មានទីតាំងស្ថិតនៅតំបន់ព្រំដែនសមុទ្រនៃនិរតីទិស ឃុំ Sông Đốc មានតួនាទីយ៉ាងសំខាន់ជាយុទ្ធសាស្ត្ររបស់ខេត្ត Cà Mau។ ដោយមានប្រជាជនរស់នៅច្រើន សកម្មភាពអាជីវកម្ម និងសេវាកម្មរីកចម្រើន និងចំនួនជនចំណាកស្រុក ព្រមទាំងកម្មករសេរីមួយចំនួនធំ ប្រឈមមុខនឹងហានិភ័យដែលអាចកើតមាននៃឧក្រិដ្ឋកម្ម និងគ្រោះសង្គម។ ដូច្នេះ ការធានាសន្តិសុខ និងសណ្តាប់ធ្នាប់ និងការរក្សាលំនឹងតំបន់គឺជាអាទិភាពដ៏ចម្បងដែលតែងត្រូវបានរដ្ឋអំណាចភូមិភាគយកចិត្តទុកដាក់យ៉ាងពិសេស។
កងកម្លាំងនគរបាលឃុំ Sông Đốc ដោះដូរពីស្ថានភាពសន្តិសុខ និងសណ្តាប់ធ្នាប់លើភូមិសាស្ត្រក្នុងកិច្ចប្រជុំយកមតិជាមួយកងកម្លាំងយោធា និងកងទ័ពការពារព្រំដែន។
បន្ទាប់ពីការរួមបញ្ចូលគ្នា ឃុំ Sông Đốc មានផ្ទៃដីធម្មជាតិសរុបជិត ៨៤ គីឡូម៉ែត្រការ៉េ និងមានប្រជាជនជាង ៤៦.៥០០ នាក់។ ក្នុងនោះមានជាង ៦៧០ នាក់ដែលជាជនជាតិភាគតិច ដោយមាន ១៥៤ គ្រួសារ។
រយៈពេលកន្លងមក នគរបាលឃុំសុងដុកបានអនុវត្តវិធានការប្រតិបត្តិការជាច្រើន ដោយតាមដានស្ថានភាព តំបន់ និងបុគ្គលដែលពាក់ព័ន្ធយ៉ាងសកម្ម ដើម្បីធានាសន្តិសុខ និងសណ្តាប់ធ្នាប់។ ក្នុងនោះប្រមូលផ្តុំលើការវាយតម្លៃ និងការព្យាករណ៍ស្ថានភាព និព្រមទាំងបញ្ហាដែលអាចកើតមាន ដោយផ្តល់ដំបូន្មានភ្លាមៗដល់គណៈកម្មាធិការបក្ស និងផ្នែកសមត្ថ កិច្ចដើម្បីចង្អុលការណែនាំដោះស្រាយបញ្ហាដោយម៉ឺងម៉ាត់នៅកម្រិតមូលដ្ឋាន ដោយមានគោលដៅកាត់បន្ថយបញ្ហាថ្មីៗ និងស្មុគស្មាញជាប្រចាំ។
ក្នុងពេលជាមួយគ្នានេះ កម្លាំងនគរបាលបានបង្កើនការល្បាត និងបើកយុទ្ធនាការវាយប្រហារ និងបង្ក្រាបបទល្មើសគ្រប់ប្រភេទ ព្រមទាំងការរំលោភបំពានច្បាប់ ដោយលុបបំបាត់អំពើអាក្រក់ក្នុងសង្គម។ ឆ្នាំ ២០២៥ ភូមិភាគបានថ្កោលទោសចំនួន ៣៧ ករណី ដែលពាក់ព័ន្ធនឹងជនជាប់ចោទចំនួន ៥៥ នាក់ លុបបំបាត់ចំនួន ៤៥ ករណី ដែលពាក់ព័ន្ធនឹងបុគ្គលជាង ២០០ នាក់ និងពិន័យជាប្រាក់សរុបជាង ៤០០ លានដុង។ ករណីចំនួន ១៦៥ ករណី ដែលពាក់ព័ន្ធនឹងបុគ្គលជាង ២៥០ នាក់ ដែលប្រើប្រាស់គ្រឿងញៀនខុសច្បាប់ត្រូវបានរកឃើញ។ ចំនួនឧក្រិដ្ឋកម្មសណ្តាប់ធ្នាប់សង្គមបានថយចុះ ២១,៧៥% បើប្រៀបធៀបទៅនឹងរយៈពេលដូចគ្នា។
ដោយសារការត្រួតពិនិត្យយ៉ាងដិតដល់លើភូមិសាស្ត្រ នៅថ្ងៃទី ១៧ ខែមេសាកន្លងហើយ នគរបាលឃុំ Sông Đốc បានរកឃើញបុគ្គលចំនួនបួននាក់ ដែលបានធ្វើតេស្តជាវិជ្ជមានចំពោះគ្រឿងញៀនបានឱ្យឃើញបណ្តាមុខសញ្ញាពាក់ព័ន្ធរួមមាន៖ L.K.C ឃុំ Phan Ngọc Hiển L.C.B សង្កាត់ Láng Tròn L.V.K ឃុំ Khánh Hưng និង N.H.V ឃុំ Trần Văn Thời។ ការរកឃើញ និងដោះស្រាយទាន់ពេលនៃករណីប្រើប្រាស់គ្រឿងញៀនខុសច្បាប់ទាំងនេះ រួមចំណែកយ៉ាងសំខាន់ដល់ការទប់ស្កាត់ និងបង្ការ ដោយការពារការបង្កើតចំណុចក្តៅស្មុគស្មាញនៃគ្រឿងញៀននៅក្នុងតំបន់។
កងកម្លាំងសមត្ថកិច្ចលើភូមិសាស្ត្រឃុំសុងដុកត្រៀមចេញយុទ្ធនាការត្រួតពិនិត្យអង្កេតប្រដាប់អាវុធដើម្បីធានាសន្តិសុខ និងសណ្តាប់ធ្នាប់សង្គមលើភូមិសាស្ត្រ។
សមមិត្ត Võ Minh Sử អនុលេខានៃគណៈកម្មាធិការបក្សឃុំ Sông Đốc បានឱ្យដឹង៖ ចាប់តាំងពីបានអនុវត្តទម្រង់រដ្ឋាភិបាលមូលដ្ឋានពីរថ្មាក់ ការសម្របសម្រួលរបស់ឃុំក្នុងការបង្ការ និងគ្រប់គ្រងបទល្មើសបានផ្តល់យ៉ាងច្រើនលទ្ធផលជាវិជ្ជមានផងដែរ។ កងកម្លាំងសមត្ថកិច្ចប្រចាំភូមិភាគតែងដោះដូរព័ត៌មានលម្អិត និងម្ចាស់ការក្នុងការតាមដានស្ថានការណ៍ជាមុន និងពីចម្ងាយ ព្រមទាំងរកឃើញ និងដោះស្រាយការរំលោភបំពានច្បាប់នៅលើសមុទ្រជាបន្ទាន់ ជាពិសេសការរំលោភទាក់ទងនឹងករណីនេសាទករប្រព្រឹត្តខុសច្បាប់ ការរត់ពន្ធ និងការក្លែងបន្លំពាណិជ្ជកម្ម IUU (ខុសច្បាប់ មិនបានរាយការណ៍ និងមិនទាន់បានគ្រប់គ្រង)។
ជាមួយការប្តេជ្ញាចិត្តរក្សាលំនឹងនយោបាយ និងបម្រើភារកិច្ចអភិវឌ្ឍន៍សេដ្ឋកិច្ច-សង្គមរបស់ភូមិភាគប្រកបដោយប្រសិទ្ធភាព ជាពិសេសធានាសន្តិសុខ និងសណ្តាប់ធ្នាប់ក្នុងឱកាសទិវារំលឹកខួបស្តេចហ៊ុង និងថ្ងៃបុណ្យជាតិ ៣០ មេសា និងថ្ងៃទី ១ ឧសភា វរសេនីយ៍ត្រី Từ Tuấn Anh ស្នងការនគរបាលរងឃុំ Sông Đốc បានឱ្យដឹង៖ “នគរបាលឃុំនឹងសហការជាមួយកងកម្លាំងយោធា និងកងកម្លាំងការពារព្រំដែនក្នុងការវាយប្រហារ និងបង្ក្រាបបទល្មើស ធ្វើការត្រួតពិនិត្យរដ្ឋបាល ល្បាតប្រដាប់អាវុធតាមលើដីគោក ផ្លូវទឹក និងសមុទ្រ ព្រមទាំងត្រួតពិនិត្យប្រភពព័ត៌មានស្តីពីសន្តិសុខតាមប្រព័ន្ធបណ្តាញអ៊ីនធឺណិត ដើម្បីទប់ស្កាត់ និងប្រយុទ្ធប្រឆាំងបទល្មើស ជាពិសេសដើម្បីរក្សាសន្តិភាពជូនប្រជាជន”៕
Thanh Hải
