ស្របតាមការអភិវឌ្ឍរបស់ខេត្ត តំបន់ដែលមានប្រជាជនខ្មែរស់នៅរច្រើនកំពុងមានការផ្លាស់ប្តូរយ៉ាងសកម្ម។ សម្រស់ភូមិស្រុកមួយថ្ងៃកាន់តែមានភាពទំនើប ស៊ីវិល័យ និងប្រកបដោយអត្តសញ្ញាណជាតិ។
ពិធីប្រណាំងទូក.ងលើកទី ១ ដែលត្រូវបានឃុំ Phước Long ចាត់តាំងបន្ទាប់ពីការរួមបញ្ចូលខេត្ត។
ភូមិស្រុកផ្លាស់ថ្មី
បន្ទាប់ពីការរៀបចំឡើងវិញនូវរដ្ឋបាល ឃុំ Phước Long មានគ្រួសារ Khmer ជាង ៦៤០ គ្រួសារ ស្រូបអត្រាជិត ៦% នៃចំនួនប្រជាជនសរុបទូទាំងឃុំ ប្រមូលផ្តុំច្រើនតាមបណ្តាភូមិ៖ Vĩnh Lộc, Vĩnh Phú B និង Long Đức។ ក្នុងដំណើរឆ្ពោះទៅរកការកសាងសង្កាត់ស៊ីវិល័យ និងទំនើប ឃុំក៏បានយកចិត្តទុកដាក់ជាពិសេសចំពោះការអភិវឌ្ឍតំបន់ដែលមានប្រជាជនខ្មែររស់នៅច្រើនកុះករ។ ឆ្នាំ ២០២៦ ឃុំ Phước Long បានរៀបចំសាងសង់ និងជួសជុលហេដ្ឋារចនាសម្ព័ន្ធដឹកជញ្ជូនដោយសរុបថវិកាចំនួន ៥,៦ ពាន់លានដុង។ ទន្ទឹមនិងនោះ បណ្តាគណៈផ្នែក អង្គការមហាជនជាទូទៅតែងសកម្មជំនួយឧបត្ថម្ភសាងសង់ផ្ទះមេត្តាធម៌ និងប្រព័ន្ធអគ្គិសនីបំភ្លឺនៅតាមតំបន់ប្រជុំជន ជួយបងប្អូនជនរួមជាតិ Khmer មានទីលំនៅសមរម្យ ធានាសុវត្ថិភាព និងសណ្តាប់ធ្នាប់ទៀតផង។
លោក Trần Anh Khiêm អនុប្រធានគណៈកម្មាធិការប្រជាជនឃុំ Phước Long បានមានប្រសាសន៍ថា៖ “ក្នុងរយៈពេលថ្មីៗនេះ មូលដ្ឋានតែងផ្តល់អាទិភាពដល់ធនធានវិនិយោគសម្រាប់តំបន់ដែលមានប្រជាជន Khmer រស់នៅច្រើន។ នេះរួមបញ្ចូលទាំងការផ្តោតលើបញ្ហាសំខាន់ៗដូចជា៖ ការដឹកជញ្ជូន លំនៅដ្ឋាន ទឹកស្អាតប្រើប្រាស់ និងការផ្ទេរបច្ចេកវិទ្យា ក្នុងគោលបំណងលើកកម្ពស់គុណភាពរស់នៅរបស់បងប្អូនប្រជាជន និងអភិវឌ្ឍតំបន់ជនបទរីកចម្រើន និងទំនើប”។
ស្រដៀងគ្នានេះដែរ សម្រស់ជនបទឃុំ Hưng Hội កាន់តែមានភាពទាក់ទាញ ដោយសារការខិតខំប្រឹងប្រែងរួមគ្នារបស់រដ្ឋាភិបាលមូលដ្ឋាន និងប្រជាជន។ ផ្លូវជាច្រើននៅភូមិ Cái Giá និងនឿកមាំង ត្រូវបានធ្វើឱ្យប្រសើរឡើង និងពង្រីកតាមរយៈទម្រង់ “រដ្ឋ និងប្រជាជនរួមគ្នាធ្វើ” ធ្វើឱ្យផ្ទាំងគំនូរជនបទភ្លឺស្វាង ឆ្លើយតបតម្រូវការដឹកជញ្ជូន និងពាណិជ្ជកម្មរបស់ប្រជាជន ដើម្បីលើកកម្ពស់ការអភិវឌ្ឍសេដ្ឋកិច្ចក្នុងស្រុក។
ប្អូនៗយុវេជន Khmer រួមគ្នាថែរក្សារបាំប្រពៃណីក្នុងឱកាសបុណ្យទាន។
រក្សាការពារព្រលឹងស្នូលរបស់ភូមិស្រុក
ក្នុងនិន្នាការនៃការធ្វើសមាហរណកម្ម និងការអភិវឌ្ឍទម្រង់វប្បធម៌បែបទំនើប ការអភិរក្ស និងលើកកម្ពស់តម្លៃវប្បធម៌ប្រពៃណីកំពុងទទួលបានការចាប់អារម្មណ៍កាន់តែខ្លាំងឡើង។ ក្នុងតួនាទីជា «ស្ថាប័នវប្បធម៌» របស់សហគមន៍ វត្តអារាម Khmer ទាំងឡាយមិនត្រឹមតែជាកន្លែងសម្រាប់សកម្មភាពសាសនាប៉ុណ្ណោះទេ ថែមទាំងរួមចំណែកយ៉ាងសំខាន់ក្នុងការអភិរក្សភាសា សិល្បៈ និងបណ្តាលក្ខណៈដ៏ពិសេសសម្រាប់ផ្នែកខាងវប្បធម៌ដ៏ល្អផូរផង់របស់បងប្អូនជនរួមជាតិផងដែរ។
ក្នុងថ្ងៃបុណ្យទានប្រពៃណីម្តងៗ នៅតាមវត្ត Khmer ជាច្រើន ដូចជា៖ វត្តខ្វែងបបែលកណ្តាល(Cái Giá Giữa) ខ្វែងបបែលចាស់ (Cái Giá) ឃុំ Hưng Hội វត្តព្រែកជ្រៅ (Xiêm Cán) សង្កាត់ Hiệp Thành វត្តខ្វែងដង្ហិត (Đìa Muồng) ឃុំ Phước Long វត្តក្របីឃ្លៀច (Cao Dân) ឃុំ Tân Lộc… សុទ្ធតែមានភាពអឹកធឹកក្នុងការរៀបចំសកម្មភាពជាច្រើន រួមទាំងការប្រណាំងទូក.ង សម្តែងសិល្បៈ និងសំលៀកបំពាក់ប្រពៃណី លេងល្បែងប្រជាប្រិយ។ល។ ដើម្បីរក្សាភាពរស់រវើកនៃវប្បធម៌ប្រពៃណី។ ក្នុងរដូវវិស្សមកាល វត្តអារាមជាច្រើនបានក្លាយជាសាលារៀនឥតគិតប្រាក់ មានទាំងបង្រៀនអក្ខរកម្ម និងរបាំជូនប្អូនៗកុមារជនជាតិភាគតិច រួមចំណែកដល់ការអប់រំស្មារតីមោទនភាព ឆន្ទៈ និងការទទួលខុសត្រូវក្នុងការអភិរក្សអត្តសញ្ញាណវប្បធម៌សម្រាប់យុវជនជំនាន់ក្រោយ។
ព្រះឧបជ្ឈាយ៍ Tăng Sà Vong ព្រះចៅអធិការវត្តខ្វែងបបែលចាស់ មានថេរដីការថា៖ “វប្បធម៌គឺជាព្រលឹងនៃភូមិស្រុក ដូច្នេះវត្តអារាមនីមួយៗ រួមទាំងពុទ្ធបរិស័ទគ្រប់រូបតែងរួបគ្នាថែរក្សា និងអភិរក្សយ៉ាងណាឱ្យមានការសមស្របតាមច្បាប់ និងការអភិវឌ្ឍសង្គមសម័យទំនើប។ ពីព្រោះការអភិរក្សវប្បធម៌មិនមែនគ្រាន់តែជាការថែរក្សាតម្លៃចាស់ៗនោះទេ ថែមទាំងបង្កើតការលើកទឹកចិត្តខាងវិញ្ញាណដើម្បីធ្វើការរួមគ្នាសម្រាប់ការអភិវឌ្ឍភូមិស្រុកប្រកបដោយចីរភាពផងដែរ”។
ការរួមបញ្ចូលគ្នាដ៏សុខដុមរមនានៃការអភិវឌ្ឍជនបទសម័យទំនើបជាមួយនឹងការអភិរក្សវប្បធម៌ប្រពៃណីបានបង្កើតមុខមាត់ថ្មីសម្រាប់ភូមិស្រុក។ ផ្តើមពីនោះ បង្កើតបានជាមូលដ្ឋានសម្រាប់កែលម្អគុណភាពរស់នៅរបស់ប្រជាជន រួមចំណែកដល់ការពង្រឹងទេសភាពវប្បធម៌ជនជាតិនៅលើមាតុភូមិខេត្ត Cà Mau៕
Hữu Thọ
