រានទេវតាជារូបភាពធ្លាប់តែបានស្គាល់ តែងមានវត្តមាននៅមុខផ្ទះហាក់បីដូចជាទីបង្អែកស្មារតីដ៏រឹងមាំរបស់បងប្អូនជនរួមជាតិ Khmer Nam Bộ។ ប្រសិនបើបងប្អូនជនជាតិ Việt Nam ហៅថាអាសនៈសួគ៌ ឬក៏អាសនៈឋានសួគ៌របស់ព្រះអាទិទេពសម្រាប់គោរពបូជាមេឃដី គឺជនរួមជាតិ Khmer មានការបកស្រាយផ្ទាល់ខ្លួនរបស់ពួកគេ៖ វាជាកន្លែងមួយសម្រាប់ងាកឆ្ពោះទៅរកទេវតា និងព្រះពុទ្ធ ដែលបង្ហាញពីជំនឿយ៉ាងជ្រាលជ្រៅលើពិភពអរូបី និងច្បាប់កម្មផលមានបុណ្យបាបជាដើម។
បច្ចុប្បន្ន រានទេវតាតែងត្រូវបានគ្រួសារ Khmer ជាច្រើនរក្សាយ៉ាងខ្ជាប់ខ្ជួន។
អាសនៈទេវតារបស់ជនរួមជាតិ Khmer ធម្មតាត្រូវបានសាងសង់ខ្ពស់ផុតពីដី ដោយធ្វើពីឈើ ឬស៊ីម៉ង់ត៍ ជាមួយនឹងតុតូចមួយនៅខាងក្នុងសម្រាប់ដាក់ស្លាធម៌ ធូប ទៀនចង្កៀង និងគ្រឿងបូជាផ្សេងៗ។ មិនដូចការគោរពបូជាមេឃបែបបុរាណរបស់សហគមន៍កសិកម្មនោះទេ រានទេវតារបស់ Khmer ទទួលឥទ្ធិពលយ៉ាងខ្លាំងចំពោះព្រះពុទ្ធសាសនាថេរវាទ។ ជនជាតិ Khmer មិនត្រឹមតែចាត់ទុកវាជាកន្លែងមួយសម្រាប់គោរពបូជា "ទេវតាសួគ៌" ក្នុងន័យថាជាទេវតាដ៏ខ្ពង់ខ្ពស់ប្រសើរក្រៃលែងប៉ុណ្ណោះទេ ប៉ុន្តែក៏ជាកន្លែងមួយសម្រាប់ងាកទៅរកទេវតា និងជាពិសេសព្រះពុទ្ធ ដែលជាអ្នកត្រាស់ដឹងហើយតែងជួយបង្ហាញណែនាំផ្លូវឱ្យមនុស្សសត្វទាំងពួងទៅរកសេចក្តីល្អ។ រៀងរាល់ល្ងាច ឬថ្ងៃឈប់សម្រាក ក្រុមគ្រួសារបាននាំគ្នាអុជធូប ថ្វាយទឹកអប់ផ្កា និងផ្លែឈើ និងអធិស្ឋានដោយស្មោះអស់ពីចិត្តដើម្បីសុំសុខសន្តិភាព និងការប្រមូលផលពេញដោយបរិបូរណ៍ និងជីវិតរស់នៅប្រកបដោយភាពរុងរឿង។
.jpg)
ពិធីថ្វាយទេវតាបានបង្ហាញច្បាស់ពីជំនឿដ៏ជ្រាលជ្រៅសម្រាប់ខាងវិញ្ញាណ និង ច្បាប់លោកិយ៍។
ទានទេវតាបានឆ្លុះបញ្ចាំងយ៉ាងច្បាស់ពីជំនឿរបស់ប្រជាជន Khmer ថាមនុស្សរស់នៅចន្លោះស្ថានសួគ៌ និងផែនដី ស្ថិតនៅក្រោមច្បាប់ធម្មជាតិ និងកម្មផល។ ការគោរពបូជាមិនត្រឹមតែសម្រាប់ស្វែងរកពរជ័យប៉ុណ្ណោះទេ ថែមទាំងបម្រើជាការរំលឹកដល់មនុស្សម្នាក់ៗឱ្យរស់នៅប្រកបដោយគុណធម៌ ជៀសវាងអំពើអាក្រក់ និងខិតខំកសាងសន្សំកុសលផលបុណ្យសម្រាប់ខ្លួនឯង និងក្រុមគ្រួសារផងដែរ។
ពិធីសែនទទួលទេវតា គឺជាជំនឿមិនអាចខ្វះបានរបស់បងប្អូនជនរួមជាតិ Khmer ក្នុងរាល់បណ្តាពិធីបុណ្យទានប្រពៃណី។
សព្វថ្ងៃនេះ បើទោះបីជាមានការផ្លាស់ប្តូរជាច្រើនក្នុងជីវិតសម័យទំនើបក៏ដោយ រូបភាពនៃរានទេវតានៅតែត្រូវបានរក្សានៅតាមបណ្តាគ្រួសារ Khmer ជាច្រើនផងដែរ។ នេះគឺជានិមិត្តរូបនៃជំនឿ ការតភ្ជាប់រវាងមនុស្ស និងចក្រវាល ព្រមទាំងបណ្តាតម្លៃខាងវិញ្ញាណដ៏ស្ថិតស្ថេរចិរកាលទៀតផង៕
Danh Nguyên
