជាជនមានប្រាក់ចំណូលមានស្ថិរភាព និងបង្កើតទម្លាប់ផលិតមានផែនការ និងម្ចាស់ការ ។
គណៈប្រតិភូចុះអង្កេតពិនិត្យជាក់ស្តែងរោងចិញ្ចឹមសត្វរបស់គ្រួសារលោក Sơn Suôl ដើម្បីតម្រង់ទិសស្តារមុខរបរចិញ្ចឹមជីវិតឱ្យសមស្រប ។
កាលពីមុន គ្រួសារលោក Sơn Suôl នៅភូមិ Vĩnh Thạnh ឃុំ Vĩnh Hậu ធ្លាប់បានរដ្ឋឧបត្ថម្ភផ្ទះសម្បែង ប៉ុន្តែមុខរបរចិញ្ចឹមជីវិតមិនទាន់នឹងនរនៅឡើយ។ អាស្រ័យដោយមានគណៈប្រតិភូចុះអង្កេត និងវាយតម្លៃផ្ទាល់ពីលក្ខណៈជាក់ស្តែង គាត់បានណែនាំឱ្យអនុវត្តទម្រង់មុខរបរចិញ្ចឹមសត្វសមស្របជាងមុន កាត់បន្ថយហានិភ័យ និងងាយស្រួលគ្រប់គ្រង ។
នៅភូមិលេខ ២០ ឃុំ Khánh An លោក Kiên Riêng ធ្លាប់បានឧបត្ថម្ភដីធ្លី ។ បន្ទាប់ពីមានលំនៅឋាបនឹងនរ គាត់ផ្ដោតការអភិវឌ្ឍទម្រង់មុខរបរចិញ្ចឹមបង្គា - ក្ដាមគួបផ្សំ ចំណែកនៅលើភ្លឺវិញគឺដាំដំណាំ។ ប្រាក់ចំណូលរបស់លោករៀង ផ្តើមមានស្ថិរភាព ជីវភាពបានកែលម្អ ផ្ទះសម្បែងស្អាតបាត ។ លោក Riêng ចែករំលែកថា៖ “កាលពីមុនសង្ឃឹមត្រឹមតែហូបគ្រប់គ្រាន់ ឥឡូវជីវភាពធូរធារជាងមុន កូនចៅមានការងារធ្វើមានស្ថិរភាព ដូចនេះត្រេកអរណាស់” ។
ក្នុងលើកអនុវត្តនេះ ទូទាំងខេត្តរំពឹងថានឹងឧបត្ថម្ភដល់ ៥០ គ្រួសារ ដោយក្នុងមួយគ្រួសារទទួលបាន ២០ លានដុង នៅលើភូមិសាស្ត្រឃុំចំនួន ៥ ដើម្បីអនុវត្តទម្រង់មុខរបរចិញ្ចឹមជីវិតសមស្របនឹងលក្ខណៈជាក់ស្តែង ។ បើប្រើប្រាស់មានប្រសិទ្ធភាព នេះនឹងក្លាយជា “ទុនមេ” ជួយឱ្យប្រជាជនចាប់ផ្តើម ឬពង្រីកផលិតកម្ម បង្កើនប្រាក់ចំណូល និងកែលម្អជីវភាព។
ផ្ទះរបស់លោក Kiên Riêng បានសាងសង់ក្នុងតម្លៃជាង ៥០០ លានដុង គឺជាសក្ខីភាពនៃការម្ចាស់ការក្នុងការរកស៊ី និងការទទួលខុសត្រូវចំពោះទម្រង់មុខរបរចិញ្ចឹមជីវិតដែលត្រូវបានឧបត្ថម្ភ ។
លោកស្រី Nguyễn Thu Tư នាយិកាមន្ទីរជនជាតិ និងសាសនាខេត្ត Cà Mau ឱ្យដឹងថា៖ ក្រៅពីការឧបត្ថម្ភថវិកា អង្គភាពនៅតែរួមដំណើរណែនាំបច្ចេកទេស ត្រួតពិនិត្យ និងឧបត្ថម្ភការភ្ជាប់ទីផ្សារលក់ចេញនៅពេលចាំបាច់។ គោលដៅគឺជួយឱ្យបងប្អូនម្ចាស់ការអភិវឌ្ឍផលិតកម្ម អស់កង្វល់ក្នុងការរកស៊ី និងមាននឹងនរដោយរបរចិញ្ចឹមជីវិតរបស់ខ្លួនឯង ។
ទន្ទឹមនឹងការឧបត្ថម្ភដើមទុន កិច្ចការហ្វឹកហ្វឺនបច្ចេកទេស និងផ្ទេរវិទ្យាសាស្ត្រក៏ បានជំរុញខ្លាំងផងដែរ។ ទម្រង់មុខរបរដែលជ្រើសរើសគឺតម្រង់ទិសទៅរកការបន្ស៊ាំនឹងបម្រែបម្រួលអាកាសធាតុ ធានានូវលក្ខណៈចីរភាព និងសមត្ថភាពពង្រីកបន្ត ។
លោក Độ Quốc Thịnh អនុប្រធានគណៈកម្មាធិការប្រជាជនឃុំ Vĩnh Hậu បានបញ្ជាក់ថា៖ “យើងខ្ញុំនឹងរួមដំណើរ ត្រួតពិនិត្យពេញមួយដំណើរការអនុវត្ត។ តាមរយៈនោះ ណែនាំ និងកែសម្រួលឱ្យទាន់ពេលវេលា ដើម្បីឱ្យទម្រង់មុខរបរសម្រេចបានប្រសិទ្ធភាព។ ប្រជាជនក៏ទទួលខុសត្រូវចំពោះប្រភពធនធានដែលទទួលបាន ប្រើប្រាស់ឱ្យចំគោលដៅ និងសកម្មចូលរួមក្នុងផលិតកម្ម” ។
លោក Kiên Riêng ចែករំលែកជាមួយគណៈប្រតិភូអំពីសមិទ្ធផលពលកម្ម ។
នៅពេលមានការតាមដានដិតដល់ពីស្ថាប័នមុខងារ និងស្មារតីទទួលខុសត្រូវរបស់ប្រជាជន គ្រួសារជាច្រើនបានផ្លាស់ប្តូរពីផលិតកម្មខ្នាតតូចមករបៀបមានផែនការ ប្រាក់ចំណូលមានស្ថិរភាព ជីវភាពកែលម្អយ៉ាងច្បាស់ក្រឡែត។ រោងចិញ្ចឹមសត្វបានជួសជុល ស្រែចម្ការបានថែទាំ កូនចៅបានទៅរៀន និងជីវិតពោរពេញដោយក្តីសង្ឃឹម ។
ខេត្ត Cà Mau លើកកម្ពស់ប្រសិទ្ធភាពនៃការឧបត្ថម្ភមុខរបរចិញ្ចឹមជីវិតជូនបងប្អូនជនជាតិភាគតិច ដោយរបៀបធ្វើការងារដែលកៀកនឹងជាក់ស្តែង បូករួមការត្រួតពិនិត្យជាប្រចាំ និងដាក់ភារកិច្ចផ្ទាល់ខ្លួនប្រជាជនដែលជាអ្នកទទួលផល៕
Nguyễn Đào - Chí Thức
