ដើម្បីជំនួយឧបត្ថម្ភសិស្សក្រីក្រលំនឹងក្នុងការទៅសាលា និងបន្តសម្រេចក្តីស្រមៃរបស់ខ្លួន សម្រាប់អនាគត សម្ព័ន្ធយុវជនឃុំ Vĩnh Phước កំពុងអនុវត្តទម្រង់ "កូនចិញ្ចឹមរបស់សម្ព័ន្ធយុវជន"។
គណៈប្រតិបត្តិការសម្ព័ន្ធយុវជនឃុំ Vĩnh Phước បានមកដល់ផ្ទះដើម្បីសួរសុខទុក្ខ លើកទឹកចិត្ត និងជំនួយឧបត្ថម្ភតាមការកំណត់ដល់ប្អូន Phạm Minh Nhật។
ប្អូន Phạm Minh Nhật ជាសិស្សថ្នាក់ទី ២ សាលាបឋមសិក្សា Vĩnh Phú A ត្រូវបានសម្ព័ន្ធយុវជន ឃុំទទួលយកធ្វើជាកូនចិញ្ចឹម។ Minh Nhật និងប្អូនស្រីរបស់ខ្លួនរស់នៅជាមួយម្តាយក្នុងផ្ទះដ៏តូចចង្អៀតមួយដែលទើបសាងសង់លើដីធារបស់សាច់ញាតិ។ ម្តាយរបស់ Nhật ធ្វើការជាអ្នកបម្រើការងារផ្ទះ ប្រាក់ចំណូលរកបានក៏តិចតួច។ ទោះបីជាស្ថិតក្នុងស្ថានភាពលំបាកយ៉ាងណាក៏ដោយ Minh Nhật និងប្អូនស្រីរបស់ខ្លួនតែងតែជាសិស្សដែលមានអាកប្បកិរិយាល្អ និងរៀនបានយ៉ាងល្អផងដែរ។
ដោយឃើញពីស្ថានភាពលំបាកនេះ និងស្មារតីខិតខំឈានឡើងសិស្សវ័យក្មេងម្នាក់នេះ សម្ព័ន្ធយុវជនឃុំ Vĩnh Phước បានទទួលយក Minh Nhật ធ្វើជាកូនចិញ្ចឹម។ ជារៀងរាល់ខែ Minh Nhật ទទួលបានប្រាក់ឧបត្ថម្ភចំនួន ៥០០ ពាន់ដុង អាចជួយកាត់បន្ថយការចំណាយខាងថវិកាគ្រួសារបានខ្លះផងដែរ។
បងស្រី Đinh Thị Tuyết ម្តាយរបស់ Phạm Minh Nhật បានចែករំលែកថា៖ «ដោយមានការឧបត្ថម្ភ ពីយុវជន ខ្ញុំ និងកូនៗរបស់ខ្ញុំមានទំនុកចិត្តកាន់តែខ្លាំងដើម្បីជម្នះលើការលំបាក និងជីវភាពរស់នៅ។ ខ្ញុំតែងតែលើកទឹកចិត្តកូនៗរបស់ខ្លួនឱ្យខិតខំសិក្សារៀនសូត្រ ដើម្បីកុំធ្វើឱ្យខកបំណងអ្នកដែលជួយពួកគេ»។
ទន្ទឹមនិងនោះ សម្ព័ន្ធយុវជនឃុំតែងទៅសួរសុកទុក្ខ ជជែកលេង និងក្តាប់គោលបំណងប្រាថ្នាដើម្បីរួមដំណើរការជាមួយ Minh Nhật ទាំងការសិក្សា និងការរស់នៅផងដែរ។ ដូច្នេះហើយ ប្អូនមិនត្រឹមមានលក្ខណៈសម្ភារៈកាន់តែប្រសើរឡើងប៉ុណ្ណោះទេ ថែមទាំងមានទីបង្អែកសម្រាប់ខាងស្មារតីដើម្បីរឹងមាំជាងមុនក្នុងដំណើរការវិវឌ្ឍខ្លួន។ បណ្តាទង្វើទាំងនេះ ក៏បានផ្តល់នូវភាពកក់ក្តៅ ចិញ្ចឹមបីបាច់ព្រលឹង និងបណ្តុះបេះដូងដ៏ជាទីស្រលាញ់ចំពោះក្មេងប្រុសម្នាក់ដែលឆ្លាតវៃឧស្សាហ៍ព្យាយាម និងពោរពេញដោយឆន្ទៈយ៉ាងមុះមុតទៀតផង។
បណ្តា "បងៗចិញ្ចឹម" ជាមួយសំលៀកបំពាក់ព័ណ៌បៃតងតែងមកសួរសុខទុក្ខ ្ហតាប់យោបល់ និងរួមដំណើរការជាមួយ Minh Nhật ក្នុងការសិក្សារៀនសូត្រ និងការរស់នៅផងដែរ។
ប្អូន Phạm Minh Nhật បានរៀបរាប់ថា៖ «ប្អូនតែងស្រមៃចង់ក្លាយជាគ្រូពេទ្យម្នាក់ ដើម្បីព្យាបាលជំងឺជូនមនុស្សជាច្រើន ជាពិសេសអ្នកដែលមានជីវភាពជួបលំបាកដូចប្អូន។ ប៉ុន្តែគ្រួសារប្អូនក្រពេក ម្តាយធ្វើការយ៉ាងលំបាក ហើយប្អូនខ្លាចតែមិនអាចសម្រេចក្តីស្រមៃរបស់ខ្លួនបាននោះទេ។ ឥឡូវ បានបងៗសម្ព័ន្ធយុវជនទទួលយកចិញ្ចឹម ប្អូននឹងខិតខំព្យាយាមរៀនសូត្រឱ្យបានល្អ ដើម្បីឱ្យម្តាយ និងបងៗសម្ព័ន្ធយុវជនសប្បាយរីករាយដែលបានជួយចិញ្ចឹមមើលថែប្អូន»។
បងស្រី Nguyễn Thị Hồng Diễm លេខាសម្ព័ន្ធយុវជនឃុំ Vĩnh Phước បានឱ្យដឹង៖ “បច្ចុប្បន្ន ការឧបត្ថម្ភដល់ Minh Nhật ត្រូវបានដកចេញពីមូលនិធិនៃការចលនាសប្បុរសជន និងការចួលរួមជាវិភាគទានរបស់សម្ព័ន្ធយុវជនដែលស្ថិតក្រោមការគ្រប់គ្រងរបស់សម្ព័ន្ធយុវជនឃុំ។ សម្ព័ន្ធយុវជនឃុំក៏កំពុងសកម្មចលនាដើម្បីបង្កើតប្រភពមូលនិធិទទួលចិញ្ចឹមបន្ថែមសម្រាប់ប្អូនៗសិស្សានុសិស្សដែលមានជីវភាពក្រីក្រ បង្កលក្ខណៈដើម្បីប្អូនៗលំនឹងទៅសាលាសម្រេចក្តីស្រមៃរបស់រៀងខ្លួន”។
ទម្រង់ “កូនចិញ្ចឹមរបស់សម្ព័ន្ធយុវជន” នៅឃុំ Vĩnh Phước បានពង្រីកតួនាទីជាអ្នកស្ម័គ្រចិត្តនៃសមាជិកសម្ព័ន្ធយុវជន រួមកម្លាំងជាមួយសហគមន៍ដើម្បីផ្តល់ការឧបត្ថម្ភខាងស្មារតី និងសម្ភារៈមួយចំនួន ដើម្បីឱ្យសិស្សក្រីក្រអាចបន្តសម្រេចក្តីស្រមៃរបស់ខ្លួនក្នុងការសិក្សារៀនសូត្រ៕
Thiên Hương - Nguyễn Linh
