សម្រាប់ដំណាក់កាល ២០២៦-២០៣០ ខេត្ត Cà Mau បានកំណត់ច្បាស់នូវស្មារតីដ៏សំខាន់ចំពោអការកសាង និងផ្លាស់ថ្មីមុខមាត់ជនបទនៃតំបន់ជនជាតិភាគតិចផងដែរ។ នេះមិនត្រឹម ជាភារកិច្ចខាងយុទ្ធសាស្ត្រប៉ុណ្ណោះទេ ថែមទាំងបានឆ្លុះបញ្ចាំងពីការប្តេជ្ញាចិត្តក្នុងការបំព្រួញគម្លាតនៃការអភិវឌ្ឍរវាងតំបន់ផ្សេងៗទូទាំងខេត្តទៀតផង។
សម្រស់ជនបទតំបន់ជនរួមជាតិនៅឃុំ Khánh Bình មួយថ្ងៃកាន់តែស្រស់ស្អាត។
Cà Mau មានសហគមន៍ជនជាតិភាគតិចរស់នៅច្រើន ក្នុងនោះដែលមានច្រើនជាងគេគឺជាជនជាតិ Khmer និង Hoa។ រយៈពេលប៉ុន្មានឆ្នាំកន្លងមកនេះ អាស្រ័យការផ្សព្វផ្សាយយ៉ាងមានប្រសិទ្ធភាពនូវរាល់បណ្តាកម្មវិធីគោលដៅជាតិ មុខមាត់ជនបទនៃតំបន់ជនរួមជាតិក៏មានការផ្លាស់ប្តូរយ៉ាងសកម្មផងដែរ។ ទោះជាយ៉ាងណាក៏ដោយ បើប្រៀបនឹងស្តង់ដារទូទៅ ជីវភាពសេដ្ឋកិច្ច ហេដ្ឋារចនាសម្ព័ន្ធ និងការទទួលបានសេវាសង្គមនៅតែមានកម្រិត។
ចំពោះការជាក់ស្តែងនេះ ដំណាក់កាល ២០២៦-២០៣០ Cà Mau នឹងផ្តោតលើការវិនិយោគសម្រេចប្រព័ន្ធហេដ្ឋារចនាសម្ព័ន្ធសំខាន់ៗដូចជា ការដឹកជញ្ជូនជនបទ អគ្គិសនី ទឹកស្អាត សាលារៀន និងដំណាក់សុខាភិបាល។ នេះគឺជាមូលដ្ឋានគ្រឹះដ៏សំខាន់សម្រាប់ការកែលម្អលក្ខណៈរស់នៅ និងបង្កើនទំនុកចិត្តដើម្បីទាក់ទាញការវិនិយោគ និងអភិវឌ្ឍផលិត។
ជាមួយគ្នានេះ គឺការយកចិត្តទុកដាក់អភិវឌ្ឍន៍ជីវភាពរស់នៅប្រកបដោយចីរភាពសម្រាប់ជនជាតិភាគតិចតាមរយៈការពង្រីកបណ្តាទម្រង់យ៉ាងសមស្របដូចជា៖ ចិញ្ចឹមជលផល ដាំព្រៃឈើ និងផលិតកម្មកសិកម្មស្អាត។ល។ ផ្តើមពីនោះក៏ជំរុញខ្លាំងខ្លាខាងការបណ្តុះបណ្តាលវិជ្ជាជីវៈ និងការផ្ទេរបច្ចេកវិទ្យាត្រូវបានលើកកម្ពស់ ដើម្បីបង្កើនផលិតផល និងប្រាក់ចំណូលសម្រាប់ប្រជាជន។
ទន្ទឹមជាមួយការអភិវឌ្ឍសេដ្ឋកិច្ច ខេត្តក៏បានយកចិត្តទុកដាក់ជាពិសេសចំពោះការអភិរក្ស និងពង្រីកអត្តសញ្ញាណវប្បធម៌ជនជាតិ ដោយភ្ជាប់ជាមួយនឹងការអភិវឌ្ឍទេសចរណ៍សហគមន៍ អាស្រ័យហេតុនេះក៏បង្កើតជីវភាពរស់នៅ និងពង្រីកសាយភាយតម្លៃវប្បធម៌។ វិស័យសិក្សាអប់រំ និងថែទាំសុខភាពនៅតែបន្តផ្តល់អាទិភាព។ គោលនយោបាយសន្តិសុខសង្គមនៅតែបានបន្តអនុវត្តយ៉ាងទូលំទូលាយ ដោយធានាថាគ្មាននរណាម្នាក់ត្រូវបានទុកចោលឡើយ។
ដើម្បីសម្រេចគោលដៅទាំងនេះ ខេត្ត Cà Mau នឹងកៀរគរប្រភពធនធានយ៉ាងទូលំទូលាយពីថវិការដ្ឋ អាជីវកម្ម និងសហគមន៍។ ជាពិសេស ពង្រីកតួនាទីរបស់រដ្ឋអំណាចមូលដ្ឋាន និងអ្នកមានកិត្យានុភាពចំពោះការចលនា និងអនុវត្តគោលនយោបាយ។
គ្រួសារបងស្រី Hữu Thị Thắm នៅភូមិ Đường Đào ឃុំ Hồ Thị Kỷ ជាគ្រួសារឆ្នើមឆ្លងកាត់លំបាក ប្តេជ្ញាចិត្តចិញ្ចឹមកូនសិក្សារៀនសូត្របានល្អទៀតផង។
លោកស្រី Nguyễn Thu Tư នាយិកាមន្ទីរជនជាតិ និងសាសនា បានមានប្រសាសន៍ថា៖ “ដំណាក់កាល ២០២៦-២០៣០ នឹងផ្លាស់ប្តូរយ៉ាងសកម្មពី “ការឧបត្ថម្ភតាមគោលនយោបាយ” ទៅជាការអភិវឌ្ឍដោយផ្តោតលើសក្តានុពល និងប្រភពធនធានផ្ទៃក្នុងរបស់សហគមន៍។ គោលដៅដ៏សំខាន់គឺបង្កើតការផ្លាស់ប្តូរច្បាស់លាស់ និងប្រកបដោយចីរភាពស្តីពីគុណភាពនៃការរស់នៅ ដើម្បីធ្វើឱ្យតំបន់ជនជាតិភាគតិចមិនត្រឹមតែទទួលបានការវិនិយោគប៉ុណ្ណោះទេ ថែមទាំងបានក្លាយជាទីបង្អែកសម្រាប់ខ្លួនឯងកាន់តែច្រើនក្នុងការអភិវឌ្ឍ និងមានជីវភាពរស់នៅ ស្ថិរភាព បរិយាកាសរស់នៅប្រកបដោយសុវត្ថិភាព និងផ្សារភ្ជាប់យ៉ាងជិតស្និទ្ធជាមួយអត្តសញ្ញាណវប្បធម៌ជនជាតិ”។
ជាមួយនឹងដំណោះស្រាយដ៏ទូលំទូលាយ និងការប្តេជ្ញាចិត្តយ៉ាងមោះមុត សង្ឃឹមថានឹងផ្លាស់ប្តូរមុខមាត់ជនបទនៃតំបន់ជនជាតិភាគតិចនៅ Cà Mau ឆ្ពោះទៅរកការអភិវឌ្ឍប្រកបដោយចីរភាពសម្រាប់ដំណាក់កាល ២០២៦-២០៣០៕
Lam Khánh
