ឆ្លងកាត់ដំណើរការកសាង ប្រយុទ្ធ និងវិវឌ្ឍរបស់ខ្លួន កងកម្លាំងប្រជាស្វ័យត្រាណតែងតែដើរតួនាទីស្នូលប្រចាំនៅមូលដ្ឋានក្នុងការការពារបក្ស រដ្ឋអំណាច ជីវិត និងទ្រព្យសម្បត្តិរបស់ប្រជាជន។ ពង្រីកប្រពៃណីដ៏រុងរឿងនេះ ក្នុងរយៈប៉ុន្មានឆ្នាំកន្លង កងកម្លាំងប្រជាស្វ័យត្រាណឃុំ Hồng Dân តែងពង្រីកតួនាទីរបស់ខ្លួនជាស្នូលដ៏រឹងមាំ និងរីករាលដាលគ្រប់ទិសទី ឆ្លើយតបតម្រូវការយ៉ាងល្អពីមួយថ្ងៃទៅមួយថ្ងៃសម្រាប់ភារកិច្ចក្នុងដំណើរការថ្មី។
កងកម្លាំងប្រជាស្វ័យត្រាណឃុំ Hồng Dân ទទួលយកបណ្តាខ្លឹមសារនៃការហ្វឹកហាត់ខាងយោធា។
ដោយអនុវត្តតាមទិសស្លោក "ទីណាមានប្រជាជន មានអង្គការបក្ស ទីនោះនឹងមានកងកម្លាំងប្រជាស្វ័យត្រាណ" មកទល់ពេលនេះ កងកម្លាំងស្វ័យត្រាណលើភូមិសាស្ត្រឃុំក៏ត្រូវបានរៀបចំរចនាសម្ព័ន្ធប្រកបដោយប្រសិទ្ធភាព។ ការបណ្តុះបណ្តាល ត្រៀមខ្លួនប្រយុទ្ធ និងសមត្ថភាពក្នុងការដោះស្រាយស្ថានភាពផ្សេងៗក៏ត្រូវបានអនុវត្តយ៉ាងម៉ត់ចត់ និងជាក់ស្តែង រួមចំណែកដល់ការរក្សាសន្តិសុខនយោបាយ និងសណ្តាប់ធ្នាប់សង្គមនៅមូលដ្ឋាន។
អនុសេនីយ៍ឯកបម្រុង Trịnh Trung Thật អនុប្រធានគណៈមេបញ្ជាការយោធាឃុំ Hồng Dân បានឱ្យដឹង៖ "យើងខ្ញុំតែងរៀបចំផែនការជាមុន និងធ្វើសេនាធិការដល់គណៈកម្មាធិការបក្សឃុំ និងគណៈកម្មាធិការប្រជាជនឃុំអំពីការហ្វឹកហាត់កងកម្លាំងប្រជាស្វ័យត្រាណទាន់ពេលវេលា ស្របតាមបទប្បញ្ញត្តិ ដោយធានាបាននូវគុណភាព និងប្រសិទ្ធភាព"។
អនុវត្តតាមទិសស្លោកនៃការកសាងកងកម្លាំងប្រជាស្វ័យត្រាណរឹងមាំ និងទូលំទូលាយ ក្នុងដំណាក់កាល ២០២៦-២០៣០ ឃុំ Hồng Dân បានកំណត់គោលដៅនៃការកសាងកងកម្លាំងប្រជាស្វ័យត្រាណដែលមានចំនួនសមរម្យ ដោយផ្តោតលើគុណភាពនយោបាយ និងទំនុកចិត្ត ការរៀបចំរចនាសម្ព័ន្ធអង្គការដែលមានលក្ខណៈសាមញ្ញ តឹងរ៉ឹង និងបំពាក់អាវុធ និងឧបករណ៍ឱ្យសមស្របទៅនឹងតម្រូវការបេសកកម្ម។ ក្នុងពេលជាមួយគ្នានេះ ការសង្កត់ធ្ងន់នឹងត្រូវបានដាក់លើការអប់រំចំណេះដឹងផ្នែកនយោបាយ ច្បាប់ និងការពារជាតិ ព្រមទាំងយោធាដ៏ទូលំទូលាយ និងជាក់ស្តែងសម្រាប់កងកម្លាំងប្រជាស្វ័យត្រាណ បង្កើនការត្រៀមខ្លួនប្រយុទ្ធ និងកម្លាំងប្រយុទ្ធ ដើម្បីបំពេញតាមតម្រូវការនៃការការពារជាតិ និងសន្តិសុខក្នុងស្ថានភាពថ្មី។
“ភូមិភាគនឹងបន្តពង្រឹងការឃោសនាផ្សព្វផ្សាយ និងអនុវត្តបទប្បញ្ញត្តិដែលទាក់ទងនឹងការកសាងកងកម្លាំងប្រជាស្វ័យត្រាណ ជាពិសេសច្បាប់ប្រជាស្វ័យត្រាណ ដើម្បីជួយកម្មាភិបាល សមាជិកបក្ស សមាជិកសម្ព័ន្ធយុវជន សមាជិកសមាគម និងប្រជាជនគ្រប់ស្រទាប់វណ្ណៈឱ្យយល់អំពីតួនាទី ជំហរ និងសារៈសំខាន់នៃកងកម្លាំងក្នុងបុព្វហេតុការពារជាតិ” លោក Nguyễn Nhân Đức ប្រធានគណៈកម្មាធិការប្រជាជនឃុំ Hồng Dân បានចែករំលែកបែបនេះ។
យោងតាមការវាយតម្លៃ ក្នុងរយៈពេលកន្លងមក ភាគច្រើនកងកម្លាំងប្រជាស្វ័យត្រាណឃុំតែងពង្រីកស្មារតីទទួលខុសត្រូវ ដោយសិក្សាបណ្តុះបណ្តាល និងកែលម្អភាពវៃឆ្លាតខាងនយោបាយរបស់ខ្លួនជាប្រចាំ។ ស្មោះត្រង់ទាំងស្រុងចំពោះមាតុភូមិ បក្ស និងប្រជាជន។ លើសពីនោះ កម្លាំងនេះតែងយល់ច្បាស់អំពីគោលការណ៍ណែនាំ និងគោលនយោបាយរបស់បក្ស ក្រឹត្យច្បាប់របស់រដ្ឋ និងបទបញ្ជារបស់រដ្ឋ ជាពិសេសច្បាប់ទាក់ទងនឹងការការពារជាតិ និងសន្តិសុខ។ សម្របសម្រួលយ៉ាងសកម្មជាមួយកម្លាំងមុខងារ ដើម្បីរក្សាសន្តិសុខ និងសណ្តាប់ធ្នាប់ ទប់ស្កាត់ឧក្រិដ្ឋកម្ម និងគ្រោះសង្គម។ ត្រៀមខ្លួនចូលរួមក្នុងការឆ្លើយតបទៅនឹងគ្រោះមហន្តរាយធម្មជាតិ ជំងឺរាតត្បាត និងគ្រាអាសន្ន នៅពេលដែលត្រូវបានប្រមូលផ្តុំ។
ហ្វឹកហាត់កងកម្លាំងប្រជាស្វ័យត្រាណឆ្នាំ ២០២៦។
ក្នុងនាមជាសមាជិកកងកម្លាំងប្រជាស្វ័យត្រាណឆ្នាំទីមួយរបស់ឃុំ បង Phạm Thanh Phát បានចែករំលែកថា៖ «បានចាត់បញ្ចូលជាសមាជិកក្នុងកងកម្លាំងប្រជាស្វ័យត្រាណ គឺជាកិត្តិយសដ៏ធំធេងសម្រាប់ខ្ញុំផ្ទាល់។ ខ្ញុំនឹងខិតខំសិក្សា ហ្វឹកហាត់យោធាយ៉ាងសកម្ម ដើម្បីក្លាយជាអ្នកជំនាញក្នុងការប្រើប្រាស់អាវុធ និងឧបករណ៍ទ័ព ដើម្បីត្រៀមខ្លួនទទួល និងសម្រេចជោគជ័យរាល់ភារកិច្ចដែលថ្នាក់លើបានប្រគល់ជូន»។
សម្រាប់ដំណាក់កាលនេះ ការកសាងកងកម្លាំងប្រជាស្វ័យត្រាណរឹងមាំ និងទូលំទូលាយ ធានាគុណភាព និងកម្លាំងប្រយុទ្ធនៅតែជាកិច្ចការដ៏ចម្បងមួយដែលមានសារៈសំខាន់ជាយុទ្ធសាស្ត្រ។ នេះជាមូលដ្ឋានគ្រឹះសម្រាប់ពង្រឹងសក្តានុពលការពារជាតិ និងយោធានៅថ្នាក់មូលដ្ឋាន រួមចំណែកការពារមាតុភូមិយ៉ាងរឹងមាំ រក្សាស្ថិរភាពនយោបាយ សណ្តាប់ធ្នាប់ និងសន្តិសុខសង្គម និងឆ្លើយតបតម្រូវការនៃភារកិច្ចក្នុងស្ថានភាពថ្មី៕
Thanh Hải - Hoàng Đăng
