ក្នុងជីវភាពវប្បធម៌ និងស្មារតីរបស់សហគមន៍ជនជាតិ Hoa តន្ត្រីមានតួនាទីយ៉ាងសំខាន់ជាពិសេស។ វាមិនត្រឹមជាកន្លែងសម្រាប់បង្ហាញពីក្តីបំណងប្រាថ្នា និងចែករំលែកខាងអារម្មណ៍ប៉ុណ្ណោះទេ ប៉ុន្តែវាក៏ជាសូរសព្ទសម្លេងងនៃក្តីស្រម័យសម្រាប់សុភមង្គលផងដែរ។ នេះត្រូវបានបង្ហាញតាមរយៈឈុតរឿងសម្តែង និងបទចម្រៀងនីមួយៗ។ ក្នុងនោះ សិល្បៈល្ខោនបុរាណ Triều Kịch របស់ជនជាតិ Hoa ដែលមានដើមកំណើត Triều Kịch គឺជា "ស្ពាន" សម្រាប់បង្ហាញពីតម្លៃខាងវិញ្ញាណទាំងនេះ។
អ្នកមីង Trương Phương Lan បកស្រាយបទចំរៀង Lưu Minh Châu និងណែនាំភ្ញៀវទេសចរណ៍កម្សាន្តសប្បាយក្នុងពិធីបុណ្យសែនថ្វាយអាទិទេព។
យោងតាមប្រវត្តិសាស្ត្រច្រៀង Triều Kịch គឺជាទម្រង់សិល្បៈបែបបុរាណប្រពៃណីតែមួយគត់ដែលមានប្រវត្តិជាង ៤០០ ឆ្នាំ មានប្រភពមកពីតំបន់ Triều Sán ខេត្ត Quản Đông ប្រទេស Trung Quốc)។ ទម្រង់សិល្បៈនេះបានរួមបញ្ចូលគ្នារវាងតន្ត្រី រាំរបាំ ក្បាច់គុន និងការប្រើប្រាស់គ្រាមភាសា Triều Châu ក្នុងការសម្តែងរបស់វា។ ខ្លឹមសារចំរៀងបែបបុរាណនេះតែងភ្ជាប់ទៅនឹងរឿងរ៉ាវដែលមានអត្ថន័យខាងអប់រំ ដោយសង្កត់ធ្ងន់លើតម្លៃនៃមនុស្សជាតិ ភាពត្រឹមត្រូវ បញ្ញា ភាពជឿទុកចិត្ត សេចក្តីស្រឡាញ់ ការអាណិតអាសូរ និងសេចក្តីប្រាថ្នាសម្រាប់សុភមង្គល។ ពេលចូលមកដល់ប្រទេស Việt Nam ចំរៀងទ្រីវគិច តែងត្រូវបានពង្រឹង ច្នៃប្រឌិត និងស្រូបយកខ្លឹមសារនៃទម្រង់សិល្បៈប្រជាប្រិយពីជនជាតិ Kinh និងខ្មែរ ផ្តើមពីនោះក៏បង្កើតបានអត្តសញ្ញាណពិសេសរបស់ខ្លួន និងស្មារតីសាមគ្គីរវាងសហគមន៍នៅលើតំបន់ទឹកដីថ្មីនេះ។
នៅ Cà Mau ប្រហែលឆ្នាំ ២០២៥ ក្រុមតន្ត្រីប្រពៃណី Kiều Quang ដែលបង្កើតឡើងដោយលោក Lưu Kim Long ក្នុងឆ្នាំ ១៩៨៧ នៅវត្ត Quan Đế សង្កាត់ Bạc Liêu រួមចំណែកក្នុងការអភិវឌ្ឍទម្រង់សិល្បៈនេះ និងបានសម្តែងនៅក្នុងខេត្ត និងទីក្រុងជាច្រើនដែលមានសហគមន៍ជនជាតិ Hoa រស់នៅ។ ទោះជាយ៉ាងណាក៏ដោយ ចាប់ពីឆ្នាំ ២០២០ មកទល់បច្ចុប្បន្ន ទម្រង់សិល្បៈពិសេសនេះបានធ្លាក់ចុះជាបណ្តើរៗ ដោយលែងរក្សាសកម្មភាពធម្មតាទៀតដែរ ហើយមានតែសិប្បករមួយចំនួនតូចប៉ុណ្ណោះដែលចូលរួមក្នុងការសម្តែង ដកស្រង់ក្នុងពិធីបុណ្យប្រពៃណី។ នេះជាបញ្ហាដ៏គួរឱ្យព្រួយបារម្ភមួយផងដែរ ពីព្រោះប្រសិនបើ Triều Kịch សាបរលាយបាត់ទៅ មិនត្រឹមតែទម្រង់សិល្បៈមួយនឹងបាត់បង់ប៉ុណ្ណោះទេ ប៉ុន្តែវាក៏នឹងនាំឱ្យមានហានិភ័យនៃការបាត់បង់តម្លៃដែលរួមជាមួយវាផងដែរនោះ ដូចជាតន្ត្រី របាំ ភាសា និងរឿងព្រេងប្រជាប្រិយប្រពៃណីផងដែរ។
សិប្បករជនជាតិ Hoa ម្នាក់បងស្រាយចំរៀង Triều Kịch ប្រសិទ្ធពរនៅវត្ត Bang សង្កាត់ Bạc Liêu។
អ្នកមីង Trương Phương Lan នៅសង្កាត់ Vĩnh Trạch ជាអតីតអ្នកចម្រៀងនាំមុខគេនៃក្រុមតន្ត្រី ប្រពៃណីបុរាណ Kiều Quang បានស្នើថា៖ «ដើម្បីថែរក្សាសិល្បៈចំរៀង Triều Châu ខ្ញុំសូមស្នើ ភ្នាក់ងារពាក់ព័ន្ធ រដ្ឋអំណាចភូមិភាគ និងអង្គការសហគមន៍ Hoa នៅ Cà Mau គួរតែស្វែងរកដំណោះស្រាយឆាប់ៗនេះ ដើម្បីប្រមូលផ្តុំកម្លាំង និងបើកថ្នាក់បង្រៀនឱ្យជំនាន់ក្រោយ។ ប្រសិនបើក្រុមមិនអាចបង្កើតបាននោះទេ យ៉ាងហោចណាស់ក្រុមតន្ត្រី ឬក្លឹបចំរៀង Triều Châu គួរតែត្រូវបានបង្កើត ដើម្បីថែរក្សាទម្រង់សិល្បៈប្រជាប្រិយដ៏ពិសេសនេះ»។
ជាក់ស្តែង ការបង្កើតទីលានកម្សាន្ត និងការបង្រៀនសិល្បៈ Triều Châu ដែលស្រដៀងនឹងតន្ត្រីប្រពៃណីរបស់ជនជាតិ Hoa ឬល្ខោនយូកេរបស់ប្រជាជន Khmer គឺជាបញ្ហាបន្ទាន់ដែលត្រូវការការយកចិត្តទុកដាក់បន្ថែមទៀត។ នេះនឹងមិនត្រឹមតែរក្សាអត្តសញ្ញាណវប្បធម៌ប្រពៃណីរបស់បណ្តាជនជាតិភាគតិចប៉ុណ្ណោះទេ ថែមទាំងបង្កើតសន្ទុះសម្រាប់ការអភិវឌ្ឍទេសចរណ៍វប្បធម៌នៅភូមិភាគទៀតផង៕
Lâm Hỷ
